Irresistible Pulchritude

Primero

HINDI NAMALAYAN ni Khaila na naka idlip na pala siya habang inaayusan kung hindi lang siya tinapik sa balikat ng assistant niya.

"Turn mo na," sabi nito.

She sighed and stood up. Wearing a beautiful dress and simple makeup look to enhance her facial features more, she was more than ready to face the camera again.

Buhay na niya ito simula noong bata pa siya. It was her choice, walang pumilit sa kanya. She looked up so much to the man who became her father. Ang lalaki na nagpaka-tatay sa kanya.

His job fascinates her. Ang akala niya noon ay madali, pero noong umpisahan na niya, doon niya nalaman na walang trabaho na madali.

"Looking good, Khaila! As usual." Ani ng photographer.

Pagod siyang ngumiti sa lalaki at nagpasalamat. Inayos lang ulit ang set-up ng studio, pati na rin siya bago sila nagsimula.

Flashes of camera. The voice of her photographer. And she was enjoying the moment.

"Good job, Khaila!" Nag thumbs up sa kanya ang photographer.

Lumapit si Khaila rito at mahina na tinapik ang balikat. He was a close friend of her brother, Kyrst.

"Oh, gusto mong makita?" tanong nito. Tumango lang siya at iginiya siya nito paharap sa laptop na konektado sa camera na gamit nito.

Hinayaan siya nito na tingnan ang mga kuha nitong larawan sa kanya. Her body was covered with fabric, conservative dress, but the angle of every picture made her look like she's seducing someone.

"Galing!" puri niya sa lalaki.

He's just an intern but his shots were this good. Ang kapatid niya dapat ang hahawak sa project na 'to, kaya lang hindi pinayagan. Knowing her brother, wala silang matatapos.

"Thanks, Ate! Ang awkward kapag Khaila lang, baka pugutan ako ng ulo ni Ky kapag narinig na 'yon lang ang tawag ko sayo." Tumatawa na sabi nito.

Her overprotective brother. Nagpaalam lang na siya rito dahil may isa pa siyang photoshoot na pupuntahan, and after that, she'll attend a model screening. Nasabi lang 'yon sa kanya ng Lolo niya.

"Tubig." Inabot sa kanya ni Gayle ang bottled mineral water. "Buburahin pa natin 'yang makeup mo. Sa sasakyan na lang kita ayusan ulit."

Pagod siyang tumango. Madaling araw pa sila nagtatrabaho, pare-pareho lang sila na inaantok. But unlike them, they could take a nap habang siya naman ang nagtatrabaho.

"Gayle, pang teens daw ang makeup brand. Huwag masyadong kapalan ang makeup ni Khaila ah?" paalala ni Jane sa Hair and makeup artists niya.

Gayle and Amanda were doing her hair and makeup, habang ang assistant naman niya minsan ay nagiging stylist niya rin. Chris, on the other hand, was their driver at taga bitbit ng mga gamit na kailangan ipasok sa studio. If he's not busy enough, ito na rin minsan ang bumibili sa pagkain nila kung hindi 'yon kasali sa ipo-provide.

Nauna siyang pinasakay ng mga ito sa Artista Van na regalo sa kanya ng Tita Isabella niya. It was larger, and spacious kaysa sa Artista van na pinagamit sa kanya noon ng Papa niya.

"Hays! Ang sarap talaga ng buhay kapag si Khaila ang alaga mo!" sabi ni Amanda na ikinatawa niya.

Pagpasok kasi nito ay agad na humilata sa sofa, pwede rin 'yon na maging kama kung gugustuhin nila. Doon siya madalas matulog kapag pagod na pagod na talaga siya.

"Bebe, ayusan kana namin para retouch na lang doon. Mag re-review ka pa." Gayle immediately went to her side and wiped her face using warm towel.

Sobrang gaan ng kamay ni Gayle, hindi na napigilan ni Khaila ang umidlip ulit habang inaayusan siya. If it's not for her upcoming exam, hindi siya gigisingin ng mga ito hanggang sa makarating sila sa destinasyon nila.