မြကျော့ရှင်းဆိုင်သို့ရောက်သော သူငယ်ချင်းနှစ်ဦးစကားပြောကြပြီး မေမြတ်မှူးနှင့်သူမ၏အဒေါ်မှာဗိုက်ဆာဆာနှင့် မှာထားသောအစားအသောက်များထိုင်စားနေကြသည်။၏
"ငါဘယ်လောက်စိတ်ပူရလဲ နင်သိလားကိုကို"
"အင်းပါ ငါတောင်းပန်ပါတယ်"
"ငါ့မှာလေ မမမြတ်ရှိလို့သာပေါ့ မဟုတ်ရင်ငါတစ်ယောက်ထဲယောင်ချာချာနဲ့ဘာလုပ်လို့လုပ်ရမှန်းမသိ"
"အင်းပါ"
"ဒါဆိုခုနင်အရင်တွေမသောက်တော့ဘူးမှတ်လား"
ခတ်တာကိုကို၏ဗိုက်အားလိမ်ဆွဲပြီး
"ဖြေလေ အရက်တွေအရမ်းမသောက်တော့ဘူးမှတ်လားလို့"
"အင်းပါ မသောက်တော့ဘူး နာတယ် လွှတ်လွှတ်"
မေမြတ်မှူးတို့စားသောက်ပြီးသော အချိုပွဲစားကြ၏
"စားရတာ အဆင်ပြေရဲ့လားတီနွယ်"
"ပြေပါတယ် ကျော့ "
"မမမြတ် ဟိုလေ ဒီနေ့ညတော့ မမမြတ်အိမ်မှာပဲ ကိုကို့ကိုခေါ်ထားပေးပါလား"
"မမမြတ်ကရပါတယ် အိမ်မှာလည်း မမမြတ်နဲ့တီနွယ်နှစ်ယောက်ထဲရှိတာဆိုတော့ အဆင်ပြေပါတယ်"
"ကယ် ကိုကိုနင်ဒီနေ့ညမမမြတ်တို့အိမ်မှာပဲလိုက်အိပ်"
"အားနာစရာကြီးကျော့ရာ"
"ငါမမမြတ်ကိုကိုယ်တိုင်ပြောပြီးပြီ မမမြတ်တို့ကသဘောကောင်းပါတယ် လိုက်အိပ်လိုက်"
"အင်းပါ"
"ဪ နင်ရောက်တုန်းလေး သီချင်းလေးတစ်ပုဒ်လောက်တက်ဆိုသွားပါလား ငါ့ဆိုင်လာတဲ့လူတွေက နင့်သီချင်းသံကိုတော်တော်လွမ်းနေကြတာ"
"ခတ်တာကအမူးပြေပြီလို့လား တော်ကြာခေါင်းမူးနေအုံးမယ်"
"ကျွန်တော်ဆိုနိုင်ပါတယ် မမမြတ် "
ခတ်တာကိုကို စတိတ်စင်ဘက်ဆီသို့ထွက်သွား၏စင်ပေါ်သို့ ဂီတာကိုင်ကာတတ်လာသော ခတ်တာကိုကိုအားမြင်သော ဆိုင်လာနေကျသူများမှလက်ခုပ်တီးကြ၏
"ကျွန်တော်တို့မတွေ့ရတာတောင်ကြာပြီနော်"
ဟုစကားလေးပြောပြီး ဂီတာစတီးတော့သည်။
YOU ARE READING
ဖမ်းဆုပ်ခွင့်မရှိသော(ခေတ္တရပ်နား)
Romanceကြိုးစားသမျှ အရာမထင်ခင်မှာပဲ ကျွန်တော်ဟာအရင်ထားခဲ့ခံရတယ်။တစ်သက်လုံးကိုင်ထားချင်တဲ့ လက်တစ်စုံကို ကျွန်တော်ဖမ်းဆုပ်ခွင့်မရှိခဲ့ဘူး ကိုယ့်အတွက်မဟုတ်မှန်းသိသိလျက်နဲ့ ကြည်ကြည်နူးနူးကြီးရူးမိုက်စွာ တက်မက်စွဲလမ်းနေမိခဲ့သေးတာပဲ။ရူးမိခဲ့မှတော့ ဆက်ပြီးရူးသထက်...