ကံတရားနှင့်ရှေးရေစက် ဘယ်အရာဟာကောင်းမွန်သော သဘောကိုဆောင်လေမလဲ မေးလာခဲ့ရင် ရုတ်တရက်တော့ ဘာပြန်ဖြေရမယ်မှန်းမသိဖြစ်ကောင်းဖြစ်တတ်သွားလိမ့်မည်...
"အဲ့တော့ အဆင်ပြေနေတယ်ပေါ့လေ"
"ဒါပေါ့ "
"မြတ်တို့များနော် အဆင်ပြေနေတဲ့အချိန်ဆိုတော့ငါတို့ကိုဖုန်းတောင်မခေါ်တော့ဘူး"
"ငါလည်းသိပ်မအားလို့ပါ "
"ဒါနဲ့နင်သူ့ကိုအတည်တကျဖွင့်ပြောပြီးပြီလား"
"အင်း"
"ငါနားမလည်တာတစ်ခုရှိတယ် မြတ်"
"ဘာလဲ"
"သူများတွေပြောနေကြသလိုဆိုဟာ tom တို့ tachi nekoအဲ့လိုမျိုးတွေထဲမှာဆို နင်ကဘာလဲသူကရောဘာလဲ"
မေမြတ်မှူး ဟက်ဟက်ပက်ပက်ရယ်မောလိုက်ပြီး
"ငါ့အတွက်အဲ့လို သတ်မှတ်ချက်တွေမရှိဘူး...ငါအမျိုးသမီးတစ်ယောက်အပေါ်ကိုရင်ခုန်ကောင်းရင်ခုန်မိမယ်။အဲ့အမျိုးသမီးဟာ ဘယ်လိုပုံစံဘယ်လိုနေထိုင်မှု ဘယ်လိုစိတ်ဆိုတာကိုငါတွေးမနေတတ်ဘူး သူဟာဘယ်လိုပုံစံနဲ့နေထိုင်နေတဲ့အမျိုးသမီးတစ်ယောက်ဖြစ်နေပါစေ ငါသူ့အပေါ်ကိုမေတ္တာသက်ဝင်မိခြင်းဟာ ငါကဘာ သူကဘာဆိုတာမျိုး မဟုတ်ပဲ ဒီအတိုင်းသတ်မှတ်ချက်မရှိတဲ့ သဘောကျနှစ်သက်မှုမျိုးပဲ "
"စာတော်တော်တတ်နေနော်"
"စာတတ်တာမဟုတ်ပါဘူး နင်တို့မေးလို့လဲပြောရသေးတယ်'
"တကယ်လို့များထင်ထားတာတွေဖြစ်မလာရင် ရင်ဆိုင်နိုင်ဖို့ပြင်ဆင်ထားတာမျိုးနင့်မှာရှိလား"
"အဲ့လိုပြင်ဆင်မှုမျိုးဆိုတာ တကယ်တမ်းမျှော်လင့်ချက်မဲ့နေတဲ့လူမျိုးတွေဆီမှာပဲရှိတာပါ ဧကရီရာ"
မိမိစိတ်ခံစားချက်အား ရိုးသားစွာဖွင့်ဟဝန်ခံပြီးသော တစ်ဖန်အဖြေအားမျှော်လင့်စောင့်စားရချိန်သို့ရောက်လာပြန်သည်။
"အင်ကြင်း မမမြတ်ကိုခုထိဘာအဖြေမှရေရေရာရာမပြောသေးဘူးနော်"
"အင်ကြင်းဆီကဘယ်လိုစကားမျိုးကို မမမြတ်ကပြန်ကြားချင်တာလဲ"
YOU ARE READING
ဖမ်းဆုပ်ခွင့်မရှိသော(ခေတ္တရပ်နား)
Romanceကြိုးစားသမျှ အရာမထင်ခင်မှာပဲ ကျွန်တော်ဟာအရင်ထားခဲ့ခံရတယ်။တစ်သက်လုံးကိုင်ထားချင်တဲ့ လက်တစ်စုံကို ကျွန်တော်ဖမ်းဆုပ်ခွင့်မရှိခဲ့ဘူး ကိုယ့်အတွက်မဟုတ်မှန်းသိသိလျက်နဲ့ ကြည်ကြည်နူးနူးကြီးရူးမိုက်စွာ တက်မက်စွဲလမ်းနေမိခဲ့သေးတာပဲ။ရူးမိခဲ့မှတော့ ဆက်ပြီးရူးသထက်...