The Magic Painting || JJK ✓

Chapter 12

මේ වෙලාවෙ ඇත්තටම චිත්‍රය ඇතුළෙ තිබුණෙ හරිම සන්සුන් බවක්. කට්ටිය තාමත් ගේ ඇතුලට වෙලා පහලට යන්න ක්‍රමයක් හිත හිත ඉන්නකොට ජින් එයාලා ගාව තිබුණු කෑම වලින් ටික ටික අනිත් තුන්දෙනාටත් දුන්නා. එයාට අනුව මොන දේ කරන්නත් කලින් හොඳට කාලා ඉන්න ඕන.

"අපිට මෙතනින් පහලට යන්න ලණුවක් වගේ මොකක් හරි තිබුණා නම් හරි."

ජංගුක් කිව්වෙ එහෙට මෙහෙට ඇවිදින ගමන්. මෙච්චර උස තැනකින් කොහොම පහලට බැහැගන්නද කියලා එයාලට හිතාගන්න බැරි වුණා. ඇරත් එතන ලණුවක් වත් නොතිබුණ නිසා කරන්නෙ මොකක්ද කියලා කිසිම අදහසක් නැහැ.

"අපි මෙතනින් පහලට පැන්නොත්?"

මින්හා කිව්වෙ එයාට මතක් වෙච්ච එකම දේ. 

"තමුන්ට පිස්සුද ආආආ.... මෙතනින් පැනලා මැරෙන්නද ඕනෙ? විකාර කරන්න එපා."

ජංගුක් කිව්වෙ දොර ලඟ හිටපු මින්හාව තමන්ගෙ පැත්තට ඇදලා ගන්න ගමන්. කෙල්ල එකපාරටම ඇවිත් කොල්ලගෙ ඇඟේ වදිනකොට දෙන්නම රතු වුනේ ඒ දිහා බලාගෙන හිටපු ජින් නම්ජුන් දෙන්නට ඒකෙ කිසිම තේරුමක් නැති වෙද්දි. 

"ඔය දෙන්නගෙ මොකක් හරි හොරයක් තියෙනවා කුකියාආ.... මහරජ කෙනෙක්ට බොරු කියලා වැඩ වරද්ද ගන්න එපා."

"මොනාද හියොන් කියන්නෙ? අපි අතරෙ එහෙම මොකුත් නෑ. මං මෙයාට කැමති නෑ පොඩ්ඩක් වත්."

ජංගුක් එකපාරටම ජින් කියපු දේට කලබල වෙලා කියවගෙන යද්දි ජින් නම්ජුන් දෙන්නම මහ හයියෙන් හිනාවෙන්න ගත්තෙ එයාලට මෙතන වෙන වැඩේ ජංගුක්ගෙ කටින්ම අල්ලගන්න පුළුවන් වුන නිසා. 

"මං දැන් එහෙම දෙයක් ගැන කිව්වෙ නෑනෙ කුකී.... ඇතුළෙ තියෙන ඒවා තමයි ඔය එලියට එන්නෙ."

ජංගුක් ලැජ්ජාවෙන් බිම බලා ගන්නකොට මින්හා හිටියෙ ලැජ්ජාව නිසාම තරහා ගිහිල්ලා. කෙල්ලට කොච්චර තරහ ගිහින්ද කියනවා නම් අලි මස් ගිලලා වගේ ඉන්න කොල්ලට ගහගෙන ගහගෙන ගියා. හැබැයි ඉතින් ඒ එක පාරක්වත් ජංගුක්ට දැණුනෙ වත් නැහැ.

"වැඩක් නෑ කිඹුලි..... ඔයාගෙ ඔය ස්වීට් අත් වලින් ගහනකොට මට රිදෙන්නෙ නෑ."