មនុស្សសម្ងាត់(ចប់)

ភាគ33:ការពិតនៅតែជាការពិត

គេទទួលស្គាល់ថាតាំងពីតូចដល់ធំថេយ៍គឺលំបាកវេទនារហូត ហើយមួយរយៈចុងក្រោយនេះថាពិបាកខ្លាំងជាងកាលមុនក៏បាន ថាស្រួលជាងការមុនក៏បានព្រោះថេយ៍ទៅចាកចេញពីកន្លែងដែលខ្លួនធ្លាក់រស់នៅតាំងពីក្មេងមកនៅកន្លែងមួយថ្មីច្រឡាងហើយថែមទាំងជួបមនុស្សដែលមិនគួរជួបទៀតផង តែបើថាស្រួលវិញក៏មានដែរ ពេលថេយ៍មកដល់ទីនេះថេយ៍មិនត្រូវបានត្រូវជុងហ្គុកស្តីអោយឬក៏ធ្វើបាបគេទេ មានតែផ្តល់នូវអ្វីដែលគេចង់បានអោយទៅគេតែថាពេលនេះវាកាន់តែយ៉ាប់ព្រោះថេយ៍ត្រូវប្រឈមមុខនឹងរឿងរបស់មនុស្សដែលគេតែងតែចង់ជួបតែងតែចង់អោប

<<....>>ថេយ៍ស្ងាត់មាត់ហើយបានត្រឹមឱនមុខចុះ ជុងហ្គុកបានធ្វើសញ្ញាអោយវីលបកស្រាយបន្ថែមព្រោះវានៅមានរឿងជាច្រើនទៀតដែរក្នុងឯកសារមិនបានបញ្ជាក់

<<ប៉ាបង្កើតរបស់អ្នកប្រុសថេយ៍មានឈ្មោះថាគីម ហុងយូ ជាជនជាតិកូរ៉េ និងម៉ាក់ឈ្មោះ គីម ម៉ារីយ៉ា ជាជនជាតិកូរ៉េកាត់អាមេរិក ពួកគាត់បានប្រកបរបរជាអ្នកជំនួញផ្លូវងងឹតលក់អាវុធនិងរបស់របរជាច្រើនដែលសុទ្ធសឹងតែជាគ្រឿងគេចពន្ធតែពួកគាត់មិនលក់គ្រឿងញៀនទេ!>>វីល

<<នេះជាចំណុចគួរអោយឆ្ងល់ណាស់!ព្រោះថាបើជ្រុលជាខុសច្បាប់ទៅមិចក៏ត្រូវមិនលក់គ្រឿងញៀន?>>ជុងហ្គុក

<<តាមអ្វីដែលខ្ញុំបានស៊ើបដឹងនោះគឺប៉ាម៉ាក់របស់អ្នកប្រុសថេយ៍ជាមនុស្សល្អមានសន្តានចិត្តជួយអ្នកដទៃ ជាមនុស្សដែលស្រឡាញ់យុត្តិធម៌និងប្រកាន់ភាពត្រឹមត្រូវក្នុងសង្គមតែពួកគេមិនសូវធូរធារប៉ុន្មានទេ ព្រោះពួកគេត្រឹមជាអ្នកធ្វើស្រែចម្ការត្រូវម៉ាក់ប៉ារបស់ខ្លួនមើលងាយថាជាមនុស្សអន់ អត់បានការហើយថែមទាំងគម្រាបប៉ារបស់ថេយ៍ថាបើរកលុយមិនបានច្រើនគាត់នឹងបំបែកពួកពួកមិនខាន ពេលនោះពួកគាត់កំពុងពេញស្រឡាញ់គ្នា ក៏ប្រឹងរិះរកគ្រប់វិធីតែគ្មានវិធីណាដែលមានឆាប់ជាងការរកស៊ីផ្លូវងងឹតទេ ដំបូងពួកគាត់គិតថានឹងឈប់ពេលបានប្រាក់គ្រប់គ្រាន់តែតម្រូវការហើយយកប្រាក់នោះទៅប្រកបរបរមួយយ៉ាងសមរម្យតែថាសង្គមមួយនេះចូលហើយមិនងាយចេញវិញបានទេ ពួកគេក៏ចូលជ្តៅទៅៗរហូតដល់ដកខ្លួនលែងបាន ដូច្នេះពួកគេសម្រេចចិត្តថានៅក្នុងសង្គមនេះតែម្តងទៅតែមិនលក់គ្រឿងញៀនព្រោះវាប៉ះពាល់ដល់មនុស្សជាតិនិងយុវវជន តែចំពោះអាវុធគឺពួកម៉ាហ្វៀវាយកអៅប្រើតែជាមួយគ្នាវាទេ ដូច្នេះវាមិនប៉ះពាល់ដូចគ្រឿងញៀនទេ>>វីលរៀបរាប់តាមដំណើរដើមទង