عشق ملهم

بارت ٢

بعد مداومت جامعة حسيت حياتي حتتغير كانت لجامعة كلش حلووة صارلي سبوع اداوم وكلش حبيتهة وتونست بس مجنت متوقعة حياتي حتتغير للاسؤ
جنت واكفة كبال لمراية واعدل بحجابي حطيت شوية مكياج بس كون بابا ميشوفني لان عدنة ممنوع نحط مكياج ابد واخيرا خلصت ونزلت لان اجة لخط واشوف بابا كبالي
نيار: صباح الخير بابا
حسن: صباح النور بنيتي ليش منزلتي تريكتي
نيار: كعدت متأخر بابا وانت تعرف بية مااحب اتريك
حسن: على راحتج بابا نيار شنو هذا لحاطتة على وجهج اني مو كلت ممنوع لمكياج شلون هيج تريدين طلعين روحي غسلي وجهج
نيار: بابا والله محاطة هواي هو بس واقي شمس لو اشوف لبنات شيحطن بس اني هيط اطلع
حسن: وانت شعليج بالبنات يلة روحي غسلي وجهج لو ماكو روحة وبعد لتحطين شي لوجهج
نيار: تمام بابا
اوووف رحت مسحت لمكياج بالرغم محاطة بس قليل بس هم حضي انوب ابو لخط خبصني بسرعة طلعت حتة مااخذت فلوس لان ضجت حيل وحتة ردت ابجي

ابو الخط: انت شكد تتأخرين صارلي بالربع ساعة منتضرج بعد لتتأخرين
نيار: لناس بالاول تكول صباح لخير وبعدين متأخرت هواي ولبنات شكد يتأخرن ولو هو هذا حضي واعرفة بعد عركة وي ابو الخط واخيرا وصلت نزلنة بكراج مال جامعة نزلت اخر وحدة
وكفت كبال سيارة سودة مضللة عدلت حجابي وكلت خل احط هنا شوية مكياج ليش اروح لحمامات واغلبية لبنات انتبهلي من اجي بدون مكياج واحط مكياج بالحمام وكفت كبال لسيارة وحطيت حمرة مارونية وكحلتي طوختهة وجنت لابسة فستان ابيض وفوكا بوليرة كابوي وبي نفس لوردات اسود وشال اسود وبعد معدلت مكياجي طلعت عطري ورشيت شوية ومااحس الة جامة السيارة نفتحت وطلع بيهة ولد يمة تمنيت لكاع تنشك وتبلعني على هيج موقف وفشلة يبوو انوب ضليت صافنة على لولد معرفت شحجي من لصدمة فزيت من صدمتي من غمزلي و حجة حلوة بدون مكياج عززا بعينة شكد ميستحي خزرتة و خليت وشردت الة اشوية اجيت اركض ولولد مبتسم لعد صارلة ساعة بالسيارة منزل مفتح لباب الله يطيح حظة انوب جان ويا واحد كاعد بالسيارة ضابط ماعرف ايش خرب حظج نيار مصبحة بوجهمن لو رايحة للحمامات احسن بس اني غبية رحت دورت على نتاليا واخيرا لكيتهة بالمحاضرة طبعا واصلة متأخرة ردت ادخل ولدكتور خزرني
دكتور محمود: بعدلج وكت عيني هاي ثاني مرة تتأخرين ليكون مفكرة جامعة ابوج وتجين شوكت ميعجبج
نيار: اسفة دكتور بس لخط اتأخر علي وازدحام
دكتور محمود: طلعي بررة وبعد اذا اجيتي متأخرة اي محاضرة الي مدخلين
نيار: اياا حقير شلون فشلني كدام الطلاب تف عليك وعلى صلعتك ابو كرش ان شاءالله كسر بايدك الله ليوفقك بعد شلون ادخل للقاعة بعد هاي لرزالة ولفشلة اجيت ابجي ردت اروح للكافتريا بس حتة فلوس ماعندي اشتري راخيرا رحت للمكان الي دائمن نكعد بي اني ونتاليا صاير ورة لقسم مالتنة وتحسو مهجور محد يوصلة وبي شجرة نبك جبيرة دائمن نكعد بي ونقرة لان هدوة ومحد موجود بي بعد ساعة تقريبن حيل جعت واخيرا اجت نتاليا وكبل رحنة للكافتريا ناكل وضليت اسولفلهة شنو صار وياي وخاصتا موقف لسيارة اني روحي واصلة لخشمي وهي تضحك علي
نتاليا: هههه شنو من حظ ليوم عندج حب لمن رزلج لدكتور ردت ابجي بمكانج ههههه
نيار: بعد زوديهة علي بمكان مصبريني لج من صدوك حبجي شسوي هذا لدكتور حط راسة براسي بعد شيخلصني منة
نتاليا: يمعودة انسي تكبرين وتاكلين غيرهة ههههه
نيار: كافي لضحكين ترة لموقف ميضحك
نتاليا: اسفة حبيبتي كافي لضوجين خيولي يروحلج ستين فدوة هو وكرشة
نيار: ههههههه ضليت اضحك عليهة وعلى نفسي وشلون حيخلص هليوم اخذت لعصير اريد اشربة وماعرف شلون اجت عيني بعينة جان يباوعلي وغمزلي عزززا هذا شجابة هنا نفسة لولد الي شفتة بالسيارة يبوو على حظي سويت نفسي ماشفتة حتة نتبهتلي نتاليا
نتاليا: ولج شبيج انسي اشو وجهج صار احمر
نيار: كومي نتاليا خلي نطلع بسرعة منا كمت قبل مااسمع جوابهة وطلعت شنو من صدفة سودة هاي خرب حضي
نتاليا: خب شبيج تخبلتي لو اجتج لحالة
نيار: لج اني شفتة جان كاعد بالكافتريا شفتي شنو من حظ عندي ليوم
نتاليا: وحدة وحدة فهميني منو لشفتي
نيار: لولد الي شفتة ليوم بالسيارة هسة شفتة كان كاعد مقابيلنة وكانت ويا بنية
نتاليا: صدك تحجين شنو من لصدفة هاي يلة امشينة قبل منتأخر على لمحاضرة
نيار: بعد مخلصنة محاضراتنة ورجعت للبيت  وجان يوم خميس يعني بعد يومين يلة اداوم مرت هل يومين نفس لروتين بين قراية  وباجر لازم اداوم واكفة على لسنك اغسل اماعين واحجي على ايلاف شكد خبيثة متجين تنضفين لمطبخ مو عندي قراية وانت ضالة بس على لموبايل لحقيرة
ايلاف: انت عندج قراية ودوام واني شعندي خ.. رة مو همات طايح حضي بالدراسة وانت شوكت منضفة هو بس ليوم غسلتيلج ماعونين وكلبتي لدنيا لفاهية
نيار: ولجج شنو انت صايرة متحترمين لا اجي اكسر راسج لخايسة ام الكمل
ايلاف: اني لخايسة ام كمل لعد شنو شوفي نفسج وتعاي احجي ام عطوب ام كفشة
نيار: ذبيت لمجلافة من ايدي ورحتلهة انت صدك منأدبة ليوم الة اادبج من جديد طايحت لحظ رحت وجريتهة من شعرهة
ايلاف: ادبي روحج بالاول وبعدين ادبيني ام البناطير
نيار: ضلينة نتعار اني اجرهة من شعرهة وهي اجرني من شعري ومانسمع بس صياح امي علينة
اسماء: اني اعلمجن يا ساقطات ياطايحات لحظ هن اماعين ومكدرت تغسلنهن اليوم الة اموتجن يا برابيك
نيار: منشوف الة ماما اجة بالصوندة وشردنة كبل فوك هاي لحقيرة وصلت قبلي وقفلت لغرفة ومفتحتهة الي اني اعلمهة دفرت لباب برجلي ورحت لسطح سديت لباب علي وضليت افوور من عصبيتي هسة لو غاسلتهن وساكتة مو احسن هاي دائمن اني واختي نتعارك حتة من نطلع لسوك بس بالاخير نرجع ولا كأنو صاير شي وبعد يوم متعب خلص بس طبعا بعد ما. ماما كالت لبابا وحصلنة رزالة معدلة وخلتنة كمنة نضفنة لبيت كلة وخلص هيج يوم بحلوة ومرة
ونبدي بداية يوم جديد بعد موصلني لخط ورحت كبل للحمامات حطيت شوية مكياج وخلصنة محاضرتين ورحنة لمكان يصير شلون لقاعة هيج يلعبون بي كرة السلة جان كلش حلو واني اشوف الاعبين كل واحد شطولة جنت صافنة واباوع عليهم اني ونتاليا ومحسيت غير ضربة قوية على راسي....

يتبع..
____&&&_________
اتمنة دعمكم للقصة