ليته ماسمعني يوم قلت (يحق لك مايحق لغيرك ياعزوتي)

بارت 22

اهلا اهلا حبايبي ياحلو شوقكم وياحلو حماسكم البارت هذا ابيه ٨٠نجمه لان البارت اللي راح اللي قرو ٤٦٩واللي حطو نجمه بس ٧٢!!!! الحين ابيكم تدلعوني وتوصلونه ٨٠نجمه

في مجلس الجد فلاح اللي كانو جميع ال فلاح وجميع ال سند موجودين وايضا سعود ال طايل معهم عند الرجال
مشاري :اجل وش رايكم على هل خبر نجيب السماعه ونلعب
الجد سند:اي والله
الجد فلاح :اجل قم يامشاري جب السماعه
جسار:مشاري
مشاري :سم
جسار:لسانك امسكه
مشاري :شدعوه
جسار:علمتك
وقف بتال :خلك انا بروح اجيبه
مشاري :ليه
بتال :ماعاديت البنات
مشاري :بكيفك
طلع بتال متجه للبا ب الخلفي للمطبخ
عند البنات اللي كانو الحريم منسجمين بالسوالف والبنات بدو يتعرفون على بعض في المطبخ عند غلا ونادين
غلا :يختي وش تبين
نادين :ابي اصور
غلا :صوري احد ماسكك
نادين :ابي اصور على اضاءة الشمس
غلا :اطلعي عاني الباب بس انتبهي لا يجي احد خوالي ولا وراعين خوالي
نادين :نعبوبوس رجاجيل وش كبرهم تقولين وراعين
غلا :بنظري وراعين بس تدرين خايفه
نادين :من وش
غلا :خايفه ان جابر ومشاري يمونون على غيث وفهد عاد اوف بموت صدق
نادين:مهبل عاد ولقو بعض
غلا:اي اخلصي اطلعي
طلعت ناذين وهي تتصور وبتال يمشي متجه للمطبخ وصادف البنت اللي تعلق قلبه فيها وشافها بكامل اناقتها وجمالها وهي تتصور بس ماقدر يشوفها وقال
بتال :ياغلاااا
نادين وهي تدخل ركض :يويليييييي
غلا فطست على الركضه :بشويش لاتطيحين بشويش
نادين :خالك ذا اشك ان ربي مسلطه علي
غلا :وليه
نادين:كل شوي وهو ظاهر لي
غلا ضحكت وهي تبي تشوف ردة فعلها :يمكن ربي يجمعكم
نادين خدودها حمرت :ها
غلا :وانا صادقه
نادين :يع عاد تخيلي شكلي انا وخالك
غلا وهي تغمز لها :اوف بيطلع انتاج جباررر
نادين :تعقبين ياوسخه
غلا :اعصابك ترا قلنا خيال بس وش فيك صدقتي
نادين بتوتر:مدري عنك
بتال تنحنح :غلا
غلا:لبيه ياقلب وعيون غلا
بتال :تعالي
غلا:جايتك ياحب
طلعت غلا له تقدمت له وهي تبوس راسه :كل عام وانت بخير ياشيخ قلبي
بتال وهو مبتسم:وانتي بخير ياعيوني شلونك
(ماسلمو عليه لان طلع يصلي العيد ورجع وكان فيه رجال )
غلا:الحمد الله وانت شلونك
بتال : بخير عساك بخير وين باقي البنات
غلا :داخل اناديهم
بتال لازل مبتسم :اي
غلا :عسى دوم الضحكه
بتال :تدومين لي
غلاوهي تدق كتفه :علمنا وش سرها
بتال :عشان شفتك
غلا وهي تغمز له :عشان شفتني ولا عشان شفت غيري
بتال ابتسم :عشانك
غلا :والله ماضني عشاني بس اسمع
بتال :لبيه
غلا بطقطقه :كحلت عيونك ولالا ؟
بتال استحى :عيب يابنت
غلا :اها الحياء والابتسامة يعني قزيت وخلصت
بتال بمزح وهو ينزل عقاله :اعقلي لا اقطعه عليك
غلا شهقت :ترفع عقالك عليي يابتال
بتال بمزح :اي واقطعه عليك بعد
غلا وهي تخزه :هههه لاتنسى عزوتي كلهم هنا اقول بس اا تلقاهم فوق راسك
بتال :ههههههه بالله
غلا :اي واولهم سند وفلاح وفارس
بتال :طيب روحي روحي بس نادي البنات وجيبي الديجيه
غلا :ابشر
بتال :ايوا خليك كذا تسمعين الكلام
صدت غلا وهي تمشي :دزها بس
بتال وهو يضربها بخفيف بالقعال :عيب يابنت
غلا وهي تدخل :طيببب طيبب
طلعو البنات وهو يعيدون بتال وجابت غلا الديجه عطته
بتال :يلا تبون شي ياخالي
البنات :سلامتك
غلا :اي ابي اسلم على ابوي سند وبابا
بتال وهو يطقطق:بابا قولي ابوي
غلا :طيب ابوي
بتال :وين تجين والمجلس كله رجال
غلا :ترا عمامي وخوالي ووراعينهم
بتال ضحك :وراعينهم قبل مهوب الحين كل واحد وش طوله
غلا :يالليل
بتال :اذا راحو بعلم عمي سند وفارس ينتظرون واناديك تجين تسلمين عليهم
غلا :طيب اسمع
بتال :هااا
غلا :صور لي بشوف كشختكم وانتم ترقصون
(المقصد تشوفه خفيفه خفيفه هالبنت )
بتال ضحك :طيب
طلع بتال متجه لمجلس الرجال وصل وشغلو الديجيه واول شي رقصو جابر ومشاري وسهم وغيث وفهد وضاري ونواف ومتعب منسجمين بالرقص كانت الاغنيه
الله اليوم اللي من طلبته عطاني
ان طلبته عطاني من عطايا جزيله
خلو من جاء يصل ويرفع ايديه لي
صاحبي حدروبه والحياء راح صوبه
صوب شعب الدواسر وادي المقفزيه
غردي ياحمامه غردي ياحمامه
غردي ياحمامه غردي واعلميني
مشاري :العبو عاشو
جابر وهو يردر مع الشيله :صاحبي مادريت ان المحبه تبكي
غيث :ايوا عاشو عاشو
الجد سند ناظر فلاح:والله اللي انهبلو
الجد فلاح :خلهوم ينبسطون يوسعون صدورهم
اما بتال اللي كان واقف وهو يصور لغلا
كانو العيال مبسوطين مع بعض ويرقصون ويستهبلون انتهت الشيله وقعدو كلهم تعبو مره من كثر الرقص
وقف نهيان عند سالم وهو يهمس باذنه
نهيان :تكفى ياابو عبدالله
سالم:ابشر والله بسعدك وش فيك
نهيان :ابي العب انا وياك
سالم ناظر فيه ومايبي يكسره :بس
نهيان :اي
سالم :تم وش تبي غيره
نهيان :سلامتك
سالم :اجل يلا رح لولد عمك خله يحط الشيله اللي تبيها
نهيان انبسط كثير من سالم وراح ركض لدحوم وقاله يشغل له الشيله اللي يبيها حركة سالم هذي عززت شخصية نهيان وكثير مره عززت ثقته في نفسه وراح شغل شيله وكانت
سلام ياربع الرجال الطحاطيح
سلام يالعزه واخص ابن عمران
سلام من قلبً محب وشفقان
سلام ياقرم على هبات الريح
تمدا يمينه بالكرم طير حوراء
الله يكفيها حسد كل شيطان
حامينها بالشلف واموات تيجان
من حد بغداد لحد نجران
وصل هنا ورماء نهيان شماغه
وعبدالله الي سيرة وردً وشاح بالطيب
يذكر بين حضرً وبداون
كسابات العلياء اقروم زحازيح
عبدالرحمن بصراخ :عاشو عوال عمييي
بتال يصور ويرسل لغلا اللي تتماىل رقصهم مع بعض وتشوف كيف يناظر نهيان وكيف نهيان مبسوط وتعزيز العيال لهم وقف عبدالله وهو يلعب معهم ووقفو نهيان وسالم قدامه يلعبون عليه وكلمو
ربع ً لهم في هامه العز ديوان
كسابات العلياء قروم زحازيح
للضيف مجلسهم امشرع ومليان
للحرب شجاعاً وللسلم شيخان
سلام ياقرم على هبات الريح
انتهو من الرقص واتجهو سالم ونهيان لعبدالله وهم يبوسون على راسه
الجد سند:عشتو ياعيالي عشتو
الجد فلاح:عشتو مشاءالله الله يحفظكم
عبدالله :عاشت ايامكم
وبعدها بدو ينسحبون شوي شوي وبدا الببيت يفضاء غلا على طول اول ماطلعو البنات راحت غرفتها وعطتها غيبوبة العيدد وكذالك البنات والعيال دخل جسار وصقر لقو معالي صاحيه قعدو عندها يبقولون لها بس قبل يدخلو صار حوار بين فارس وجسار عند الباب
فارس :جسار ياابوك
جسار:لبيك
فارس :لبية حاج بس ناد لي غلا
جسار:ليه
فارس :بسسلم عليها واقول لها عن ولد عمها
جسار:ابشر بس الله يخليك لي لاتقول لها عن سالم
فارس :ليه
جسار:بتستحي وترتبك وتوافق عشانك
فارس :انا بعلمها وافقت علمنا ولد عمك ماوافقت بنقول له مافيه نصيب
جسار :الله يخليك لي انا اعرف غلا زين بتستحي منك وتتوتر وتقول موافقه انا ابيها تاخذ راحتها وتفكر
فارس :اجل من بيقول لها
جسار:انا
فارس:زين اجل رح نادها بسلم عليها وابوي يبيها
راح جسار دخل لمعالي
جسار:يمه
معالي :هلا امي
جسار:وين غلا
معالي :راحت تنام
جسار:نامت نامت ولا بتنام
معالي :والله مدري تقول بنام بس مدري نامت ولالا ليه وش فيك
جسار:ابوي وجدي يبونها
معالي :اجل رح شفها
طلع جسار ركض لغرفة غلا فتح الباب شاف الغرفه ضلام والبروده تهب عليه طلع وسكر الباب ونزل لبوه
فارس :وينها
جسار :نايمه
فارس :جعله نوم العافيه قل لها ابوي كان بيسلم عليك ونمتي
جسار:ابشر
فارس :اذا قامت خلها تجي عشان ابوي مايزعل عليها
جسار:ابشر انا براسي بجيبها
فارس :يلا اجل تبي شي
جسار:سلامتك انت تبي شي
فارس :سلامتك
وبكذا راحو ال سند لبيتهم وبيت ال فلاح كلهم نوم ماعدا صقر وجسار ومعالي صقر رجع في جناحه بعد ماخلص سكنو فيه وتركو بيت جسار عند معالي وجسار وصقر
معالي:تغديتو يمه
جسار:اي يمه يمال العافيه
صقر:تسلم يدينك يهبل
معالي :فيه العافيه ياامي انتم
جسار ابتسم :يمه
معالي :سم امي
جسار :سم الله عدوك جانا خطاب اليوم
معالي :مشاءالله لمين
جسار ابتسم :لقعدتك (اخر العنقود )
معالي :ها صادق
جسار:اي والله
صقر:بس يمه رجال رجال صح
معالي :يمه غلا توها صغيره
جسار:يمه ادري بس حاليا ملكه بدون زواج زواجها عاد اذا خلصت جامعه
معالي :منهو
صقر:سالم ولد عمي عبدالله
معالي :يويلي
جسار:وش فيتس
معالي :وش كبره هذا ياامي
جسار:اكبر مني
معالي :مايصير ياامي مايصير
جسار:ليه
معالي :كم الفرق بينهم ياامي
جسار:يمه اتركي فرق العمر خليتي كل شي زين بالرجال وركزتي على عمره
معالي :لان حرام كبير يايمه
صقر:يمه شوفي انا اكبر من عذاري بكم وهذا انا وياها بسم الله علينا وش حلونا
معالي :ياامي هذا انت مختار عذاري وتحبها بس هو ماندري عنه
جسار:وش تقصدين يمه
معالي :يعني وش عرفه في غلا ياامي وش كثر بنات عمه وش معنا غلا
جسار دخله الشك بان يكون سالم يبي غلا عشان يستخدمها ضده ولا ليش تغيره  المفاجي هذا معه
جسار:مافهمت يمه
معالي :يعني يمكن شافها او حبها بس ماضني
صقر وهو يشوف خوف جسار:يوه يمه اذا عن الشوفه شبع منها تسابق هو ياها بالخيل ومعه بنفس البيت ورجعت معه من البر وصار لهم اللي صار وش فيكم ياجماعه تراها بنت عمه ويبيها جاكم من الباب ماراح يكلمها ويسوي شي غلط
جسار:ها وش قولتس يمه
معالي :ابوك وش قال
جسار:ابوي وافق
معالي :وابوي وعمي سند
صقر:مبسوطين وموافقين
معالي :اجل الله يكتب لهم اللي فيه الخير
صقر:يعني موافقه
معالي :دام ابوي وعمي موافقين موافقه
صقر:اجل الف الف مبروك يايمه والله يتمم لهم على خير
جسار:الله يتمم لهم على خير يارب
معالي :امين
صقر:يمه
معالي :هلا امي
صقر:عذاري وين
معالي :طلعت جناحكم يمه
وقف جسار:يمه تبين شي
معالي :سلامتك
وقف صقر:اجل انا استاذنكم تامرين على شي ياالغاليه
معالي :سلامتك ياامي
(صقر وعذاري جو في بيت ال فلاح ليلة العيد وماامدا صقر يعايد على عذاري لان جده كان مستعجل وينادي بيروحون صلاة العيد نزل صقر وهو شايل شوزه تكرمون بيدينه ويلبس شماغه ولا امداه يشوف عذاري ووجو وماقدر يدخخل لان الرجال صارو عندهم وبعدها جده وابوه )
طلع صقر جناحه وهو يفتح الباب فاحت عليه ريحة عود وبخور عذاري كانت تنظف البيت ولابسه بجامتها ولحسن حظها وصل صقر وهي تبخر قدها خلصت دخل وقال
صقر:مشاءالله مشاءالله وش هل زين
عذاري اتسحت مع ان كانت لابسه بجامتها بس لسى مكياجها عليها ابتسمت وناظرت فيه
مشى صقر لها وهو يبوس على راسها :اول عيد معك وعساه كل عيد وانتي معي وكل عام وانتي بخير
عذاري وهي تبوس على كتفه ماتطول راسه :وانت بخير وصحه وسلامه يارب وإن شاءالله كل الاعياد وانت معي
ابتسم صقر وقال :امين يارب
عذاري وهي توترت من نظراته :تبي اكل
صقر:لا كليت
عذاري :تبي اسوي لك شي
صقر وهو يقرب له:لا
عذاري بلعت ريقها صقر مد يده واخذ منها المبخر وحطه على الطاوله مسك يدها وسحبها معه للغرفه .....
طلع من الدرج صندوق صغير:صراحه ماعرفت وش اجيب لك بش شفت هل سلسال قلت مايزها الا عليك
عذاري ابتسمت :شكرا
صقر:العفو تستاهلين
عذاري :طيب دقيقه
صقر:وين
عذاري :دقيقه بس
وقف صقر وهو مبتسم :طيب
راحت عذاري وهي تفتح دولابها وطلعت هديتها اللي شرتها لصقر كانت عباره عن عطر رجالي وشماغ وسبحه رجعت لصقر
عذاري :سكر عيونك
صقر:طيب
عذاري وهي مخبيتهم وراء ظهرها :سكرت عيونك ولالا
صقر:سكرتها
عذاري تقدمت له :تفضل الصدق ماعرفت وش اجيب بس جبت هذولي
صقر ابتسم :مشكوره ماقصرت
عذاري :عليك بالعافيه
صقر باس راسها:الله يعافيك
عذاري :عاد ان شاء الله يعجبك
صقر وهو يناظرها بكل حب :صدقيني دامها منك بتعجبني
عذاري ابتسمت
نزل صقر الاغراض على جنب واتجه لها وقف قدامها وهو يمسك يدينها :طيب انتي علميني عجبك السلسال
عذاري توترت منه :اي يجننن شكرا
صقر :اشك انه مااعجبك
عذاري:الا والله اعجبني
صقر :طيب ليه مالبستيه
عذاري :وعشان كذا قلت انه مااعجبني
صقر:يعني
عذاري اخذت السلسال:كنت ناويه البسه شوي بعد المغرب بس لعيونك بلبسه الحين
اخذه منها صقر وناظر لعيونها :تسمحين لي
عذاري ابتسمت له ورفعت شعرها لبسها صقر السلسال لفة عذاري على المرايه وهي تناظر شكلها وتسمكه
صقر حاوط خصرها :يزهاك ياقلبي
عذاري وهي تمسك يدينه :تسلم
طبع صقر بوسه على عنقها وهو يحضنها لفة عليه عذاري وناظرت فيه صقر رفع يده وهو يرجع خصلته شعرها وراء اذنها ومسك يدينها
صقر وهو حاط راسه على راسها ومسكر عيونه :كانك راضيه بالوصل لاتشيلين يدك
عذاري وهي كذالك مسكره عيونها وقلبها يدق بقوه وصدرها يرتفع وينزل وتتنفس بسرعه وماسكه يدين صقر
خايفه متوتره ماتبي تمنعه من حق من حقوقه حاولت تفك يدها بشويش شد صقر على يدها بخفه وكانه يوصل لها رساله بانها ماتتركه
صقر :واذا ماتبين الوصل بيني وبينك شيلي يدينك
عذاري متوتره وتحس قلبها يدق بسرعه بس تشجعت وهي تشد على يديه صقر عرف انها موافقه فتح عيونه وناظر فيها وهو يبتسم وقال بحنيه
صقر:عذاري
عذاري وهي خايفه ومسكره عيونها :هم
صقر عرف انها خايفه :احبك
كانت نيته يخفف توترها بس هو زاد توترها وخوفها منه رفع يدينه لوجهها وهو يطبع بوسه على شفايفها وووووو 🌝🌝
صارت عذاري حرم صقر رسمياً
بعد ماصحو من الغيبوبه في جناح غلا صحت على صوت امها واخوانها يتقهون وقفت وهي تحس انها متكسره كانو دحوم وعزوز ومعالي
معالي :ياامي بشويش
دحوم :يمه والله انه عقالي خليه يفكه
عزوز وهو ماسك العقال :ياولد والله انه عقالي
دحوم وهر يسحب العقال منه :انا ليه اتعب نفسي اسحبه وخلاص
غلا غسلت وجهها وطلعت :مساء الخير
معالي:مساء النور ياامي انتي
غلا وهي تناظر اخوانها:وش فيكم انتم
دحوم :الحيوان ماخذ عقالي
عزوز :والله عقالي
غلا وهي تتوجه تجلس عند امها :اها هواش توام مالي شغل اجل
دحوم :يمه شوفيه والله عقالي
معالي :ياامي انتم شارين نفس بعض
غلا حطت راسها على حضن امها :اساسا هم ليه يشترون نفس بعض
معالي وهي تمسح على شعرها :مدري عنهم
دحوم :لني حمار مطقم معه يعنني توام
عزوز :شف عن الغلط لان ماابي اسب
دحوم :طيب اسمع فك بشوفه وارجعه لك
عزوز :والله ماافكه
معالي :خلاص بس انت وياه جب العقال
عزوز:يمه حقي
معالي : جبه بسرعه
عزوز وهو يناظر بالعقال:والله حقي يمه
معالي :مو لازم تلبسون عقال انت وياه
دحوم:يمه سلامات اقعد عند الرجال بدون عقال
معالي :عادي اعصبو شمغكم وخلاص هاته اشوف
عزوز وهو يمشي لها :يمه تكفين
معالي :هاته اشوف بسرعه
عزوز عطاها العقال :حسبي الله
دحوم:يماااا شوفيه يدعي
معالي :عزوز عيببب
عزوز :يمه ماقلت شي
معالي :الله يصلحكم ياامي
غلا :يمه
معالي :ها ياحبيبتي
غلا :يمه وين جسار
معالي :والله مدري شكله نايم للحين
غلا:طيب صقر
معالي :صقر في جناحه مع مرته ليه
غلا :بس اسال
معالي :زين
غلا :جدي وين تحت
معالي :اي ترا عمي سند يسال عنك كان يبيك بيسلم عليك بس كنتي نايمه
غلا :امانه
معالي :اي والله حتى ابوك جسار جاك شافك نايمه وقالهم وراحو
غلا :يوههه
معالي :عمي ترا زعلان عليك يقول خلوها تجي اذا صحت يبيك
غلا :عزوز دحوم واحد يوديني
دحوم :مقدر انا بطلع وراي استلام
غلا :وانت عزوز
عزوز :طيب خلاص تجهزي
غلا :كفو
دخل جسار وهو توه صاحي وحاط شماغه على كتفه :انا بوديها
غلا حست بماغص :ليه بروح مع عزوز
جسار:انا بوديك ابيك
غلا بلعت ريقها :وش فيه
جسار :مافيه شي بس من زمان ماطلعت معك ومشتاق لك
غلا :اها قل كذا
جسار:ليه وش فيك
غلا :مافيني شي
جسار بشك:متاكده
غلا :اي والله مافيني شي
جسار:زين
معالي :يمه تبي اكل
جسار:لا يمه مالي نفس
معالي :بسم الله عليك وش فيك حبيبي
جسار:مافيني شي بس توي صاحي ولا لي خلق
غلا وهي تناظر جسار:اجل يمه انا بنزل لبوي فلاح وامي شيخه بقعد عندهم شوي وبمر على ملاذذ واجي
جسار وهو يناظر فيها من قالت اسمها
غلا بنفسها :والله اني عارفه انا ارويك ياملاذوه هين تخبين عني
نزلت غلا وقعدت مع جدها وجدتها شوي وطلعت لملاذ
غلا :ملاذوه
ملاذ :عيوني
غلا :شكرا خليها لك
ملاذ :افا ليه
غلا :اعلمتس شلون تخبين عني
ملاذ :وش خبيت
غلا :الحب والنظرات من وراي يابنت ذياب
ملاذ :ياخي كل شي صار بسرعه بسرعه مالحقت اقولك
غلا :هذا انا كل شي يصير لي على طول اجيك واقول لك صار كذا وكذا
ملاذ :اي بس ياخي انتي هو قالك احبك بس انا لا
غلا :ياحيوانه النظرات والمدح وياخذك المستشفى طياره وتقولين ماقال احبك
ملاذ :اي ماقال
غلا :خلاص اجل اسمعيها باحلامك
ملاذ :ليه
غلا :جسار رجولي مره ومايحب يبين مشاعره ابدا
ملاذ :بالعكس هذا هو مبين حبه لك
غلا :ياروحي والله معي انا بس
ملاذ:ليه
غلا :لان جسار هو اللي سماني وهو اللي رباني
ملاذ :ادري بس جسار مشاءالله حنون مره وعاطفي
غلا :اي من ناحية حنون هو حنون بسم الله عليه بس عاطفي ابدا
ملاذ :ليه
غلا :يعني الحين انتي بتنتظرينه يجي يقول احبك
ملاذ :اي
غلا :اجل اقعدي وانتظري لين يقولها
ملاذ :طيب بس ليه
غلا :شوفي يابنت ذياب جسار هو اللي رباني وهو اللي سماني وهو انا بالنسبه لي ابوي وعزي وسندي وكل شي يعني لي بالحياه
ملاذ :تحبينه لهدرجه
غلا ابتسمت :واكثر بعد شفتي لو يقول عطيني عيونك قسم بالله بدون مااتردد ولا دقيقه لا اطلعهم واقول له سم
ملاذ :ياعمري ياغلا
غلا :ملاذ بقولك شي
ملاذ :وشو
غلا :ملاذ اذا صار بيوم من الايام وصرتي من نصيب جسار
ملاذ :اي
غلا :تكفين ياملاذ حطيه بعيونك تراه حنون وحساس بس مايحب يبين ابدا
ملاذ بغصه :غلا لاتقولين كذا
غلا وعيونها امتلت دموع:حافظي عليه ولاتزعلينه ترا زعله من زعلي
ملاذ :من عيوني ابشري
غلا :داريه تراه عانا بحياته كثير ياملاذ شاف اشياء لو حنا شفناها كان انهبلنا من زمان
ملاذ انهلت دموعها :ياعمري انتي وهو
غلا بغصه:ياخي ليه تبكين
ملاذ :مدري من طريقة كلامك كانك تودعيني وتحطينه امانه عندي
غلا ابتسمت :وين بنشب لكم لين ازوجكم واشوف وراعينكم وتسمون بنتكم علي
ملاذ :ابشري والله لاسمي عليك
غلا :امزح امزح
ملاذ :من قال لك اني امزح خلي بنتي تطلع زي عمتها تهبل
غلا :ياحبيبي والله بس زي ماقلت لك تكفين جسار بالذات عندي غير عن اخواني كلهم
ملاذ :ابشري
غلا:اجل انا بروح ماابي اتاخر عليه
ملاذ وهي تمسح دموعها:وين بتروحين
غلا :بروح مع زوجك المستقبلي يبيني بموضوع الله يستر وبيوديني لبيت ابوي سند
وقفت ملاذ وضحكت :اجل لا اوصيكم على بعض
غلا :ابشري بس جهزي نفسك اذا رجعت ترا بتقولين لي كل شي
ملاذ:ابشري
غلا حضنت ملاذ :وياويلك تخبين عني شي مره ثانيه
ملاذ وهي حاظنه غلا:من عيوني
غلا :الى القاء يازوجة اخوي المستقبليه
ملاذ ضحكت:حيوانه بكيني وروحي وخليني
غلا :والله انتي اللي حساسه والدمعه جاهزه
ملاذ :انتبهي على نفسك ولاتتاخرين
غلا :اي لانتاخر عشان يمديك تشوفين الحب
ملاذ :ياحيوانه لا احد يسمعك
غلا :اقول لاتسب احترم اخت زوجك يعني
ملاذ ضحكت :ابشري بنضبط العلاقه
غلا وهي تطلع :يلا مع السلامه
ملاذ :مع السلامه
راحت غلا وهي تتجهز وطلعت هي وجسار متجهين لبيت ال سند مر جسار الكوفي وهو ياخذ لغلا قهوه
جسار:ادري فيك توك صاحيه ولازم قهوتك
غلا عيونها قلوب :الله لايحرمني ياحلو اللي عارفني
جسار:من عندي غيرك انا عشان اعرفه
غلا :مدري يمكن هل من الممكن يكون عندك غيري
جسار:لا
غلا :الحمدالله اجل
وهو يمشون وجسار مهدي سرعته وغلا ملاحظه قطع الصمت وقال
جسار:غلا بسالك
غلا :لبيه
جسار:لبى قلبك وش رايك في سالم
غلا بخوف :سالم من
جسار:سالم ولد عمي عبدالله
غلا :مدري والله ليه
جسار:بس كذا كيف تحسين شخصيته
غلا :مدري بس احس انه واحد طيب
جسار:اي وبعدد
غلا انخرشت :بس هو مايظهر طيبته يخفيها
جسار:كيف يعني
غلا :يعني تحس انه قلبه رهيف بس هو يتصنع القوه والهيبه
جسار:وضحي اكثر
غلا وهو مقهوره من سالم :يعني تحس قلبه رهيف بس انه يحاول يخفي طيبته ويظهر السوء اللي داخله يعني كم مره احاول اعرف وش شعور بس جماد مايبين عليه شي
جسار:صادقه سالم حنون بس يحاول يخفي
غلا :اي تحسه صندوق مقفل على نفسه
جسار:طيب بسالك
غلا :وشو
جسار:لو جاتك الفرصه بانك تعرفين الصندوق المقفل عن قرب بتحاولين انك تعرفينها وتستكشفينه
غلا بخوف :كيف يعني
جسار:يعني انتي تقول انه صندوق مقفل على نفسه لو جتك الفرصه بتحاولين تعرفينه وتحلينه
غلا بتردد:اي يعني مجرد استكشاف
جسار بنبرة جديه :غلا
غلا :عيوني
جسار:يخليهم لي بسالك تحسين سالم رجال وكفو ولالا
غلا بخوف:شف مدري والله
جسار:تتذكرين لما كنتي معه ذاك اليوم
غلا :اي
جسار:كيف تصرف معك
غلا :مافهمتك وش تقصد
جسار:يعني تحسين وقف معك وحماك ولا عادي ماهميتيه
غلا تذكرت كل شي وجتها غصه :تبي الصدق ياجسار
جسار:اكيد ياعين جسار
غلا :خاف اني معه وتوتر وجلس يهاوش سعود ويقول له ارسل لي دعم اهلي معي ماني لحالي ياسعود
جسار:يعني تصرفه تشوفينه شجاع ولالا
غلا :الا والله شجاع وحمر عين
جسار:انشهد انه حمر عين كملي
غلا :اتذكر جلست ابكي واترجف وجلس يواسيني ويهديني
جسار ابتسم :تحسين انه بيصونك يعني
غلا انصدمت:ها
جسار:جاوبي
غلا بتوتر:اي
جسار:طيب ماجاوبتي على سوالي
غلا :اي سوال
جسار:بتحاولين تستكشفين الصندوق اللي مقفل على نفسه
غلا :جسار ترا والله ماني فاهمه شي واساسا حنا ليه نتكلم عنه
جسار :غلا ياعين جسار تاكدي انه ماحد بيجبرك على شي وراسي يشم الهواء وتذكري ان جسار وراك بكل شي
غلا :ادري ليه تتكلم كذا
جسار:ولد عمك طالب يدك على سنة الله ورسوله
غلا انصدمت:هاا
جسار:اي خطبك اليوم بالمجلس قدام خوالي وعمامي وجداني وابوي
غلا توترت :اليوم اليوم
جسار:اي اليوم اليوم
غلا بلعت ريقها وسكتت
جسار:فكري وتراه رجال لايغرك اسلوبه تراه مشاءالله تبارك الله رجال وشهم و قلتيها حمر عين
غلا:طيب ابوي وش قال
جسار:ابوي وافق بس قال بشوف بنتي
غلا استحت :طيب وابوي سند
جسار ابتسم :يوه ابوي سند كان سالم خاطبه هو
ضحكت غلا :ليه
جسار:مبسوط وعلى طول وافق
غلا ابتسمت :طيب وابوي فلاح
ناظرها جسار:ياجعل هل الابتسامه ماتغيب عن وجهك ياعين اخوك وكلهم موافقين
غلا:وجعل ربي لايوريني يوم بحياتي بدونك
جسار ابتسم:غلا ياعين اخوك استخيري وفكري ولاتقولين عشان ابوي وجدي وافقو خلاص بوافق لا هذي حياتك انتي اللي بتعيشن معه بتصيرر حياتك وحياته انا ماابيك تنجبرين على شي
غلا ابتسمت ومبسوطه ان جسار اخوها :ابشر من عيوني
جسار مسك يدها :وتذكري انا وراك مهما صار حتى لو رفضتي ماحد بيجبرك على شي وانا موجود ياعين اخوك وان وافقتي الله يتمم لكم على خير ياعين اخوك انتي
غلا تحس بفخر بان رجال مثل هذا وراها ويكون اخوها وسندها :ابشر جعل ربي لا يحرمني منك
جسار :ولا منك ياحبيبة اخوها
وصلو لبيت ال سند وكلم جسار الجد سند بانه توه يقول لغلا وانه لايفتح معها الموضوع اليوم وينتظرون كم يوم لين يعرف اجابتها وهم قاعدين بالصاله
الجد سند:غلا ياابوي جهزتي شنطتك
غلا :ليه
الجد سند:ماراح تروحين معنا
غلا :ابوي انا ذاك المره طلعت معكم للديره المره هذي بروح مع ابوي فلاح
الجد سند:وين بترحون
غلا :مدري لسى ماحددنا
الجد سند:اجل بكلم فلاح نروح كلنا سوا
غلا :صدق
الجد سند:اي والله انا مااقو على فراقك ولو يوم ياابوك
غلا ابتسمت :حتى انا جعل ربي يخليك لي
الجد سند:ويخليك لي
نادين ارسلت لسالم :الو
سالم :هلا
نادين:وينك
سالم:في بيتي
نادين:ماراح تجي
سالم :لا ليه وش فيك
نادين :قلت اخليك تشوف غلا بس يلا تشوفها لاصارت على ذمتك
سالم :ليه جتكم
نادين :اي عندنا هي وجسار
سالم :زين اذا طلع جسار علميني
نادين :طيب
(طبعا الجد سند وعبدالله علمو العايله اللي هم ال سند)
طلع جسار راحو البنات الصاله الثانيه وقعدو يسولفون
ساره :حي الله مرت اخوي
غلا نست :من
ساره ضحكت :من غيرك
غلا ضحكت :يوه نسيت
طيف :بروح اغير اسمك من غلاوي الي حرم الشيخ سالم
غلا :اقول اقعدي بس لسى ماوافقت
نادين:كيف شعورك لما علموك
غلا :خرشه وروعه ولا تخيلو من اللي قال لي
حلا :عمه معالي
غلا :ياليت
نادين :اجل مين
غلا : جسار
ساره:يويلي جسار براسه
غلا :اي والله شوي وانزل واخليه بالسياره لحاله من الحياء
نادين:وش قالك
غلا :كذا فجاءه قال وش رايك في سالم انا من الخرشه قلت سالم مين
ساره:جحدت اخوي
غلا :من الروعه
نادين :وش قال كملي
غلا :قال سالم ولد عمك ...............
حلا :يوه خرشه
غلا :ورب البيت شوي واصيح من الخرشه
طيف :تصدقون عاد ولا واحد بالميه توقعت سالم يخطب غلا
حلا :لا ياروحي انا كنت متوقعه
غلا :ليه
حلا :من النظرات
غلا :حسبي الله اي نظرات بعد
حلا :نظرات الحب والعشق والهيام
غلا :كلي تراب بس
حلا :حبيبتي موب بس انا اللي كنت متوقعه
غلا :من بعد
حلا :غيث وفهد وديم
غلا وهي تمسك راسها :يافضحي يويلي
حلا ضحكت :قسم كان واضح مره
غلا :خلاص خلاص اسكتو
ارسلت نادين لسالم وطلع متوجه لبيت جده وبعد مالهو الاهل كلهم طلع للسيب وارسل لنادين تخليها تجي
نادين:غلا
غلا:هلا
نادين:تعالي ابيك
غلا:ليه
نادين:تعالي ساعديني
غلا :بوش
نادين وهي تسحبها :ياكثر اسالتك امشي وخلاص
طلعو للمطبخ
نادين :غلا
غلا :هااا
نادين :سالم برا يبيك
غلا :وش يبي
نادين:مدري يقول يبي يشوفك
غلا :نادين لمتى يعني اقولك ماابي اشوفه
نادين:ياخي كلميه هل مره بس
غلا وهي تطلع :شكرا ماابي
سحبتها نادين :ياخي حرام عليك الولد واضح ندمان
غلا : حرام عليه هو اللي حاطني لعبه له
نادين :غلا بعقل دامه حاطك لعبه وتسليه له ليه خطبك في بيتك وبوسط مجلسكم والمجلس كله خوالك وعمامك وابوك واخوانك وجدانك
غلا :مدري
نادين :لانه رجال ويبيك حلاله مايبي يتسلى ويترك لا يبيك حلاله ويشوفك ويكلمك قدامهم ومايبي يشوفك ويكلمك بالحرام تدرين ليه
غلا :ليه
نادين :لانه رجال وخايف عليك وعلى سمعتك ولو انه مهوب رجال كان ماخطبك وبغاك تصيرين حلاله ياغلا واذا عن ذاك السالفه ترا عادي كل رجال يحب من قلبه يغار وانتي مسجله خالك بحبيبي واكيد بيفهم غلط اطلعي شوفيه وفهميه السالفه وتاكدي لو انه شاك فيك ماكان تقدم وخبطك لا كان خلاك وقال هذي تكلم وراعية شباب ومدري ايش بس هو وش سواء
غلا وهي تناظر نادين وحست بغلطها
نادين :قال لا هذي بنت عمي وزوجتي قريب ان شاءالله مستحيل اشك فيها وجاك لنص بيتك وخطبك لو كنتي صادقه بحبك له ياغلا اطلعي وشوفيه وش يبي
غلا:نادين
نادين :لاتخافين لو كنت اعرف سالم ولو شوي ماراح يجيب طاري السالفه ابدا وبلعكس بيحاول ييراضيك وها اذا ماصار كذا مااكون نادين
غلا :وينه
نادين :براء
غلا :طيب ابي طرحه شي
نادين:اعتبريها شوفة شريعه واطلعي خلصيني
غلا كانت لابسه فستان بالون الاحمر ماسك على الجسم اكمامه لنص الكتف بوف وفاكه شعرها ومسويته ويفي طلعت شافته واقف معطيها ظهره واول ماصكت الباب لف عليها شافها وابتسم واخذ نفس وهو يشم ريحة عطرها
سالم:ياهلا ومرحبا
غلا وهي تحاول تخفي ابتسامتها :وش فيه
سالم :افا كذا تستقبلين زوجك
غلا وهي تلف وجها:لسى ماصرت زوجي
سالم اتجه لها وهو يوقف قدامها :بس بصير زوجك
غلا :سالم
سالم :سمي ياقلب وروح سالم
غلا تحس بخوف تحس بتوتر ابتسمت :وش فيك
سالم شاف ابتسامتها وابتسم :يارب جعل الابتسامه ماتفارق وجهك ياعين ابوي انتي
غلا ناظرت فيه :امين وياك
سالم :اول شي كل عام وانتي بخير وعاد عيدك
غلا ابتسمت :وانت بخير
سالم :شلونك
غلا :جايبني عشان تسال كذا
سالم :لا
غلا :اجل
سالم :بس اشتقت لك وجيت اشوفك
غلا :بالله
سالم:اي والله
غلا :وخلاص شفتني
سالم :اي
غلا وهي تلف بتمشي :زين اجل
سالم مسك يدها :دقيقه
غلا اكتفت بعتابها له بنظراتها
سالم :وين بتروحين
غلا:خلاص شفتني بدخل
سالم :بس انا ماشفتك ولاخلصت كلامي معك
غلا :وش كلامه
سالم مسك خصلة شعرها وهو يشم ريحة عطرها :وش فيك منفسه
غلا :ابد والله سلامتك
غلا تنتظره يحقق معها او يفتح السالفه بس نفس ماقالت نادين ابدا مافتحها ويحاول يراضيها وكانه نسى السالفه
مد يده لجيبه وهو يطلع مشبك صغير ويمده له
غلا :وش هذا
سالم :هذا للغاليه الله يرحمها
غلا حست بقشعريره:الله يرحمها
سالم :فكرت وش اجيب لك عيديه توصل لك اشياء كثيره ومالقيت غير هذا له ٢٥سنه عندي كانت تحبه كثير
غلا عيونها امتلت دموع :يجنن ذويقه الله يرحمها
سالم وعيونه دموع :ابوي يقول كان هدية امها لها بيوم زواجها
غلا :الله يرحمها
سالم :امين قلت محد بيحافظ عليه غيرك تستاهلينه
غلا ابتسمت :انا محطوظه بانه بيكون من نصيبي وانه بيظل معي
سالم مده لها :استخدميه بالهنا وحافظي عليه
غلا مدت يدها بتاخذه بس ناظرته :ليه ماتحطه انت لي
سالم :ها
لفة غلا :حطه لي
سالم ابتسم وابتداء يجمع خصل من شعرها وحط المشبك عليه
لفة غلا له كانت عيونه دموع :كيف طلع حلو
سالم ابتسم :اي حلو حافظي عليه
غلا :بعيوني مايحتاج
سالم كانه يبي يهرب:تامرين على شي
غلا حست فيه:سلامتك
لف سالم بيمشي وقفته مسكت يدها له ناظر لها سالم
غلا بدون اي كلام وبدون ماتحس حظنته وهي تطبطب عليه
يالله قد ايش حظنها له خفف عنه كثير اشياء واشياء وخصوصا لم خللت اصابعها بشعره دفن راسه بعنقها
غلا:سالم
سالم بهدوء :لبية
غلا:ترا اللي ارسل لي ذاك اليوم بتال والله
سالم :لاتحلفين مصدقك
غلا :انت ذاك اليوم قهرتني ومدري
قاطعه سالم وهو يمسك يدينها ويبوسهم
سالم :اللي راح انسيه ورانا حنا اليوم ولدنا من جديد واعتبري بدينا حياتنا من اليوم وانسى اي شي مو حلو مرينا فيه
غلا :ابشر
سالم :وتراي انتظر ردك
غلا ابتسمت :بتسمعه قريب
سالم :زين الحين تامرين على شي
غلا :اي
سالم :وشهو امري
غلا :انتبه على نفسك
سالم :بس
غلا :اي بس
سالم :ابشري
غلا :تبشر بجنته بعد عمر طويل
سالم :امين وانتي معي الحين ادخلي الجو بارد لاتتعبين
غلا:طيب مع السلامه
سالم :مع السلامه
دخلت غلا وهي مبسوطه وفعلا اثبت سالم حبه لها لما طق باب بيتها ويوم راضاها ونسى كل شي وكانه ماصار شي ومرت هل ليلة على ابطالي بسعاده وراحه ننهي هنا البارت حبايبي ونلقاكم ان شاء الله في بارت اخرى بس ماراح انزل بارت الا الجمعه الجايه لان الاسبوعين الجايين كلهم اختبارات ومضطره اركز على دراستي وبرجع لكم ان شاءالله في بارت يحبه قلبكم ادعو لي ربي يوفقني وانتظرو البارت يا يوم الخميس او الجمعه 🫡🦦