نيار: محسيت غير ضربة قوية على راسي دخت حيل واجة ينغمي علي كعدت بالكاع ونتاليا يمي وتحجي وياي
نتاليا: نيار اسمعيني شبيج شنو دختي
هذا منو الي ضربهة شنو مشوفون عميان نتبهو شوية ثول حتة ثول
نيار: نتاليا تحجي اريدهة بس تسكت ماكو فضحتني بالزايد احجي وياهة واسمع بس صوت شاب يحجي وياي
مهيمن: صارلج شي
نيار: رفعت راسي واشوف ولد شاب ضخم و طويل بس جسمة مرتب جان لابس زي رياضي كمت وصرت مقابيلة وحجيت "انت شنو مشوف شلون هيج تشمر لطوبة علي اذا متعرف تلعب لتلعب بعد ومرة لثانية انتبه
مهيمن: امبين مبيج شي من لسانج طلعتي اضرب من صديقتج
نتاليا: احترم نفسك فوك شينة كواة عينة حتة مكلف نفسة واعتذر
نيار: عوفي وين يعرف الاحترام والاعتذار
مهيمن: وليش اعتذر شنو كايلج اني تعالي امشي منا
نيار: اهاا وهسة طلع لصوج مني انت بالاساس متعرف تلعب وذب لصوج على غيرك يلة نتاليا خل نروح كافي نضيع وقتنة على شي ميسوة بعد ممشينة كم خطوة سمعتة يحجي
مهيمن: الله ماخذ من طولجن ومنطيجن لسان بطولي
نيار: اجاهلتة ومحجيت شي بس شنو احس اريد انفجر من العصبية شكد حقير مكلف نفسة يعتذر
نتاليا: خيولي شكد شايفة قليلين ادب بس نفسة مشايفة ميطير من نصة اذا اعتذر شلون نماذج امشي خل نروح للنادي ونشرب عصير نبرد كلبنة وهماتين انت احسج دايخة
نيار: لج عبالك مو طوبة حديد احس راسي حينفجر من لوجع
بعد مرحنة للنادي وطلبنة عصير ودنشرب بالعصير وفاتحة ملزمتي اراجع لان عدنة امتحان وحسيت اكو واحد وكف يم طاولتنة وحجة وي نتاليا امبين تعرفة رفعت راسي اشوفة منو ونصدمت صدمة عمري اي هو هذا
ملهم: السلام عليكم
نتاليا: وعليكم السلام ملهم!!! شهل صدفة الحلوة
نيار: عززا هاي منين تعرفة ويا صدفة حلوة كولي سودة طبعا اني نزلت راسي ومباوعت علي بالكت ميذكرني
ملهم: حلات عيونج شلونج شخبارج متوقعتج ادرسين بنفس لجامعة الي ادرس بيهة
نتاليا: الحمدالله انت شلونك والله مجنت ادري انت تدرس وياي بس لبارحة اياد كلي وتفاجئت تفضل اكعد ليش واكف
نيار: والله مال اضربهة راشدي افلش سنونهة هاي شبيهة حتة نستني
ملهم: تسلمين اي شلونج بالدراسة
نتاليا: والله صعبة لو مداخلة هندسة احسن ههه
نيار: هاي صدك نستني اني اعلمهة لصخلة بسيطة مذكرتني الة من كح هذا الي اسمة ملهم
نتاليا: هههه اسفة نسيت اعرفكم ملهم هاي نيار صديقة عمري واختي ونيار هذا ابن خالتي ملهم
نيار: ابننن خالتج!!!
عززا شبية حجيت هيج والله عيب بس صدمتني شسوي اهلا بيك
ملهم: هلا بيج اشرفت بمعرفتج
نيار: الي الشرف يارب يكون نساني وميذكرني
ملهم: انتن نفس القسم شنو
نتاليا: اي حبينة ندخل نفس القسم يلة نيار ولج تأخرنة باقي خمس دقائق على لمحاضرة من رخصتك ملهم ان شاءالله نلتقي بغير وقت
ملهم: اي اكيد نلتقي
نيار: اوكفي قلمي طاح جوة لطبلة
نتاليا: يلة عوفي اشتري غيرة
نيار: يلة امشي ولج انت منين تعرفين شلون ابن خالتج طلع
نتاليا: شبيج شنو منين اعرفة غير ابن خالتي بس مجنت ادري بي نفس جامعتنة
نيار تعرفين بي هذا نفسة الولد صاحب لسيارة الي شفتة بالكراج
نتاليا: جذاابة هههههه شنو من صدفة هاي
نيار: لعد مشوفين تفاجئت من كلتي هذا ابن خالتج
بعد مخلصت لمحاضرات ورجعت للبيت لكيت علي (اخوي الجبير) جاي يمنة هو ومرتة
نيار: هلة هلة اكول ليوم لبيت منور اثاري روان جايتنة ورحت كبل اخذت روان من حضي ماما وبوستهة
علي: طيح الله حظج مو اني اخوج لجبير سلمي علينة بالاول
مريم: وين اسلم هي حتة مشافتنة
نيار: لا انتو الكل بالكل بس شسوي مشتاقة لبنتي رونة حبيبت عمتهة رحت سلمت على اخوي وعلى مريم وضلينة نسولف ونضحك وحتة غدة متغديت انتضرت لعشة حتة نتعشة سوة وبعد مااجة العشة وتعشينة
حسن: نيار بابا اكلي عوفي روان جيبيهة يمي
نيار: لا بابا عوفهة يمي واني دااكل
حيل مشتاقتلكم ليش متجونة كطعتو فد مرة
علي: مو تدرين دوام ومنلحك واليوم ماخذ اجازة وكلت اجي اشوفكم وانت متجين
نيار: والله ماالحك ادرس ولهندسة صعب ومنا تنضيف لبيت نيار داحجي ومااسمع بس ايلاف تضحك
ايلاف: ههههه والله ضحكتيني هو انت يايوم نضفتي هو كل سبوع تغسليلج ماعونين
نيار: يااخطية علساس انت لتنضفين انت مو زين منج وتسبحين جان خستي
اسماء: كافي شكد تتعاركن ولا عبالك خوات تكول شريجان تعبتني
نيار: مشوفيهة ماما هي لبدت اني كافية خيري شري حتة محجيت بس هي كوة الة تحجي والله بعد بس تحجي اموتهة ولا عبالك اني اكبر منهة طايحة الحظ
ايلاف: لا بلة مو تايهتلج
حسن: كافي سكتن انتن صدك متستحن
علي: عوفن بابا خل نشوف منو تكتل هههه
حسن: وانت شنو اشجعهن على لعرك
نيار: بعد العركة الي صارت صعدت فوك علساس زعلت وهو جذب حتة مااغسل اماعين العشة شكد خبيثة اني ساعة ونزلت قبل ميروح علي وعايلتة لكيتهم يشربون جاي صحت على ايلاف اجيبلي جاي اشو هاي جابتلي جاي ومحجت تفاجئت يلة الحمدالله الله هداهة هستوني شربت لجاي وذبيتة رئستن لحقير هاي مدري شحاطة بي بهارات مدري شنو حتة مو ملح
حسن: شبيج بابا!!
نيار: شوف بابا مدري شحاطتلي بي هاي تريد تموتني بس اني اعلمهة ذبيت كوب لجاي واشيل دولكت لمي واذبهة عليهة وماعرف شلون مسيطرت على لدولكة وي شمرتي للمي فلتت من ايدي وطاحت براس بابا عززا هاي شسويت وماحجيلكم شسويت سويت لدرج شبختين وشردت للغرفة واني اسمع ماما صيح علي ودعي عززا لابس بابا مات مااسمع صوتة ضليت ابجي واضحك بنفس لوقت واسمع بس بجي ايلاف لان ماما كتلتهة وصوت علي ومريم يبوو هسة اني شسويت بس لو مات جان عيطو بس خاف يموت وادخل للسجن يمة اني هسة شبية هيج اتفاول علي ياربي كون مابي شي والله مجان قصدي واخيرا اجت مريم قبل متروح سلمت علي وطمنتني على بابا وكالت مبي شي بس مخيطي خياطين لان من نزف دم علي ماخذة للمضمد الي قريب علينة لان حافة لدولكة اجة براسة اوووف
وثاني يوم لصبح بدلت اريد اروح للجامعة ونزلت على كيف بس كون بابا ميشوفني وبعد مشافتني ماما وحصلت رزالة معدلة وكرصة مرتبة وصلت للجامعة وكاعدة بحديقة لجامعة منتضرة نتاليا ومااشوف بس واحد وكف كبالي وقدملي باقة ورد احمر وبيهة وردة وحدة بيضة رفعت راسي اشوف منو وتفاجئت من شفتة.....
يتبع....
_________&&&___________&&&__________
ممكن اصوتون للقصة ودعمكم
احبكم❤
أنت تقرأ
عشق ملهم
Romanceفتاة تدخل الى الجامعة فتتغير حياتها بعد ان تتعرف على شاب ويحبان بعض فيقررا ان يتزوجا ولكن للقدر رئي اخر عندما تجبر ان تتزوج الذ اعداء حبيبها ويقرر حبيبها الانتقام منها ضنآ انها قد خدعتة هذا ما سنراه في رواية عشق ملهم حب تضحية انتقام
