Old Story Of Willow Tree

2

" တီ..... တီ....... "
တတီတီမြည်လာသော နာရီအား တစ်ချက်ရိုက်ချကာ ပြန်မှေးနေသော ထယ်ယောင်း......
ညက ညလုံးပေါက် Drama Series ထိုင်ကြည့်ခဲ့၍ မနက်‌ရောက်
တော့ ထပင်မထချင်တော့.....
ကုတင်ပေါ်ထက် ကျလာသော နေရောင်မြင်မှ အလန့်တကြား ထထိုင်မိသည်......
" သွားပီ ဒီနေ့ ဒီနေ့ အစည်းအဝေးရှိတာပဲ...... အားးးးးရှ်..... "
ကမန်းကတန်းထရင်း ပြင်ဆင်ရသည်.....
နာရီကြည့်မိတော့ ရှစ်နာရီတိတိ.....
" အား သွားပီ သွားပီ နတ်သားလေး ယွန်းဂီတော့ ဒေါသူပုန်ထနေလောက်ပီ...... သွားပီ...... "
ခြေစွပ်ကမန်းကတန်းကောက်စွပ်ကာ ဖိနပ်ကြီးကိုင်လျက် ပြေးထွက်လာခဲ့သည်.....
ရုတ်ရုတ်သဲသဲဖြင့် တိုက်အပေါ်ထပ်မှ ဆင်းလာသော သူ့အား လူတွေဝိုင်းကြည့်နေကြသော်လည်း ဂရုမစိုက်အား.....
ရုံးကိုရောက်မှဖြစ်မည် ရောက်ကိုရောက်ရမည်......

အစည်းအဝေးခန်းထဲတွင်တော့.....
" ဟေ့ ကင်မ်ထယ်ယောင်းကို ဖုန်းဆက်ကြစမ်း..... ဒီမှာ စတော့မှာ...... "
" ဆရာ ခုနက ဆက်ထားတယ် မကိုင်ဘူး ဆရာ...... "
" ဟာကွာ အဲ့ကောင်လေးက အချိန်ကို လေးစားမှုမရှိဘူး...... "
တစ်ယောက်တည်းဆိုကာ ကုလားထိုင်ပေါ်တွင် မှီချလိုက်သော သူ.....
ဝူရှစ်ကတော့ ဆရာ၏ဒေါသကို သိသည်မို့ ခေါင်းငုံ့၍သာ နေနေမိသည်.....
စိတ်ထဲမှလည်း ချစ်လှစွာသော သူငယ်ချင်းအား မေတ္တာကောင်းကောင်းပို့လျက်......
သေနာလေး စောစောစီးစီးလာလို့ အတန်တန်မှာရဲ့သားနဲ့.....
ယွန်းဂီကတော့ သူမျှော်မှန်းထားသလို ဖြစ်မလာသည်အား ခံပြင်းလို့နေသည်.....
ဒီကောင်လေးနဲ့တော့ကွာ......

ကြပ်ပိတ်နေသော ကားအား တိုးစီးရင်း ထယ်ယောင်း ဖုန်းအားကမန်းကတန်းကြည့်ရသည်.....
ဖုန်းထဲတွင်တော့ ဝူရှစ်၏ missed call များက အများအပြား.....
ပြန်ဆက်မည်ပြင်တော့ လူတိုးဝေ့ခြင်းခံရသည်မို့ ဆက်လို့မရပြန်....
အရေးထဲ လျှာက ခဏခဏကိုက်မိသေး၏။
အင်းမ် တစ်ယောက်ယောက်တော့ ကျိန်ဆဲနေပီ......
ရှစ်နာရီကထွက်လာသော်လည်း ဟိုကိုရောက်တော့ ဆယ်နာရီထိုးလုနီးပီ.....
တစ်ကိုယ်လုံးမှာလည်း မီးထဲက ထွက်လာသောသူလို ချွေးတပြိုက်ပြိုက်ဖြင့်.....
လျှောကျနေသော နက်ခ်တိုင်အား ပြန်ပြင်ရင်း ကုတ်ချောင်းချောင်းနှင့် ၀င်လာခဲ့သည်......