(Unicode)
အဓိကမင်းသားကို ငါမလိုဘူး။
အပိုင်း (၁)
Author _ 라닐슨생
Translator – Galene
**********
ငါ့မျက်လုံးကိုဖွင့်လိုက်တဲ့အချိန်မှာ သတို့သမီးဝတ်စုံနဲ့ အမျိုးသမီးတစ်ယောက်ကို မှန်ရှေ့မှာ အရင်ဦးဆုံး တွေ့လိုက်ရတယ်။
ငါ အခေါက်ပေါင်းများစွာ မျက်တောင်ကို ပုတ်ခတ်ပုတ်ခတ် လုပ်အပြီးမှာ မျက်လုံးကို ပြန်ပိတ်လိုက်မိတယ်။
ဒါပေမဲ့ မကြာခင်မှာပဲ...
ဖျောင်း ဖျောင်း-
"သခင်မလေး ထပါတော့။ ဆံပင်ကတော့ ပုံပျက်ကုန်တော့မယ်။ နာရီတော်တော်ကြာအောင် လုပ်ထားရတာကို"
"...ဟင်"
"သွားပြီး ခေါင်းကို သပ်သပ်ရပ်ရပ် ဖြစ်အောင် လုပ်လိုက်ပါဦး"
"ဒါက ဘယ်နေရာ..."
အိမ်အကူယူနီဖောင်းဝတ်စုံနဲ့ မိန်းကလေးတစ်ယောက်က ခေါင်းငုံ့ရင်း ထရယ်တယ်။
"သခင်မလေးက ပျော်လွန်းလို့ အိပ်မက်မက်နေတယ်လို့ ထင်နေတာလား"
"အာ ဖြစ်တတ်ပါတယ်။ နောက်ဆုံးတော့ သခင်မလေးရဲ့ ဆန္ဒက တကယ်ဖြစ်လာပြီပဲ။ အားကျဖို့ ကောင်း လိုက်တာ။ သခင်မလေးရဲ့ ဇွဲကတော့...မဟုတ်ဘူး။ အချစ်လို့ ပြောရမလား"
အိမ်အကူယူနီဖောင်းနဲ့ နောက်ထပ် အမျိုးသမီးတစ်ယောက်က ငါ့ခေါင်းပေါ် ကို အဖြူရောင်ပုဝါ တစ်ထည် ခြုံပေးရင်း ပြောလိုက်တယ်။
ဘာတွေဖြစ်နေတာလဲ။ ငါ အိပ်ချင်မူးတူး ဖြစ်နေသလိုပဲ။
"ဘာတွေပြောနေတာလဲ..."
"ခဏ၊ မလှုပ်ပါနဲ့ဦး။ အခုပြီးတော့မယ်"
ငါ့ခေါင်းပေါ်မှာ စိန်တွေနဲ့ စီထားတဲ့ သရဖူးအကြီးကြီး တစ်ခုကို ဆောင်းပေးပြီးမှ သူတို့က နောက်ပြန်ဆုတ်သွားကြတယ်။
ဒီစိန်တွေက အစစ်တော့ မဖြစ်နိုင်ဘူး။
ငါ မှန်ရှေ့ကိုကြည့်လိုက်တော့ တလက်လက်တောက်နေတဲ့ အဖြူရောင်ဝတ်စုံကို ဝတ်ထားပြီး မျက်နှာပေါ်ကို ပဝါချထားရင်း ခေါင်းပေါ်မှာ သရဖူတစ်ခုဆောင်းထားတဲ့ အမျိုးသမီးတစ်ယောက်ရဲ့ ပုံရိပ်ကို တွေ့ရတယ်။
YOU ARE READING
အဓိကမင်းသားကို ငါမလိုဘူး [ဘာသာပြန်]
Historical FictionName - အဓိကမင်းသားကို ငါမလိုဘူး။ Web name - You can keep the male lead Author - 라닐슨생 Translator _ Galene Genre - Drama, Fantasy, Romance We don't own this story, we just translated and respectfully give credit to rightful author.