عشق ملهم

بارت ٢٩

#عشق ملهم

#بقلمي: زهراء

#ممكن تصوتون للبارت + تعليق + متابعة للحساب

#اشتاق لشخص تشعر به روحي ولاتراه عيني

__________&&&___________&&&__________

نيار: مسحت دموعي وسلمت على ملهم وطلعت من الغرفة نصدمت من شفت مهيمن كبالي وجانت عيونة حمر وعصبي خفت حيل اول مرة هيج اشوفة احس رجلي صارن خيوط شنو حيسوي بية وهو محذرني مااوصل يم ملهم او احجي ويا باوع علي وحجة برود وبكل هدوء

مهيمن: "امشي گدامي نيارر"

نيار: مكدرت احجي اي شي امشي ويا احسن ما اكبر الموضوع

نتاليا: "نيار"

نيار: "لتخافين علي نتاليا ميسويلي شي"
حجيت عكس البداخلي واني اعرف كلش زين مراح يعديهة على خير مشيت ويا اوكفنة صوت اركان الي كان القشة الي كسرت ضهر البعير يعني خاف جان الة نية يفكر يعديهة على خير ليوم اركان ضيعهة

اركان: "بعد مانريد نشوفكم لا انت ولا نيار وابتعد عن ملهم كافي السويتو بي اما انت نيار ملهم مطايق حتة يشوفج فلا اضلين رايحة جاية علي يمكن نسيتي لسويتي بي"

مهيمن: "وانت شنو المحامي مالتة؟ وطمئن مميتين لا على شوفتة ولا على شوفتك"

نيار: حجة هيج مهيمن ولزم ايدي قوي ومشة واني لا اراديا دموعي نزلن اذاني حجي اركان بس صحيح المن جاية اني وهو ملهم حتة مطايق شوفتي
طلعنة من الميستشفى وكف كبال سيارتة وحجة

مهيمن: "عجبج الصار جوة مو؟"

نيار: "مردت هيج يصير اني بس ردت..."

مهيمن: "اشش صعدي بالسيارة"

نيار: صعدت ويا وامبين شكد عصبي كلت خل احاجي وافهمة
"مهيمن اني..."

بعدني ممكملة حجايتي محسيت غير وجهي ندار لجهة لثانية وراسي نضرب بالسيارة من قوة لراجدي

مهيمن: "اشش ولا حرف نيار بس خل نوصل للبيت واحسابج هناك بسيطة"

نيار: حطيت ايدي على خدي اذاني حيل بجيت اذا بس ردت احجي هيج ضربني واحنة بالسيارة لعد بالبيت شنو حيسوي بية دخيلك ربي عديهة على خير اعرف غلطت بجيتي للمستشفى بس والله مو بيدي گلبي لجبرني بس ردت اشوف ملهم مگدرت مااشوفة وصلنة للبيت نزل من لسيارة خفت منزلت اجة فتح باب لسيارة من جهتي وجرني حيل من ايدي صعدني فوك للغرفة ودفعني حيل طحت بالكاع من شفتة قفل باب الغرفة هنا حسيت بالخوف من صدك قويت نفسي شبية خايفة ملازم ابينلة اني خايفة اي اني قوية مااخاف منة شجعت نفسي حتة احاجي وعساني لا حاجية على زلة لساني الي مهدتلة الطريق لكتلتي

"اسمع ملهم اني بس ردت..."

مهيمن: "ههههه هسة صرت ملهم مكفاج ترحين اشوفي صرتي اصيحيلي بأسمة"