"ဂျပန်စာမို့လားမသိဘူးနော် စားရင်းနဲ့တောင် ဂျပန်ရောက်သွားသလိုပဲ"
"အပိုတွေလျှောက်ပြောနေပြန်ပြီ မိဖူး"
"တကယ်ပြောတာမမခွန်းရဲ့"
Myanmar Plaza တွင်ဂျပန်စာစားပြီး ရွှေယမင်းတို့လျှောက်ကြည့်ကြသည်။
"ဟိုဆိုင်မှာ အင်္ကျီလေးတွေလှတယ် ယမင်း သွားကြည့်ကြည့်ရအောင်လေ"
မိဖူးလက်ဆွဲခေါ်သည့်နောက်သို့ ရွှေယမင်းလိုက်ရပြန်သည်။ဆိုင်ထဲတွင် အင်္ကျီ၊ဒေါက်ဖိနပ်၊ဘောင်းဘီ၊ဂါဝန်၊စကတ် အမျိုးအစားများစုံလင်လှ၏။မိဖူးတစ်ယောက် တစ်ခုပြီးတစ်ခုတမော့တမောလိုက်ကြည့်နေလေသည်။ရွှေယမင်း၏မျက်ဝန်းအားဖမ်းစားသွားသော ဒေါက်ဖိနပ်ကလေးတစ်ရံအား ခွန်းချိုခဝယ်ပစ်လိုက်သည်။
"ဒီဂါဝန်လေးလှတယ်နော် မမခွန်း"
"အင်းဟုတ်တယ်နော်...ယမင်းနဲ့ဆိုလည်းလိုက်မှာ"
"ဟုတ်တယ်နော်...ဝတ်ကြည့်ပါလားယမင်း"
"မဝတ်ချင်ပါဘူး မိဖူးရယ်။ကိုယ်လည်းဝယ်နိုင်တာမဟုတ်ဘဲနဲ့"
ဆိုင်ဝန်ထမ်းမိန်းမလေးတစ်ဦးရောက်လာပြီး
"ဒီဂါဝန်လေးကတစ်ထည်ထဲကျန်တော့တာပါ။Bodyရွေးတော့ စျေးဝယ်သူတွေကကျော်ကျော်သွားကြတယ်။ညီမလေးနဲ့ဆိုရင်တော့တော်မဲ့ပုံလေးပါ စမ်းဝတ်ကြည့်နော်ရပါတယ်"
"ဟုတ်ပါတယ် ယမင်းရဲ့ဝတ်ကြည့်လိုက်နော်"
မိန်းမလေးသဘာဝလှချင်သည့်စိတ်ကလေးမှာလည်း ကိန်းအောင်းနေလေတော့ ရွှေယမင်းတစ်ယောက်အဝတ်လဲခန်းထဲဝင်ကာစမ်းဝတ်ကြည့်လိုက်သည်။
"wow...ယမင်းနဲ့အရမ်းလိုက်တာပဲ။ကြည့်ပါအုံး ကော်ရုပ်ကလေးကျနေတာပဲ"
"အဲ့ဂါဝန်လေးနဲ့ဆီဒီဒေါက်လေးနဲ့လိုက်တယ်ညီမလေး စီးကြည့်ပါလား"
ရွှေယမင်းလိုချင်နေသော ဒေါက်ဖိနပ်လေးအားထိုဆိုင်ဝန်ထမ်းမိန်းမလေးယူလာပေး၏။
"ဝတ်ကြည့်လိုက်ပါ ယမင်းရဲ့"
ရွှေယမင်းဒေါက်ဖိနပ်လဲဝတ်ပြီးသော ကိုယ်လုံးပေါ်မှန်ရှေ့တွင်မတ်တပ်ရပ်ကာ မိမိကိုယ်ကိုပြန်ကြည့်နေခဲ့သည်။မိမိငယ်စဥ်ထဲကလိုချင်ခဲ့ဖူးသော ပုံရိပ်တစ်ခုဖြစ်သည်။ဂါဝန်လှလှကလေးဝတ်၊ဒေါက်ဖိနပ်လှလှကလေးစီးကာ လူအများကြားလှချင်ခဲ့သည့် ရွှေယမင်း၏လိုအင်တစ်ခုပင်...ခွန်းချိုခတစ်ယောက်မိမိ၏ဖုန်းအားထုတ်ကာ ရွှေယမင်း၏လှပနေသောပုံရိပ်လေးအားဓာတ်ပုံရိုက်ထားလိုက်သည်။
YOU ARE READING
ဖမ်းဆုပ်ခွင့်မရှိသော(ခေတ္တရပ်နား)
Romanceကြိုးစားသမျှ အရာမထင်ခင်မှာပဲ ကျွန်တော်ဟာအရင်ထားခဲ့ခံရတယ်။တစ်သက်လုံးကိုင်ထားချင်တဲ့ လက်တစ်စုံကို ကျွန်တော်ဖမ်းဆုပ်ခွင့်မရှိခဲ့ဘူး ကိုယ့်အတွက်မဟုတ်မှန်းသိသိလျက်နဲ့ ကြည်ကြည်နူးနူးကြီးရူးမိုက်စွာ တက်မက်စွဲလမ်းနေမိခဲ့သေးတာပဲ။ရူးမိခဲ့မှတော့ ဆက်ပြီးရူးသထက်...