صعقت من الاسم الذى على تلك الورقة انه هو...وليد نصار...هل هو متهم فى قضية قتل حقا؟؟؟انه هو حب حياتها منذ خمسة عشر عاما...وهو ابن عمتها ايضا...لا تصدق انه جاء عرض عليها ان تكون محاميته الخاصة بعد فشل الكثيرون فالقضية حقا معقدة جدا.........ماذا تفعل؟؟؟ان رأته ستحن له من جديد..وهو بالتأكيد أصبح لغيرها الآن....هل ستحتمل هذا العذاب؟؟لكنها لن تحتمل ان يعدم....توقف قلبها وهو ينبض بالرفض....لن تتركه فى تلك القضية انه مظلوم وهى متأكدة من ذلك...
فهد:يا استاذة موافقة ولا ايه....لولا انهم قالولى انك محامية جبارة مكنتش جيت....
جميلة: اه اه موافقة..بس عاوزة اقابلو وافهم منه شخصيا....ده غير ورق القضية طبعا...
فهد بارتياح: اه تمم شكرا جدا لحضرتك....بس والنبى ابذلى مجهود....عشان....
جميلة تقاطعه: عارفة اكيد حضرتك مش هتفهم فى شغلى اكتر منى ولا ايه؟؟
فهد بإحراج: اكيد طبعا اسف لحضرتك...بس اصل محدش عارف يمسك اى حاجة على المجرم اللى اصلا مش لقينه...لو حضرتك يعنى عاوزة فلوس زيا...
قاطعته جميلة بغضب وهى تنهض من مقعدها: شكل حضرتك فهمتنى غلط انا مش بقبض رشاوى مقابل شغلى..
فهد بإحراج واعجاب: اسف اسف لحضرتك مرة تانية بس...
جميلة: مبسش تجبلى الورق وتخلينى اقعد معاه ولو حضرتك معندكش حاجة تقولها اتفضل برة عندى شغل...
فهد وهو يعطيها الملف: اتفضلى ورق القضية ..هخليكى تقابليه بكرة ..عشان الجلسة بعد تلت ايام...
جميلة ببعض القلق: بالسرعة دى...
استغرب فهد تصرفها وقال: لا بس احنا ضيعنا وقت مع محامين كتار فده ضيع من وقتنا.....ولو حضرتك مش قد القضية ممكن....
لم يكمل لتقاطعه جميلة: لا قدها ان شاء الله....سبنى بس ادرس القضية وان شاء الله صاحبك هيطلع براءة...دا لو هو فعلا صاحبك....ولو هو بريء ...
فهد بسرعة:طبعا برئ وليد ده عمره ما يقتل.....بس ازاى عرفتى ان انا صاحبه؟؟؟؟
سرحت جميلة فى اسمه...وتنبهت على كلام فهد:هه لا اصل هنا بطاقته بتقول انه 28 سنة وانت سنك قريب منه وبما انك متلهف عليه اوى كدة تبقى صاحبه ولا ايه؟؟
ابتسم فهد: ياااه لحقتى تلمحى بطاقته كمان ..شكلو هيخرج على ايدك...انا واثق فى حضرتك...
جميلة بابتسامة:وانا ان شاء الله اكون عند حسن ثقتك دى...
فهد بابتسامة وهو يرحل: ان شاء الله...اصله رجل اعمال كبير وكدة..عن اذنك بقا عشان معطلكيش اكتر من كدة...
جميلة بابتسامة: اتفضل طبعا....
خرج فهد وهوت هى على مقعدها تفكر...كيف ستراه لتعيد ذكريات الماضى لها من جديد..؟؟لكن يجب عليها ان تنقذه..هى لن تنكر حبها له حتى الآن....
جميلة بتصميم: مش هتخلى عنك يا وليد....بس يا ترى انت لسة فاكرنى ولا لا....؟؟؟؟
شعرت بحزن عميق ..ففكرة ان من تحب لن يتذكرها يؤلم وبشدة فهم لم يروا بعضهم منذ خمسة عشر عاما....
جميلة تنظر لصورة فى هاتفها بحزن: يا ترى هتفتكرنى بعد ده كله يا وليد...؟؟؟؟
❤يتبع❤
YOU ARE READING
أُحبك مُنذ الصِغر...بقلم : فاطمة محمد
Romanceوسألتُ يومًا عن الحب..قيل لى أنه الأمان..وسألتُ يومًا عن الحب من طرف واحد..قيل لى أنه العذاب بعينه..وسألتُ يومًا عن حب الطفولة..قيل لى ما أروعه وأنقاه..قصتنا تدور حول خمس أبطال وخمسة بطلات..كل واحد منهم كان لديه حب طفولة..ولكن يشاء القدر أن يفرقهم و...
