(Unicode)
အဓိကမင်းသားကို ငါမလိုဘူး။
အပိုင်း ၄
Author - 라닐슨생
Translator – Galene
**********
ဒါကြောင့်မလို့ ငါထပ်မေးလိုက်မိတယ်။
"မရဘူးလား"
အရှင့်သားရဲ့မျက်နှာပေါ်မှာ ငါတွေ့လိုက်ရတဲ့ အကြည့် က ချက်ချင်းပျောက်ကွယ်သွားပြီး သူ့ရဲ့ နဂို နူးညံ့သိမ်မွေ့ တဲ့ အမူအရာက ပြန်ရောက်လာတယ်။
"ဘာလို့မရရမှာလဲ"
သူက ရထားနံရံကို လေးငါးခေါက် ခေါက်လိုက်ပြီး "ကလစ်ဖို့ဒ်မြို့စားနေအိမ်ဆီကို သွားရအောင်" လို့ ပြော လိုက်တယ်။
"ဟုတ်ကဲ့ပါ အရှင်"
ရထားလုံးက ရွေ့သွားတာနဲ့အတူ ငါလည်း မြင်းတွေ၊ မြင်းစီးသူရဲကောင်းတွေ နောက်ကလိုက်နေတာကို ကြားလိုက်ရတယ်။ ဒါမှမဟုတ် မင်းသားအီနော့ချ်က စဉ်းစားပေးတတ်လို့ ပတ်ဝန်းကျင်က တိတ်ဆိတ် နေတာကြောင့်လည်းပါမယ်။
"အရှင့်သားက တကယ့်လူကောင်းပဲ"
"..."
သူကလက်ပိုက်လိုက်ပြီး မျက်လုံးတွေကို ပိတ်လိုက် တယ်။ သူ့အပြုအမူက အပြုသဘောမဆောင်သလို အပျက်သဘောလည်းမဟုတ်လောက်ဘူး။
ရထားလုံးက တလိမ့်လိမ့်သွားနေတော့ ငါလည်း မျက်လုံးမှိတ်လိုက်မိတယ်။ ကျေးဇူးတင်ဖို့ကောင်းစွာနဲ့ပဲ သူလည်း ငါ့ကိုစကားမပြောတော့ဘူး။ ဒါကြောင့် ငါလည်း ငါ့ဘာသာတွေးဖို့ အချိန်ရသွားခဲ့တယ်။
ဝတ္ထုထဲမနိုးလာခင် ရက်အနည်းငယ်အလိုတုန်းက ငါနဲ့ နှစ်တော်တော်ကြာတွဲခဲ့တဲ့ ချစ်သူကောင်လေးရဲ့ မင်္ဂလာဆောင်ကို သွားခဲ့သေးတယ်။
ငါတို့တော်တော်ကြာကြာတွဲခဲ့ကြပြီး တစ်လမပြည့် သေးတဲ့ တစ်နေ့မှာပဲ သူကလက်ထပ်သွားခဲ့တယ်။
ဒါက ဝမ်းနည်းစရာမဟုတ်ဘူးလို့ ငါထင်ခဲ့မိတယ်။ ဒါပေမဲ့ ထူးဆန်းစွာနဲ့ပဲ ငါရက်တော်တော်ကြာ အိပ်မပျော်ခဲ့ဘူး။
တော်တော်လည်းအိပ်ချင်နေတော့ ငါတော်ရုံ မသောက်တတ်တဲ့အရက်တွေကို သောက်ခဲ့မိတယ်။ ပြီးတော့ ငါ မသောက်တတ်တဲ့ အိပ်ဆေးတွေကိုပါ မျိုချလိုက်သေးတယ်။
YOU ARE READING
အဓိကမင်းသားကို ငါမလိုဘူး [ဘာသာပြန်]
Historical FictionName - အဓိကမင်းသားကို ငါမလိုဘူး။ Web name - You can keep the male lead Author - 라닐슨생 Translator _ Galene Genre - Drama, Fantasy, Romance We don't own this story, we just translated and respectfully give credit to rightful author.
![အဓိကမင်းသားကို ငါမလိုဘူး [ဘာသာပြန်]](https://img.wattpad.com/cover/336675620-64-k558078.jpg)