ليته ماسمعني يوم قلت (يحق لك مايحق لغيرك ياعزوتي)

بارت15

البارت هذا لعيون  الحلوه ملاك استمتعو

عند غلا بالغرفه بعد ماسلم عليها بتال
بتال :كيفك ياعيوني
غلا:ياكثر ماانسئلت السوال هذا اليوم الحمدالله بخير
بتال :عسى دوم ياروح الروح
ملاذ :ترا نغار يعني
بتال وهو يتجه لها ويحط يده على كتفها:افا انتي بالقلب
ملاذ:والله الي بالقلب معروفه
بتال بضحك :بس لاتنكرين اني احبك بعد
ملاذ وهي تلطف الجو:اي بس يعني عطنا وجه مثل بعض الناس
بتال :كلكم احبكم بس بعض الناسس غيرر
ملاذ وهي تناظر غلا:لوسمحتي الطريقه
غلا :طريقة ايش
ملاذ:طريقة الحب الزايد هذا لك يعني مو معقول الحب ذا ولالا يانادين
نادين الي كانت تشوفهم وعيونها قلوب :اي والله لدرجه ابوي يحبها اكثر مني
ملاذ :هذا وانتي عنقوده
نادين:والله بنت اخوي العزيزه الحب كله لها
بتال وهو يناظر فيها وفي جمالها :شكل مسحوب عليك
نادين الي مستحيه من نظراته :اي
بتال :يعوضك الله
نادين :ان شاءالله
ملاذ:ياعمري طلعتي تعانين مثلنا
نادين :اي بس خلاص تعودنا
دخل مشاري وهو يدف الباب بقوه
بتال :وجع ورع اصبر لاتدخل
مشاري :وانت ليه داخل
بتال :حمار انت  وحده بنت اخوي ووحده بنت اختي
مشاري :نسيتت
بعد ماتغطت غلا دخل مشاري شاف وحده بعبايتها جالسه على الكرسي مبعده عنه :سلام عليكم
الجميع :وعليكم السلام
اتجه مشاري للشرير وهو ينط عليه :هووووب
غلا وهي تبعد:يالليل جاء الخبل
مشاري:الخبل هذا جاي يتطمن عليك ويشوفك اخر شي تقولين  عنه خبل
بتال :انشهد انك خبل وانا عمك
ملاذ:انت خرشت البنت اكثر من انك تتطمن عليها مااستحيت مننا على الاقل استح من البنت الي جالسه
بتال :فشلتنا حسبي الله
مشاري :فتون ماهي غريبه تعرفني
ملاذ :لاياحمار
مشاري :اجل
ملاذ:عمة غلا
مشاري وهو يتعدل :اما عاد احسبها فتون معليش
غلا :نادين معليه هذا مهبول العايله الي اقول لك عنه
مشاري الي استحى وبهمس :ياوك يالفشله الله يلعنكم
ملاذ :تستاهل احسن
مشاري :ياوك وجهي طاح
غلا:احسن هذا عشانك سويت لك شي الا انك تتحمد لي
مشاري وهو يقعد على طرف السرير عندها:حمدالله على السلامه
غلا:الله يسلمك
مشاري وهو يحط رجل على رجل :اسمعي زين
غلا:همم
مشاري :وش صار علميني
غلا :ابد والله بغيت اموت الا شعره بس ربك سترها
مشاري :طيب ليه مامتي
بتال :وجع تموت قبلها ياحيوان
غلا وهي ترمي المخده عليه :صدق انك قليل ادب
مشاري:امزح امزح والله بعدين اذا متي شلون نعيش بدونك
غلا بغرور:ماتقدرون
مشاري :اقول لاتصدقين نفسك ترا هذا كله عشان عمتك موجوده بس
غلا :هذا انت قلتها ماتقدرون تعيشون بدوني
مشاري :يوه بسرعه علميني وش صار
غلا :ابد والله لحقونا ورمونا بالرصاص بغينا نموت
مشاري :كنتي مع ذاك شسمه
غلا:سالم
مشاري :ايوا وينه خليني اتحمد له دامني جيت مره وحده
غلا بحزن :بالعنايه
نادين:لا طلعوه للغرفه
غلا :امانه
نادين :والله
مشاري :حمدالله على سلامته ومايشوف شر
نادين :الله يسلمك
مشاري وهو يبي يغير جوها :يعني الحين صار لك نفس الافلام
غلا :ها
مشاري:يعني صار مطارده واكشن وخوف
غلا :هذا الي همك صح
مشاري وهر ياشر لها تقرب اذنها له :اسمعي لايكون صار حركات حب وماحب
غلا ضحكت بقوه :يهب ياوجهك ماصار شي انا بموت من الروعه وهذا يقول اشياء ماتصلح
مشاري ابتسم من ضحكتها :اي ياخي خلينا نشوف ضحكتك
ملاذ :اخيرا ضحكت
بتال :مشاري لك مني الي تبيه عشان هل ضحكه
غلا:خير ان شاءالله انا الي ضحكت مو هو
مشاري :يمه منك حسوده خليني استفيد منه شوي
بتال :ها احلم بها
مشاري ناظر غلا:اسمعي انا قررت قرار جديد
غلاغلا وهي ترفع يدها :اللهم اجعله خير
مشاري :خير خير لاتخافين
غلا وهي تبقق عيونها :ولد لايكون بتتزوج
مشاري بضحك:بتنحاش من اول يوم
ملاذ :انشهد
بتال :اي والله بذي صدقت
غلا :معليك منهم والله الي بتاخذك ياحظها فرفوش ومعك دراهم وونيس بس بسرعه وش هو قرارك
مشاري :بعفيك من المقالب لمدة اسبوووع فقط
غلا :صدق والله
مشاري :عشان تعرفون اني حليو مو مثل ماتقولون عني
بتال :جزاك الله خير والله ماقصرت
ملاذ:قلللويش يعني الحين مافيه نصبح على خرشات
مشاري :ههههه العرض مايشملك يالاخت
غلا:اقول وراء ماتذلف
مشاري :هذا وانا جاي بحسن نيه
غلا:طيب اسمع خلها شهر
مشاري:تحلمين بها مااقدر اعيش كذا
غلا:ليه ليه
مشاري :اموت مااقدر اتحمل
غلا :اني داريه بوافق بس بشرط
مشاري :بعد فيها شروط
غلا :اي
مشاري:اسلمي وش هو
غلا :كلنا لمدة اسبوع ماتمقلبنا
مشاري:لا يعني لا حفري بيديك ورجليك
غلا وني تكشر بوجهاا:تكفى مشاري
مشاري وهو يحرك راسه:لا يعني لاااااا
غلا ببتسامة خبث :تكفىىى مشمش
مشاري باحراج:خلاص طيب الله لايوفقك انتي وياها
غلا وملاذ الي ماتو من الضحك على شكله
غلا :اخس اخس طلعت تستحي
مشاري وقف :حسبي الله انا بطلع تبون شي
ملاذ :ياربي وجهك يضحك
مشاري بهمس لهم :الله يلعنكم موب قدام الناس حسبي الله
غلا :احسن اطلع بس
بتال وقف:اجل انا بعد استاذنكم
غلا :استودعتك الله
مشاري :وانا
غلا :تخسى خل اختك تقولك
مشاري :طيب طيب يابنت فارس انا اوريك
غلا :تسمع بصر امها ولالا
مشاري :الا
غلا :ها صر امها
بتال :عيوني اذا كتبو لك خروج علميني
غلا:ابشر
بتال :انا باخذك لا تروحين مع احد
غلا وهي تاشر على عيونها :من ذي قبل ذي
طلعو مشاري وبتال
عند سالم بالغرفه الي راحت معالي تتحمد له باسلامه مع الجده ساره دخل معهم جسار
دخلت معالي بعد ماطلعو عبدالله وفارس :سلام عليكم
سالم وهو يعدل نفسه :وعليكم السلام
معالي :لاتعب نفسك ياامي ارتاح
سالم:مرتاح ياخاله
معالي :حمدالله على السلامه ياامي
سالم:الله يسلمك
جسار:حمدالله على السلامه ياابو عبدالله
سالم:الله يسلمك
معالي :كيف جرحك ياامي
سالم:طيب الحمدالله
معالي :عسى ماتعورت ياولدي
يالله وش كثر سالم مشتاق لكلمة ياامي و عسى ماتعورت ياولدي حس اشتاق لمه اشتاق لملاكه اشتاق لها بالحيل
سالم:متعود ياخاله
معالي : زيارة المريض قصيره ياولدي استاذنكم
الجده ساره:وين
معالي :بروح والله اشوف غلا واذا نقدر نطلعها
جسار:اجل انا بسبقك اشوف الدكتور
معالي:طيب
طلع جسار ووقفت معالي بتطلع وقالت
معالي :امي سالم
سالم بحنيه :سمي
معالي :اذا احتجت شي ولاشي امانه لايردك الا لسانك علمني وابشر به يجيك
سالم:ابشري
معالي :تراك بحسبة عيالي والله مااشوفك الا مثل جسار وصقر عندي
سالم:ابشر وانتي بمقام الوالده الله يرحمها
معالي :الله يرحمها ويمد بعمر ابوك والله يبلغنا بطلوعك ان شاء الله
الجده ساره:ان شاءالله يارب
سالم:اللهم امين جزاك الله خير
طلعت معالي متجه لغرفة غلا اما عند جسار في غرفه الدكتور
جسار وهو يطق الباب
الدكتور:تفضل
دخل جسار:سلام عليكم
الدكتور:وعليكم السلام
جسار:كيف الحال يادكتور
الدكتور:الحمدالله بخير وانت كيفك
جسار:حمدالله بخير حبيت اسالك دكتور بخصوص غلا فارس
الدكتور:تفضل
جسار:نقدر نطلعها ولالا
الدكتور:اي
جسار:يعني امورها تمام
الدكتور:اي الحمدالله
جسار وهو يوقف :تمام دكتور يعطيك العافيه 
عند البنات في الغرفه
ملاذ :غلا
غلا :هلا عيوني
ملاذ :حبيبي والله تبين اجيب لك شي
غلا :لا ياعيوني
ملاذ:وانتي نادين
نادين:مشكوره ياروحي
غلا :احس طفشت
ملاذ:ليه
غلا :احس طفشت ابي اطلع
نادين الي لما كانت عند سالم صورته :ادري انك طفشتي بس وش تسوين انطقي
وارسلت الصوره لغلا رن جوال غلا بان جتها رساله ورفعته
وفتحت المحادثه بينهم شافت صورته حطته صامت وكبشرت الصوره وكتبت:وش دخلني
ارسلت لها نادين :قلت اطمن قلبك عشانك ماشفتيه
غلا وهي تقفل الجوال وتناظر فيها:اول من شافه انا
نادين وهي تناظر فيها
غلا :ملاذ تدري
ملاذ :مين الي شفتيه
غلا:سالم
نادين:كيف شفتيه
غلا:سعود كلم الدكتور واقنعه ان احد يشوفه لما كان بالعنايه
ملاذ :ودخلتي  له
غلا :اي
نادين:انا اقول وش سبب الارتياح هذا
ملاذ:سلامات وشهوله داخله له
غلا:تستهبلين انتي بغى يموت قدام عيوني
ملاذ :هذا هو حي
نادين:وهي صادقه ليه دخلتي
غلا :خفت ياخي والله العظيعم خفت يصير له شي وانا الي بموت بعذاب الضمير
ملاذ:وانتي وش دخلك هذا الي كاتبه ربه له
غلا:ونعم بالله ماقلنا شي بس انتم ماانحطيتو بموقفي
نادين بحماس :وش صار وش صار علميني
غلا وهي تضحك:سبحان الله توك تهاوشيني
نادين:معليش بس انا لو مكان كان الحين يحطوني في شهار
ملاذ:اي والله حتى انا مااتحمل يمه
غلا :خلاص لاتذكروني
نادين بوناسه :وش صار قعدتي تبكين عنده وقام على دموعك
غلا :بوف كيف تعرفون انها مختمه الافلام
ملاذ:تكلمي بسرعه
غلا :ماصار شي
ملاذ:كيف ما صار شي
غلا:وش بيصير يعني
نادين بعبط :يعني بكي خوف مسكت يد كلام حب
غلا بتوتر :تخسين
نادين:ياتراب تكلمي اخلصي علي
ملاذ :ناظريني حطي عينك بعيني
غلا وهي تهرب عيونها :هاااا
ملاذ وهي تنط عند نادين:صار شي هربت عيونها وربي صار شي
نادين:ادري
غلا بتوهق :لا اله الا الله ماصار شي
نادين :انا ادري يمر يوميني وتجين تقولين وهي تكشر وجها وتقلد حركات غلا نادين انا بقولك شي واحس بطني فراشات
ملاذ :اي حتى انا بس ترا ماراح اسمعك ياتقولين الحين يا لا تقولين
غلا :وش فيكم انتم اقول لكم ماصار شي
ملاذ وهي عارفه حركات غلا:طيب ليه تحركين يدينك واجد
غلا :يوهههههه خلاص انتي وياها
وفي هذي اللحظه انقذت غلا معالي الي دخلت عليهم
معالي :ها امي وشلونك
غلا بوناسه:هلا والله مافيني شي
معالي :الحمدالله لك يارب
طبع جسار وهو متجه لغلا في الغرفه وقف وطق الباب
معالي :مين
جسار:انا يمه
معالي :دقيقه ملاذ تغطى بس
ملاذ ماتدري ليه تتوتر اذا سمعت اسمه وهي تدور بالغرفه تدور غطاها
معالي :ياامي وش فيك هذا هو قدامك
ملاذ وهي تناظر فيه :يمه شلون ماشفته
غلا الي ملاحظه ملاذ من ذاك اليوم وهي تتوتر اذا سمعت اسمه :والله من التوتر الي ماله داعي
ملاذ بخوف :توتر ايش
جسار:اخلصو
ملاذ وهي تتغطى بسرعه
معالي :ادخل امي تعال
دخل جسار وهو يبتسم لغلا :تقدرين تطلعين ياروحي
غلا بوناسه:صدق والله
جسار:اي والله
غلا:اجل يلا يلا بدق على بتال
جسار:ليه
غلا :يقول لاتروحيم مع غيري انا باخذك
ملاذ :اي اكيد بيوديك الكوفيهات والمطاعم بس بنشب لك
غلا:ههههه دزي امها بس
جسار:وش عنده
غلا :والله مادري بس الاكيد انه يبي يغير جوي فديته
جسار بغيره :لا والله على كيفك ماراح تروحين معه انا الي بوديك
غلا :ماما شوفي ولدك لو سمحتي
جسار:اخس الحين صرت ولد امي طيب ياغلا طيب
غلا بعيون باكيه :ليه ماقلت لي ياعيوني ولا ياروحي
جسار وهو يهددها باصبعه السبابه :من اليوم مافيه الا غلا ولا بنتتتت امي
غلا:ترا بصيح
جسار بخوف من انها تصيح اتجه يحظنها :عسى الله يبكي من يبكيك ياعين جسار وروحه
غلا :اي هذا حبيبي جسار الي اعرفه مهوب الي قبل شوي
جسار بضحك وهو يناظر معالي :بنتك ذي خطيره
معالي :ليه امي
جسار:تعرف تلعب فينا على اصابعها
غلا بغرور:يحق لي ولالا
جسار:اي بالله يحق لك
نادين :اقول الرومانسية ماهي لايقه علكيم يالاثنين
غلا:اي فهد مهو هنا يمدحك
ملاذ :من ذا بعد كل شوي يطلع فرد جديد
جسار وهو يناظر فيها :من افراد عائله سند مو لازم تعرفينه
ملا بخوف :طيب
نادين بنفسها :اشم ريحة حب جديده
غلا وهي تتصل على بتال :الو
بتال :سمي
غلا :سم الله عدوك قل امين
بتال :امينننن
غلا:حبي ترا كتبو لي خروج
بتال :صدق
غلا:اي
بتال :يلا يلا جهزي نفسك جايك
ملاذ بصراخ شوي:برووحح معكمممم
غلا:يالليل النشبه وش تبين
بتال:وش تبي
ملاذ :تكفون بروح معكم
غلا :خلاص بتال شرايك ناخذها ولالا
بتال :انتي تبينها تروح معنا ؟
غلا:مدري احس رحمتها
ملاذ:حيوانهههه
بتال :خلاص خلاص يلا اجهزو
جسار:يلا يمه امشي نادين تروحين معنا
نادين :اي
غلا:لا لا دقيقه نادين امشي معنا
نادين:لا وين
ملاذ:ليه
نادين:صعبه والله
غلا:موب صعبه ولا شي
نادين:وش اقول لبوي استحي على وجهك
بتال وهو يسمعهم ومبستم على صوتها واسلوبها
غلا:اذا على ابوي انا اكلمه
نادين:بعدين انتم طالعين مع خالكم انا وش دخلني
جسار:تبين تروحين معهم روحي غيري جو اتركي جدي علي
نادين:لووءءء
غلا:اكلي تراب بتقعدين وبتروحين معنا
نادين:على كيفك هي
غلا:ايييييي
بتال:ها بشري وافقت ولالا
غلا:موب لازم توافق انا وافقت بدالها وخلاص
نادين تناظر فيها :خيرر
غلا:لو سمحتي انا بنت اخوك الكبير المفروض تحترمين قرراتي يعني
نادين:الي اعررفه المفروض انتي تحترمين عمتس
غلا:يوه من قال انك عمتي انت صديقتي واختي ولا
نادين ابتسمت :الله يلعن بليسك خلاص تم موافقه
غلا:قسم بالله خروف اعرف اوديك واعرف اجيبك
بتال ضحك:يلا اجل اجهزو جايكم
غلا:تمام حبي يلا باي
جسار :انا بعلم جدي انتم اجهزو
غلا:كفو المحزم المليان
جسار:كفوك الطيب
سكرت غلا وراحت تلبس عبايتها ويتنظررون بتال يجي ياخذهم
دق بتال :الو
غلا:لبيه
بتال :اطلعو انا برا
غلا وهي توقف :طيب
ناظرت البنات:قوكن قومن بسرعه
نادين:وش فيك
غلا:بتال برا قومو
نادين:طيحتي قلبي حسبي الله
ملاذ :كيف اصارحك اني تعودت عليها وعلى مشاري
نادين:الله يعينك بس اما اخوك ذا قسم بالله لو  انه عندي اني لحطه بخلاط وافمره
ملاذ :هههههههههههه
غلا:عاد ترا اجواكم تتشابه
نادين:بسم الله علييي بس
غلا:يابنات بتال براء قومو
اما براء عند بتال الي مروق ومشغل اغاني اما غلا وملاذ الي وقفو عند البوابه
نادين :وش فيكم
غلا :نادين تكفين لاتنقدين علينا
نادين:ليه
ملاذ:لانك بتشوفين شي يضحك بالنسبه لك
غلا وملاذ وهو يناظرون بعض وماسكين انفسهم
نادين:وش فيكم
غلا:حان وقت اللحظه الحاسمه
ابتدو يركضون نادين الي انخرشت وركضت معهم بتال الي انصدم من اشكالهم وهوم يركضون ووقف الا غاني ونزل الشباك وش فيكم
غلا وملاذ وهم يركضون ووقف عند باب الي جنب السواق
ملاذ :انا وصلت الاوله
غلا:لا انا
ملاذ وخي تفتح الباب :انا الاوله مالي دخل
غلا:اقول انا اول وحده وصلت
نادين وهي توقف تلهث :الله يلعنكم
بتال بضحك وهو يناظر فيها :طيب هم فهمتوه ليه يركضون انتي ليه تركضين
نادين باحراج:مدري شفتهم يركضون وركضت
بتال :يعني مع الخيل ياشقراء
ملاذ وغلا وهم يدفون بعض بتال :خلاص انتي وياها
ملاذ :اما وصلت الاوله
بتال:لا
ملاذ:والله انا
بتال :غلا وصلت وانتي على طول وراها
غلا:شفتي
ملاذ :طيب خلاص انا الكبيره المفروض اركب قدام
غلا:مع نفسك
بتال :خلاصص اركبو كلكم يالثنتين وراء
غلا:دقيقه هيه
بتال :ها
غلا:مو الطلعه عشاني
بتال :ايه
غلا:خلاص يعني انا قدام
نادين :طيب انا وين اركب
بتال بضحك:الله كان باليني ببهيمتين والحين صارو ثلاث يالله انا بنجلط
نادين:وش سويت
بتال وهو يناظر فيها :لايكون تبين تركبين معهم قدام بعد
نادين :لا بركب وراء
بتال :من اول ياابوي وناظر ملاذ وغلا اخلصن وربي لاروح واخليكم
غلا وهي تناظر ملاذ :تكفين اركبي وراء بس اليوم
ملاذ :بس اليوم
غلا:اي بس اليوم
ملاذ :ترا بس اليوووممم
غلا:اييييي
ركبو ملاذ ونادين وراء وغلا قدام مع بتال وراحو اما جسار وداء معالي والبيت ورجع لسالم
بتال :وين تبون اوديكم
ملاذ :الي تبي
غلا :كلمتي ذي ليه خذيتيها
ملاذ :سدي حلقك ترا محملتك اليوم واجد
غلا :سدي حلقك انتي
بتال وهو يسحب بريك :قسم بالله لارجعكم لاتعكرون جوي ترا طالعين نستانس موب نتهاوش
غلا:خلاص خلاص
ملاذ :التوبه
بتال :اي خليكم كذا حلوين شاطرين
نادين بنفسها:وش ذا الخال البطل هذا وين حمير خواني واخواني تعلمون
بتال :وش تتبون اشغل اغاني
غلا:الي تبي ياعيون غلا
بتال :لا اليوم بنسمع على ذوق ضيفتنا وش تبين تسمعين
ملاذ وهي تطق كتف نادين:يكلمك ترا
نادين:انا
بتال :في معنا ضيفه غيرك
نادين:لا عادي الي تبون
بتال :يعني وش
نادين:مافيه شي معين اسمعه دايم خربوطي
بتال :هههههه اما عاد
نادين:والله
بتال :اجل انا بشغل
غلا:يوه جوك يفوز
بتال :يالبى عيني ياشيخ ياخي والله احبني
غلا :اشتغل عرق النرجسيه عنده
ملاذ :ابلش
بتال :لو سمحتو انا اليوم في اسعد ايام حياتي خلوني استمتع
غلا:عسى دوم
ملاذ :وش عندك
بتال :ابد والله الحمدالله وقعت عقد جديد اليوم واموري ماشيه زين بالشركه وطالع معكم وش ابي اكثر
غلا:اي عقد
بتال:الي قلت لك عنه
غلا بوناسه :امانه
بتال :اي والله
غلا:مبروك ياعيوني تستاهل
بتال :الله يبارك فيك ياعين ابوي انتي
غلا:اهخخخ كل شي حولي يذكرني بشي
بتال:علامك
غلا:بس تذكرت جسار وهو يقول ياعين ابوي
نادين ضحكت وهي تحاول تخفي ضحكتها
ملاذ بهمس لها:وش فيك
نادين بهمس :الخروف ذي تلقين سالم قايلها لها
ملاذ :اما عاد
نادين :بنت اخوي واعرفها
غلا :شغل يلا
بتال :اصبري جالسه تحمل الاغنيه
واشتغلت الاغنيه وبتال رفع الصوت للاعلى شي الاغنيه هي
حبيته وضل عايش بالي
بس هو الاول والتالي عذبني
ودمر لي احوالي
وموتني بعيونه النعسانه
غلا وهي تكرر مع الاغنيه :حبيته وضل عايش بالي بس هو الاول والتالي
بتال :عذبني ودمر لي احوالي وموتني بعيونه النعسانه
غلا وهي ترفع جوالها تصوره
غلا:عاش ابو فلاح
ضربني بخنجره الشامي وبصوابه
ودقدق لي عظامي ياابو ردين
غلا :ايوه ايوه عاش
ملاذ لنادين  :توا هذولا الاثنين دايم كذا
غلا :ايه ايه العب العب
بتال وهو مكمل مع الاغنيه :ياابو ردين وياابو دانه وش ..
غلا :هزه هزه وحده تكفى
بتال وهو يهز كتفه ومكمل رقص
غلا:العب عاش ابو فلوحي
طفت الاغنيه بتال :ليه ليه
ملاذ :غيرورها
بتال :بعيدها
ملاذ :ترا بقط نفسي من الشباك اذا عدتها
بتال:ليه
ملاذ :نبي اغاني هاديه شي رايق
بتال :يافقع سبدي وش تبين
ملاذ :شغلو مجودي ولا رشودي
بتال :اذا سمعك عبدالمجيد ولا راشد صدقيني بيعتزلون
نادين ماتدري كيف تكلمت وقالت :طحن الخواطررررر
غلا:توك ماشفتي الطحن على اصولها
راحو لكوفي يتقهون ويسولفون خلونا نروح للمستشفى
عند غرفة سالم الي عنده سعود بس جسار بعد ماوداء معالي رحع اخذ جده وجدته ورجعهم للبيت وهو راجع لسالم
سعود:ياولد قسم بالله قلبي بغى يطلع من مكانه
سالم:ليه
سعود:خفت يوم شفت طايح والدم حولك
سالم:تخاف علي ؟
سعود:كل تراب بس بغيت انهبل
سالم:ليه
سعود:خفت انك تروح مثل مهند
سالم:الله يرحمه
<مهند صديقه من زمان بس توفى من لغم وصار عنده عقده من الموت بعده وخصوصا سعود لانه كان معه>
سعود :قسم بالله مدري شلون مسكت عمري
سالم:والله مادريت انك تخاف علي دام بشوف الدلع هذا اجل دايم بتصاوب
سعود:يهب فال الله ولا فالك قلوبنا بغت تطيح حسبي على عدوك
سالم:هذا انا قدامك ياابن الحلال
سعود:اتركنا حنا على جنب الضعيفه الي معك بغت تغدي مهبوله في ذمتي
سالم وهو يحاول يتعدل :ليه
فز له سعود وهو يعدله:تبكي بكا ماهو صاحي قسم بالله قطعت قلبي وماغير يغمى عليها كل شوي
سالم:تعال تعال وش الحركات ذي مخليها تدخل وش عندك
سعود بخبث:والله من بكاها عرفت انها حرمك المستقبلي
سالم:يهب يالخبيث
سعود:الحين هذا جزاي مجمعكم
سالم:ماقلنا شي جمعنا بس لو شاف احد شي وفهم غلط
سعود:ليه وش بيشوفون
سالم بعبط:يمكن يشوفون اشياء مخله للاداب
سعود وهو يمسك كتفه الثاني :اعقب ورع لايكون سويت حاجه
سالم بعبط :اعقب انت نزل يدك بعدين وش دخلك سويت ولالا
سعود:عيب هذا خطا مايصير انا اخوك لازم تعلمني بكل شي
سالم:والله هذا شي بيني وبين حرمي المصون
سعود :مابعد صارت حرمك اصبر اصبر
سالم :بتصير باذم الي ماتنام عينه
سعود:طيب واذا ماتبيك
سالم:هل انت تتوقع انها ماتبيني بعد الي شفته
سعود :لا والله
سالم:خلاص انطم
سعود:ياحظك اذا صارت حرمك
سالم وهو يوسع عيونه:هيهه ولد صاحي انت
سعود:لا ياخرا فهمتني غلط
سالم:اجل
سعود:ياحظك بخوانها
سالم:ليه
سعود:اول مادرو على طول جو
سالم:ماجو عشاني جو عشان اختهم
سعود:حرام عليك جسار ماقلت له عنها وجاء طاير
سالم:تلقى وصله العلم من احد
سعود:ياولد والله كلمته وقلت له .......
سالم :طيب
سعود :بس والله كبر بعيني
سالم:بس عشانه جاء المستشفى كبر بعينك
سعود :لا
سالم:اجل
سعود :انت تدري ان دمه يمشي بعروقك الحين ولالا
سالم:وشو
سعود:اي مالقو فصيلة دمك واحتاجو دم زياده وتبرع لك
سالم:اسالك بالله
سعود:اي والله
سالم:مين الي يدري
سعود :محد بس انا وهو وقالي سالم لايدري بس انا قلت لك
سالم بنفسه :جعل والله هل راس حي  ويطول ربي بعمره حتى ماتكلم ولا قال لي
سعود:ولد وين رحت
سالم :معك معك
وكملو سوالف لين وصل جسار ودخل
جسار :سلام عليكم
سعود وسالم :وعليكم السلام
جسار:اخباركم
سعود :والله بخير الحمد الله
سالم وهو ينتظر جسار يتكلم بس جسار ماتكلمو ولا قال شي
خلونا نرجع عند بتال والبنات
ملاذ :اقولي انتي ترا وراك اختبارات بعد يومين
غلا:لاتذكريني بس
ملاذ :ذاكري احسن لك
غلا:يوهه مالي خلق مالي خلققققق
بتال:وشو الي مالك خلق لو سمحتي نبي شهاده تبيض الوجه
غلا :ابشر بها
بتال :اجل يلا خلصو عشان نمشي
غلا :بعدين يعني نجحت ولا سقطت شركتك موجوه وشركة نادين موجوده
بتال :اما عاد نادين انتي لك شركة
نادين :اي لي شركه
بتال :لك انتي ولاشراكه
نادين:لي انا وغيث
بتال بغيره :منهو غيث
غلا :ولد عمي
نادين :ولد اخوي
بتال :مشاءالله الله يبارك لكم فيها ان شاءالله
نادين :اللهم امين جزاك الله خير
اما بتال الي خلاص انغرم بعيونها السود وبرقتها وجمال عيونها وتاكد
نادين توتر من نظراته وكبت القهوه :بالغلط والله
بتال :فدا اهم شي انتي ماجاك شي
نادين :لا ماجاني شي
بتال :حصل خير  الحين ينظفون ونطلب لك قهوه جديده
نادين:لا مشكور
بتال :لا الحين يحضر لك احلى قهوه بعد وش تبين غيره كم نادين عندنا حنا
غلا وهي تقبص كتفه :البريكااات البريكات لو سمحت
نادين بلعت ريقها
بعد ماخلصو وطلعو من الكافيه
ملاذ :لو سمحت نبي اغاني روقان
بتال :ابشري
نادين كانت جالسه وراء المقعد الي جنب السواق يعني لو يلف بتال يشوفها وملاذ وراه
شغل اغنية
انا لولا الغلا والمحبه
والعيون السود
وقال وهو يلف على غلا وعينه عليها :هذي هاد تدل دربها
ماجيتك من قصاي
وقلت لك عاشق يامغتره
وانا احبك ومن قلبي احب
وماني بمحدود ولو
اني مااحبك كان ليه ازعل واتشره 
بعد مانزلو نادين في بيت الجد سند اتجهو لبيت الجد فلاح
ومرت الليله بحلوها ومرها على الجميع والبنات بدو يذاكرون للاختبارات وصل خبر للبنات عن الي صار مع غلا
وراحو لها ماعدا عذراي الي ماقدرت تروح راحو لغلا وقعدو عندها انبسطو وذاكرو مع بعض جت الساعه٩:٣٠
غلا :وش تبيون عشاء يابنات
البنات:اي شي
غلا:حددو شي عشان نطلب
البنات:اي شي عادي
غلا :تبون بيتزاء ولا باستا ولا برقر اخلصو
ملاك:الي ودك
غلا:انتم الي بتاكلون
الجوهره:مدري احس دايم ناكل باستا وبرقر من زمان مااكلنا بيتزاء
غلا :اي والله مشتهيتها
ملاك:شهيتوني الله يلعنكم
غلا :اجل خلاص نطلب بيتزاء
البنات:اي
مشاري وهو يغني وداخل البيت بعد ماخلص رحلته غلا حطت كبوست البلوفر على راسها وطلعت له
غلا :وقف عندك
مشاري بفجعه :بسم الله 
غلا بضحك:انخرشت
مشاري:لا
غلا وهي ترمي الفلوس عليه:طيب اسمع خذ الفلوس وجب لنا بيتزاء
مشاري :وانا مكلفو فيك
غلا:اي ماني بنت عمتك
مشاري :هذا انتي قلتيها بنت مين بنت عمتي مالي دخل بعدين اكثر ماكثر ربي اخوانك خلي احد يجيب لك
غلا:يهب اذكر ربك ياحيوان
مشاري:مشاءالله ماقلنا شي بس وش دخلني
غلا:عندي ضيوف مشاري لاترفع ضغطي
مشاري :بالله
غلا :شوف هي قدامك حاجتين ياانك بتجيبه برضاك لا بتجيبه طرق
مشاري :على كيفك
ملاك الي قامت تطل من الشباك لانهم جالسين بمجلس الحريم الي يطل على الحوش وغلا ومشاري بالحوش
غلا :اي على كيفي ياعين امك
مشاري :اقول يلا مناك يلا يس
غلا :مشيري وربي لعلم جدي
مشاري :علميه
غلا :مشاري اقول لك عندي ضيوف حرام عليك
مشاري :وش كثر برامج التوصيل نقي لك واحد واطلبي
غلا :اقدر ترا اطلب بس لو جاء خالي حاكم وربي يذبحني لان طلبت من المناديب بعد هو محذركم من الموضوع هذا صح ولالا
مشاري :اجل دام فيها عمي حاكم فكيني هاتي وش تبين
غلا ابتداء تقول له الطلب وراح مشاري يجبي الاكل لهم
دخلت للبنات
ملاك:هذا مين
غلا:هذا مشاري
ملاك:امانه
غلا :اي والله
ملاك:تصدقين شكله حلو نفس شخصيته
غلا:هيه عاد لو سمحتي محارمنا
ملاك:فاهمه المحارم غلط ترا
غلا :اقول ترا من محارمنا يعني
الجوهره:وينه وينه بشوفه
ملاك:صح النوم راح ياماما
غلا:بعدين تعالي وش عندك تعسين مع الشباك
ملاك:اسمع تقولين مشاري وكان ودي اشوفه وطلع مز مشاءالله
غلا وهي تسحب عينها لتحت:يوه ماشفتي  اخوه متعب قسم يشيلونك على الاسعاف من الجمال تبارك الله
ملاك :امانه
الجوهره:بشوف وروني
غلا :راح مشاري اذا جاب العشاء شوفيه اما متعب ياعمري مودب الحين نايم
الجوهره:حياتي دجاجه هذا
غلا:لا والله هذا النظام الصح مو حنا الي نظامنا عكس الناس
ملاك:انشهد
الجوهره:اي والله تحسست يابنات
جاب العشاء مشاري وتعشو البنات وراحو بيوتهم
وابتدات اجواء الاختبارات والتوتر والخوف عندهم كلهم
وفي اليوم الي قبل قبل اخر يوم وهم جالسين في الساحه 
ملاك:بنات
الجوهره:هلا
عذاري :وش فيك
غلا:علامك
ملاك:احس بيصير لوحده مننا حاجه
الجوهره:تفاولي بالخير يابنت
عذاري:تعوذي من ابليس
ملاك:اعوذ بالله من ابليس بس احس بيصير شي
غلا :ياروحي قولي لااله الا الله وتعوذي من ابليس
اليوم الاخير للاختبارات اول وحده وصلت ملاك لانها مهربه جوال لعذاري وهي متوتره وخايفه لانها اول مره تهرب جوال وجالسه في الساحه تنتظر احد البنات تجي وجت الجوهره اليوم بدري وقفت ملاك وهي تتجه لها بخطواتها السريعه
ملاك:تكفين بسرعه الحقيني
الجوهره:اصدميني وقولي ماذاكرتي
ملاك:لاذاكرت بس
الجوهره:بس وش
ملاك :تعالي امشي
راحو لاخر الساحه وملاك تهمس للجوهره:انا جايبه جوال
الجوهره بصدمه:ايششش
ملاك:اوص فضحتينا
الجوهره:خبله انتي بيفتشون
ملاك:ادري عشان كذا خايفه
الجوهره:حمار انت حمار ليه جايبه
ملاك:مهو لي
الجوهره:لمن
ملاك:لعذاري
الجوهره:كيفففف
ملاك:جبته لها ابيها تستانس فيه بالاجازه
الجوهره:طيب لو شافوه معها عمها الزفت
ملاك:ان شاء الله مايشوفه وش فيك لاتخوفيني
جت غلا وفزت لها ملاك وهي تركض لها وتسحبها بسرعه
غلا:بسم الله وش فيك
ملاك:ابيك بسرعه
راحت غلا مع ملاك الي تسحبها
غلا :وش فيكم
الجوهره:الخبله هذي جايبه جوال
غلا بشهقه :وشو
ملاك:مهوب لي لعذاري ياخي
غلا:حماره انتي بيفتشون ياخبله
ملاك:ادري عشان كذا ابي الفزعه
غلا:ابشري والله بسعدك
الجوهره:هذا الي فالحين فيه الفزعات
غلا:وين بتودينه
ملاك:مدري علموني
الجوهره:حطيه في شوزك
غلا:حماره انتي والتفيش والجهاز والدنيا بتنكشف
ملاك:لا ماقدر بشوزي
غلا:لقيتها
ملاك:وش
غلا :حطيه في الزباله اكرمكم الله
ملاك:خبله انتي
غلا:موب فيها على  طول يعني مو داخلها
ملاك:اجل
غلا:يعني نرفع الكيس ونحطه تحتها ونرجع الكيس طبيعي
الجوهره:اي والله
ملاك:كفو يالداهيه
غلا:كفوك الطيب بس اخلصو قبل المدرسه تمتلي
زبنو الجوال ودخلو القاعات يختبرون وخلصو وطلعو ونزلو تحت وهم يودعون بعض ويحضنو بعض سحبو عذاري على طرف
الجوهره:تعالي
عذاري :وش فيكم
ملاك :اسمعي اصبري دقايق لين يخفون البنات
غلا :خبله انتي بينتبهون عليك مو نفس الصبح
ملاك:وش نسوي
غلا:مدري
الجوهره:عندي
ملاك:وش
الجوهره:نسوي نفسنا نمشي ونصقع فيها تطيح وحنا نعدلها بيكون الجوال على الطرف نسحبه ونعدله
غلا:كفووو
عذاري :جوال ايش
ملاك:اصبري
الجوهره:يلا خلوكم جنبه بعض
ملاك:مين بتاخذه
الجوهره:انا مالي دخل
ملاك:انا خايفه 
عذاري :وش السالفه
غلا:خلاص انا باخذه بس غطو علي
البنات :طيب
وهم ماشين وماسكين يدين بعض صقعت غلا الزباله اكرمكم بقوه وطاحت
غلا:اوه ياليل
الجوهره:عدليها
غلا غمزت لهم والتمو حولها وهم يغبون عليها بسرعه اخذت الجوال غلا وحطته بمخبها ورفعت الزباله ووقفت
غلا بخوف :يلا امشو
مشو لين صار بالساحه الي وراء ومعهم شناطهم طلعت الجوال غلا وحطته بشنطه عذاري
عذاري :هذا وش
ملاك:جبته لك توسعين صدك فيه
عذراي :لا تكفين وربي يذبحني اذا شافه معي
ملاك:خبيه طيب لا يشوفه
عذراي :وي اخبيه تستهبلين
ملاك:مدري خبيه بين ملابسك تحت الودلاب في المخده عذاري :طيب انا مااعرف استخدمه
غلا :تتعلمين عليه
عذاري :ماعمري مسكته كيف تبون  اعرف له
الجوهره:سهل طقطقي فيه وبتعرفين
عذاري :خايفه انقفط
الجوهره:خبيه زين وماراح يصير شي باذن الله
عذاري :تمام شكرا مره احبكم
غلا والجوهره وملاك:وحنا نحبك اكثر والله 
وتفرقو البنات بعد ماخلصو من الاختبار وفتحو البوابه وكلهم طلعو وراح لبيوتهم قررت غلا انها اليوم تقضيه في بيت جدها فلاح وبكره تروح لبيت جدها سند
اليوم حان يوم خروج سالم من المستشفى عند سعود وهو يكلم جسار
سعود:اي ابشرك كتبو له خروج والحين بنطلع
جسار:تمام تحمد له على السلام بنيابه عني وقله اذا احتاج شي يكلمني
سعود :ابشر
جسار:تبشر بالجنه تبي شي
سعود:سلامتك
وقفل الخط جسار
سالم :من تكلم
سعود :جسار
سالم:وش فيه
سعود :مافيه شي بس يتطمن عليك ويقول تحمد له باسلامه واذا احتاج شي خله يكلمني
سالم:الله يسلمه
طلعو وركبو السياره وسعود يحرك
سعود :وين الوجههه بيتك ولا بيت عمي سند
سالم:بيتي
سعود:ليه
سالم:باخذ لي كم غرض واروح بيت ابوي سند
سعود:اشوا
راح سالم لبيته الي له فتتره ماجاه واخذ اغراضه وطلع واتجه لبيت الجد سند وخصص الجد سند له غرفه بالدور الارضي عشان تنتبه له الجده ساره وجهزو الاغرض حقت الضماد فيها واشياء الجرح والي ممكن يحتاجها سالم
ومضت الليله هذي عليهم بحلوها ومره عليهم ومن اليوم التالي في بيت ال فلاح عند غلا الي تجهز نفسها عشان بتروح بيت ابوها سند وهي تكلم نادين
نادين:اي ترا سالم جاء امس
غلا :امانه
نادين:والله كتبو له خروج امس
غلا:اشوا الحمدالله ياربي
نادين:اي يابختك بتشوفين حبيب القلب اليوم
غلا:لعنه ولعنه استحي على وجهك
نادين:مافيه شي تستحين عليه ترا
غلا:من كلامك البايخ هذا يسد النفس ترا
نادين:لو احلف الحين انك مبتسمه
غلا:لا
نادين:اكيد بتنكرين
غلا :اسمعي شوي اكلمك
نادين:طيب يلا مع السلامة
سكرت غلا الي لما شافت بتال يطق الباب ويفتحه بهدوء
غلا الي كانت على الكمودينه<التسريحه >:هلا والله
بتال وهو يطل براسه :فاضيه
غلا وهي تتجه للسرير تجلس عليه :اي ياروحي تعال
دخل بتال وهو يقعد قدامها واخذ نفس :غلا
غلا:عيوني
بتال :بقولك شي بس لايطلع
غلا خافت:وش فيك
بتال :مافيه شي بس من امس ما نمت
غلا:ليه بسم الله عليك
بتال وهو يحط راسه على رجلها :افكر
غلا وهي تخلل اصابعها بشعره :في ايش
بتال :انا بقول لك السالفه من الاول تذكرين يوم جاء جسار
غلا :اي
بتال :حلو عمي سند وديته لبيته وعزمني على قهوه ونزلت معه حلو
غلا :حلو
بتال :دخلت وبلغط شفت بنت قدامي
غلا :اييييه
بتال :جت عينها بعيني وبعدها صديت وهي دخلتي
غلا :من هي
بتال :هذا الي مجنني من هي ابي اعرفها
غلا:نعمممممم
بتال :تكفين ابي اعرفها من ذاك اليوم وهي في بالي
غلا :ليه
بتال :وش الي ليه واضحه وصريحه
غلا :يعني طحت
بتال :طحت ومحد سما علي
غلا :العب ايوهههه حركات حب ومدري وش هذي موب عندي خلك رجال
بتال :هذي مااتخلفنا فيها انا يالت بكمل نص ديني ابيها
غلا :بذمتك
بتال وهو يقعد :اي والله
غلا :صدق صدق مهو مزح
بتال :اي بي اليوم شفت نادين وكانت نفس العيون تتوقعين هي
غلا :اما عاد نادين مايصير ترا خالي وعمتي مع بعض خير
بتال :ابيك تسوين لي حاجه
غلا :وشو
بتال :تاكدي هي نادين ولالا
غلا :بس
بتال :اي
غلا :ابشر
بتال وهو يبوس خدها :الله لايحرمني
غلا :طيب واذا تغيرت علي بعد زواجك
بتال :وعد اني مااتغير عليك خبله انتي اتغير عليهم كلهم الا انتي
غلا :اكيد
بتال:اكيدين بعد انتي الاوله بكل شي
غلا:نشوف واذا تغيرت ياويلك ياسواذ ليلك
بتال بضحك :ابشري
غلا :الله يالدنيا مسرع كبرت يابتال
بتال بضحك:انتي اب متى كبرتي وصرتي بتخطبين لخالك
غلا :شفت كيف الدنيا سريعه
بتال :ايه سريعه لا اله الا الله
غلا :طيب شرايك الحين توديني
بتال :وين
غلا:بيت ابوي سند
بتال :ياشيخه اوديك واودي اهلك كلهم
غلا :ها ها شف من الحين تغيرت
بتال :لا والله ماتغيرت
غلا :لا والله خلاص ماراح اشوف موضوعك
بتال :صلي على النبي يابنت الحلال مالها داعي انا اقولها لك دايم ترا
غلا:بس هل مره لها معنى ثاني ترا
بتال :والله مالها معنى ثاني ولا شي
غلا :احلف
بتال :وربي
غلا :اشوا على بالي حاجه ثانيه
بتال :لا يابنت الحلال
غلا :الحمدالله
راحو غلا وبتال وه ويوديها بيت الجد سند
بتال :انتبهي على نفسك
غلا :ابشر
بتال :والموضوع
غلا :طيب
بتال :لاتنسين
غلا :خلاص طيب دز امها يلا
بتال :ادخلي بالاول
دخلت غلا وحرك بتال وهو طالع لخوياه
دخلت غلا واستقبلتها ساره :هلا والللله
غلا :هلاببككككككك
والبنات كانو مشتاقين لغلا وسلمو عليها وقعدو عند جدهم وجدتهم وبعدها على المغرب راحو لجناح غلا
غلا وهي تلف الموضوع :ياحيوانات
ساره:خير
نادين :لعنه
حلا:وش فيك
غلا:فيه شي صاير لكم ولا علمتوني عنه
البنات بتفكير :لا
غلا :تذكرو
نادين:تقريبا لا
غلا:يعني مو اكيد
نادين:انا مكي مكي كل شي اقوله لك
غلا :اشياء اخرى ماقلتي لي عنها
نادين:مااذكر
غلا :ترا ادري مت يومها بس ساكته على بالي بتقولون لي
حلا:اختصري وش هو
غلا:مدري عنكم
ساره:وش مدري
طيف :حددي اي وقت طيب
غلا :لما رجع جسار في نفس اليوم
حلا:مااذكر صراحه
طيف :والله مااذكر
غلا :تذكرو زين لما كانت وحده منكن  بالحوش
نادين:ايه اي ذكرت
غلا :ايوه من الي كانت بالحوش
نادين:انا اذكر واحد الله يخرشه درعم علي بغيت اموت من الروعه
غلا :وليه ماعلمتيني ياقليلة الادب
ساره:تعالي تعالي وش دراك انتي ماكنتي معنا
غلا :لان الرجال الي دخل بتال
نادين وهي تمثل الصدمه:اما عاد
غلا وهي تغمز لها :يعني ماعرفتي شكله يوم شفتيه
نادين بنكران :عليك بالي تذكره
حلا:وانتي كيف عرفتي
غلا :بتال قالي
نادين بخوف :وش قالك
غلا :اول مارجع قالب قال يوه فشله دخلت الا وحده قدام انخرشت
نادين :انا الي انخرشت مو هو
خلونا نترك البنات يكملون سوالف ونروح شوي لبيت يزن
عذاري المبسوطه بالجوال وجالسه تطقطق فيه وتحاول تتعلم عليه
وتذكرت ملاك لما قالت لها <ترا ارقامنا كلها موجوده وترا سويت لك حساب سناب تقدرين تكلمينا منه وفيه نت الجوال وترا دخلتك للقروب معنا بس اذا حيتي تنامين حطيه صامت عشان ماتطلع صوت الرسايل تمام عذاري >
عذاري :الحين شلون ادخل السناب من وين
ولازالت تحاول فيه وهي بالغرفه لان وقت اكلهم
يزن:موضي وام همام جهزو انفسكم بكره عرس ولد الشيخ بنروح له
ام همام وهي تتذكر كلا جارتها :انا تعبانه مااقدر اروح
يزن :اجل تروح بدالك الحيوانه الي داخل
ام همام:لا ابيها عندي تساعدني
يزن:زين
جارتها ماتطيق عذاري ابدا تغار من عذاري ومن جمالها
ومنقهره مره لان زوجها خطب عذاري وكان بياخذها على
(فلاش باك)
راسها بس همام ماسمح لهم لان صدمهم وهو يخبطها ىن ابوه في مجلسه قدام كل رجال الحاره وكان رد ابوه
يزن:على خير نشوف البنت
همام :اخذ راحتك ولاتنسى البنت مالها الا ولد عمها
يزن بغضب :يصير خير ان شاءالله
ورجعور البيت ويزن يهاوش همام ويشتمه
يزن:مابقى الا الحيوانه هذي تاخذها
همام:الحيوانه هذي بتكون زوجتي يعني زوجة ولدك المفروض تقول بعدي ياولدي اني ماخليت بنت اخوك للغريب بعدين انت صاحي تبي تزوجها واحد شايب عايب كبرك ومتزوج وعنده عيال سلامات هي ماهي غرض تقطه وين ماتبي
يزن:ياسلام ياسلام طالع لك لسان وترد بعد ياهمام
همام :دامه على الحق اكيد بيطلع
يزن:اقسم بالله العلي العضيم انك ماتاخذها
همام :اقسم بالله ماياخذها غيري لو على قص رقبتي
يزن:والله انها تحرم عليك ليوم الدين
همام:انا ابيها انا احبها انا اموت بالارض الي تمشي فيها ماهي على كيفك تمنعني منها
يزن:العلم وصلك
همام:وانا الي عندي قلته عذراي لغيري حراممم ووالله ماياخذها غيري وان خذاها غيري يحرم علي جنس حواء
انتهى الفلاش باك
ام همام الي تشوف حب ولدها الكبير لعذاري وخايفه تخسره يوم من الايام بسبب هل حب وتخاف يزن يزوج عذاري وهمام يتعب من بعدها مالها غير انها تسمع كلام جارتها وكان قبل ثلاث ايام
(فلاش باك لحديث الجاره وام همام )
...:اسمعي ولدك ياخبله لايروح من بين يدينك
ام همام:لا ان شاءالله
...:الحين انتم ليه ماتزوجونها اياه مهيب بنت عمه
ام همام:ابوه رافض
...:ليه لايكون البنت
ام همام :هيه حدك هذي تربيتي وبنت فيراس ماتفعل العيبه
...:اجل ليه عمها ما يبها لولده
ام همام:مدري
....:اجل اسمعي
ام همام:وشنهو
..:انتي تبين زواجها من ولدك يتم ولالا
ام همام :عشان ولدي يبيها والبنت بسم الله عليها اي ابيه يتم بس رجالي رافض
....:اجل مالس الا حل واحد
ام همام :وشنهو
....:والله مدري عنتس بتسوينه ولالا
ام همام:اعجلي علي وش هو
...:مالي الا انك تخلين ولدس يدخل عليها
ام همام :يالله اني داخلتن عليك مهبوله انتي يويلي ويلاه
....:يامره ماك الا كذا ولا والله ان تحفرين انتي وولدك ماتمت الجيزه
ام همام :لالا مستحيل انا عندي بنيه واخاف عليها وعلى عذاري  بعد لا لا مستحيل
....:ابك يامهبوله اسمعيني وخذي شوري
ام همام :لا والله انتي مانتي صاحيه مهبوله مريضه انتي شلون تبيني اسوي هالبلاء هذا
...:ابك بعده بيوم بس بيوم بيوافق رجلك ويزوجهم ياخبله ماهو بمخلي ولدك تنتشر سمعته بالعيبه ولا بنت اخوه
ام همام:بتذبحني ياعرب بتذبحني
...:ابك بعدها بيوم بتصير مرته حلاله
ام همام:لا لا مستحيل اسوي هالبلاء هذا
...:اسمعيني زين ان ماخذها ولدك ماهو معوس هذا انتي تقولين يقول يحرم علي جنس حواء قاله ولالا
ام همام:اي قاله
...:اجل خلاص ياانك تسوين هل شي هذا وياخذها ولدك
ياانك وسكتتت
ام همام:يااني ايش
...:ياانك بتموتين وانتي ماشفتي ولدك معرس
ام همام :ها
الحرمه استغلت نقطه ضعف ام همام ضدها وقالت
...:ولا انتي بعد وسكتتت
ام همام:لاتقصدين هرجك يامره
...:ولاانك بتفرحين باحفادك ولاانتي بشايفه البيت مليان وراعين يلعبون وينطون منا ومنا
ام همام الي بدت تسمع كلامها وتقتنع
...:وغير ذا كله مانتي بسامعه كلمة ياجده
ام همام تناظر فيها وهي بتداءت تقتنع مره بكلامها
...:طيعي شوري وسويها خليه يخليها مرته قبل يجي احد وياخذها
ام همام هدت:طيب نقول الحين انا اقتنعت كيف بنقنع همام
...:ولدك وانتي تعرفين كيف تقنعينه
ام همام :ماراح يسويها ولدي واعرفه
...:العبي عليه قولي احد خطبها وابوك بيعطيه
ام همام:هذا قولتس
...:اي يامره
ام همام:متى وكيف مااقدر البيت يزن مايطلع منه
...:عندك عرس ولد الشيخ بعد كم يوم واكيد انكم بتحضرون
ام همام:ان الله اراد حضرنا
...:يامهبوله انتي لاتحظرين
ام همام:وليه مااحظر
...:عشان تستفيدين
ام همام:من وش
...:بتذبحني حنا وش نقول من اليوم اقعدي وخلي عذاري عندك
ام همام:اها
...:فهمتي
ام همام:ايه ايه
....:لاجت الساعه ٨:٣٠و لا٩:٠٠ كلمي همام قولي تعبانه ابيك توديني مستشفى وخليه يجي ولا جاء اقنعيه وخليه يعرس عليها
ام همام :لا لا انا اخاف من الله حتى انا لو رضيت همام ماراح يرضى
وبعد محاولات من الجاره اقتنعت ام همام بالي قالته وقررت تسويه
(نهايه الفلاش باك)
بعد ماتجهزو يزن وهمام وموضي وباقي العمام طلعو لزواج ولد الشيخ
اما عند عذاري الي مبسوطه بالجوال وجالسه تاكل فواكه وتقطعهم  ومروقه مره
وحوالي الساعه ٨:٤٥اتصلت ام همام على همام
ام همام:الو وينك
همام:هلا يمه بالعرس
ام همام :تعالي لي في البيت لااحد يدري عنك
همام:فيه شي يمه
ام همام :اخلص تعال
همام:ابشري
وطلع همام متجه للبيت وقف سيارته ودخل البيت وهو يقول
همام:ياولدددد
عذاري انخرشت وخبت الجوال تحت السرير
ام همام وهي تقلب الاكل   : في المطبخ  تعال
غرفة عذاري قدامها على طول المطبخ المفروض عذاري بذا الوقت تكون نايمه بس الجوال منعهل من النومه
ام همام:تعال يمه تعال
دخل همام وهو يسلم على راسها :امري يالغاليه
ام همام:ابيك بموضوع ضروري
همام:وش هو
ام همام:والله مدري شلون اقول لك ياولدي بس
همام بخوف:بس ايش
ام همام:عذاري جاها خطاب
عذاري كش جسمها وهي تسمعهم من باب الغرفه
همام:ايش انا ماني قايل عذاري لغيري حرام
ام همام:ادري يمه عشان كذا دقيت عليك
همام:لايكون ابوي عطاهم
ام همام:لا لسى بس بيعطيهم
همام :والله مايعطيهم 
ام همام:تدري متى ماهو معطيهم
همام:متى
ام همام وهي تبلع ريقها وتشرب مويه
همام:تكلمي يمه
ام همام:اذا انت دخلت عليها وصارت مرتك ماهو معطيها
همام بصدمه:وشووووووو
عذاري الي كش جسمها من الي سمعته
ام همام وه تمسك يد ولدها وتحط داخلها شي :اذا ماتبيها تروح منك هذا مفتاح الغرفه ادخل وخلها تصير مرتك وابوك غصب عنه بيزوجكم
همام وهو يسحب يده:اعذو بالله يمه انهبلتي انتي
ام همام باصرار:ياولدي تراها بتروح من بين يدينك لاتخسرها
همام:لا يمه لا ماني خسيس لهدرجه انا
ام همام:يعني تبيها تصير مرت غيرك وتجيب عيال من غيرك
همام:هذا نصيبها
ام همام:اسمعني زين ياهمام هذي هي فرصتك انك تخلي ابوك يوافق على زواجك منها ياانك تصير رجال وتخلص ياانك تحلم بريحه عذاري حتى
همام وهو يناظر امه وقلب كسير:يمه تكفين لا
ام همام :همام ترا اذا انت ماخذينها غيرك بياخذها وترا انت اولى فيها من الغريب وياامي
همام:يمه حرام توها صغيره وش يعرفها بالامور هذي
ام همام:قدها نامت الحين اخلص ماهي داريه عنك
همام:يمه لا ماابي
ولف وهو بيطلع ومسكته امه
ام همام:اسمعني زين عاد انا سويت الي علي وفضيت لك البيت والدنيا عشان ارضيك وماتروح عنك عذاري بس انت حمار يعني فرصه جتك تخليها تروح ليه وانت تدري ان ابوك لو تموت مازوجك اياها
همام:قلبي مايطاوعني يمه مااقدر
ام همام بغضب :انا سويت الي علي بس لاتجي بكره تبكي عندي تقول ابوي زوجها غيري انا بخليك الحين وفكر عشر دقايق وراجع لك
وتركت همام يغرق في افكاره مابين اسويها ولا مااسويها
كيف تسويها هي وثقت فيك ليه تغدرها
ياحمار واذا خذاه غيرك
لا لا ربي بيجمعكم بالحلال لاتسويها
لا ياهمام سواها وحط ابوك بالامر الواقع
طيب واذا هي ماتبيني
وليه ماتبيك اكيد تبيك
رجعت ام همام :ها وش قررت
همام :يمه تكفين ساعديني
ام همام:نعنبو دارك هذي انا جايبه المساعده لين رجولك
همام:يمه هذا مهو حل
ام همام:والله مافيه حل غيره بتسويه ولالا
همام وهو يغرق في تفكيره وبداء يقتنع في كلام امه
ام همام :خمس دقايق اخلص علي بسرعه
وقف همام واتجه لها وهو يبسط يده لها بمعنى تحط المفتاح
ام همام:هذا هو ولدي اخلص قبل يجي ابوك وعمانك
عذاري الي بلعت ريقها وش تسوي وش تسوي الجوال الجوال ثبتت الجوال وراء الودلاب بيحث يكون كاشف كل الغرفه وشغلت الفيديو ورجعت تسوي نفسها نايمه
ومع كل فتحت باب قلبها يطق
همام وهو يفتح الباب وبهمس :سامحيني ياعذاري والله ماهو بيدي غصب علي
طق طق وعذاري قلبها يطق مع فتحت الباب والخوف فيها
فتح همام الباب
ام همام :اخلص قبل ابوك يجي
صكر الباب همام وهو يناظر في عذاري النايمه او هو يفكرها نايمه بداء يتقدم بتجاها وعذاري كل شوي الخوف يزيد عليها اكثر
وصل لعندها همام وهو يمسح على شعرها اول مره يشوفها ببدون نقاب من لما تنقب زاد جمالها اكثر واكثر
عذاري الي كش جسمها من لمس يدينه لها الي قلبها بيوقف منها مو معقول همام يسوي فيها كل كلهم توقعت نن الاساءا الا همام الي كانت تشوفه اخوها الي كانت تشوفه الفزعه حقها الحين يسوي فيها كذا ليه ياهمام ليه
ابتدا همام يقرب منها اكثر وهو يبوس عنقها ويشم ريحة شعرها وابتداء يمتادى فزت عذاري بخوف قامت من السرير
عذاري :همام وش تسوي هنا
همام:صدقيني مجبور ياعذاري
عذاري:مجبور على ايش
همام وهو يقرب لها:لازم تصيرين مرتي ياعذاري ولاغيري باخذك
عذاري وعي ترجع وراء :همام مانت مجبور على شي وقف عندك
همام وهو يقرب لها اكثر واكثر
عذاري وهي تحاول تبعد للجهه الي فيها صحن الفواكه تبي السكين منها وهي تبعد :همام تكفى امانه وخر
همام:اجبروني على الشي هذا ياعذاري اجبروني
عذاري :مااحد اجبرك على شي اطلع من الغرفه
همام بعصبيه وهو يقوب لها اكثر ويحاوط خصرها:انتي لغيري حرامممممم تفهمين
عذاري وهي تحاول تبعده عنها :طيب بس لاتكفى لاتسوي شي
همام:لازم يصير ياعذاري لازم
عذاري وهي تصارخ وتبعده عنها :والله مو لازم تكفى همام فكني
همام وهو يبوس عنقها ويقرب لذنها :بيصير ياعذاري
عذاري تعبت وهي تحاول تبعده عنها مالها الا السكين تفك نفسها
عذاري :وخرررررر تكفى
همام الي سافها ومكمل وعذاري تصارخ وتحاول تتحرك لين وصلت للسكين وغرزتها ببطن همام الي صرخ
همام :احخخخخ
عذاري خافت من صراخه وخافت من الدم الي تحس فيه بيدها طاح همام على الارض
عذاري بصراخ :همام هماممم تكفى همام
همام الي يلقط اخر انفاسه :سامحيني ياعذاري سامحيني
عذاري ببكاء :مسامح بس خلك معي لاتغمض عيونك
همام وعيونه تتكسر
عذاري بصرخ:همامممممم تكفى قم اسفه والله اسفه اجبرتني اسويها
جت ام هممام على صراخ عذاري الي عم ارجاء البيت
ام همام:وش سويتي بولدي ياكافره
عذاري الي خرجت عن صمتها:كل بسببككك كله بسبكك مو انتي الي قلتي له يسوي  فيني كذا هذا انتي الي سويته
ام همام وهذ تركض لهمام:همام امي همام فتح عيونك امي
عذاري بخوف وذعر :هذا انتي الي سويته ليه تخليني يجي يتحرش فيني انا وش سويت لك
ام همام:عشان ماابي اخسر ولدي ماابيه يروح من بين يدين
عذاري :هذا هو راح وش استفدتي من سواياك هذي
ام همام :تكفين  يابنتي ولدي ولدي
عذراي :قبل شوي وانتي تحرشينه وتعبين راسه علي ماكنت بنتك والحين صرت بنتك متخافين الله الله انتي
عذاري ماتدري كيف تكلمت بهل طريقه
ام همام وهي حاضنه همام :دقي على الاسعاف
عذاري وهي تاخذ جوال ام همام وتتصل على الاسعاف
لما جو الاسعاف طلبو الشرطه والشرطه طلبون البحث الجنائي يجون يشووفون الوضع  هنا عذاري انهارت بكي وخوف جو الشرطه والقو القبض على عذاري لان بصاماتها على السكين لما وصول القسم الي كان مناوب هناك سعود
دخلوها غرفة التحقيق ودخل سعود وهو يجلس قدامها
المتهمه عذاري فيراس
عذاري منزله راسها وساكته وتبكي على الصامت
سعود بحده:اتكلم معك انا
عذاري وهي ترفع راسها
سعود :جاوبي انتي عذاري فيراس
عذاري هزت راسها بايه لما قعد سعود قدامها رجعت جسدها لوراء من الخوف
سعود لاحظ حركتها هذي :ليش طعنتي همام يزن
عذاري وهي راجعه على وراء اخر شي وتكبي على الصامت
سعود :جاوبي
عذاري خافت اكثر واكثر من نظراته الحاده
سعود وهو يضرب الطاوله بحده :تكلمييي
عذاري الي خافت وهي تسكر عيونها وقالت :تكفى لاتسويها همام تكفى لا وخر
سعود بنفسه :اكيد ضرب او تحرش
سعود وهو يقرب يده شوي بسيط عندها وهنا جنت عذاري
من خوفها ورعبها
عذاري بصراخ  :لا تكفى لاتلمسني همام تكفىىىىى
سعود خاف من صراخها وقال بهدوء:انا ماني همام اش انا الضابط سعود هدي مافيه
عذاري الي بتد تخاف اكثروهي تمسك راسها:اطلع اطلع ياهمام اطلع تكفى
طلع بسرعه سعود من الغرفه وطلب تجي وحده من البنات العسكر الي معهم تجي جت وحده منهم
...:تفضل سيادة الفريق
سعود:اسمعي الي داخل تونا جايبيها من الجرم واضح انها تحرش والبنت تحت السن القانوني وكل مااسالها جواب تصارخ وتغمض عيونها وتقول اتركني ولاتسويها ابيك تدخلين تعرفين منها كل شي
دخلت السجانه وطلعت بدون ماتعرف شي ومانطقت الا ابي محامي
...:مين
عذاري :ابي محامييي
...:وش اسمه
عذاري:صقر صقر
...:كثير الي اسمهم صقر وش اسم ابوه
عذاري :صقر فارس ال سند
طلعت وقالت لسعود
سعود :قالت كذا
...:اي طال عمرك
سعود :تمام يعطيك العافيه تقدرين تتفضلين
اتصل سعود على على صقر
سعود :ارحب ابو فارس
صقر:البقى
سعود:وينك
صقر :طالع من المكتب بروح للبيت امرني
سعود:مايامر عليك عدو بسالك عندك موكلها اسمها عذاري فيراس
صقر:اي ليه
سعود :طيب تقدر تجي القسم
صقر:عسى ماشر ياولد
جاء صقر وشرح له سعود كل شي
صقر:ابي اشوف موكلتي لو سمحت وينها
سعود:تقضل بالغرفه هذي
دخل صقر وجن جنون عذاري وهي ترمي كوب الماء والاقلا م وكل شي موجود قدامها
صقر وهو يحاول يحمي نفسه من الاشياء
عذاري :لاتجي تكفى لاتجي
صقر بصراخ:انا انا صقر ياعذاري
عذاري ببكاء :تكفى لاتسويها تكفى
صقر:عذاري انا صقر صقر محاميك
عذاري بدت تهداء وتوقف رمي الاشياء دخل صقر
صقر:سمي بالله
عذاري ببكاء وخوف :ب س م ا لله
صقر :استريحي
عذاري: لا بقعد واقفه
صقر بهدو وحنيه :يعني بتقعدين طول الوقت جالسه ماينفع كذا
عذاري :اي عادي
صقر :انا صقر لازم تقعدين عشان اخذ من المعلومات ووش صار عشان نعرف وش نقول بالمحكمه
عذاري ببكاء: بعد محكمه
صقر:بسيطه ان شاء الله واخر الاحزان اجلسي
جلست عذاري
مد صقر لها منديل :امسحي دموعك تراه غاليه علينا
اخذت عذاري المنديل وهي تمسح دموعها
صقر:هدي لي نفسك اخذي نفس
وبعد ماتهيئة للسئاله ابتدا صقر يسالها
صقر:تحسين نفسك مستعده
عذاري :اي
صقر:حلو تمام ابدي قولي لي وش صار من البدايه
إبتداء عذاري تسرد له الحدث
صقر:طيب التقارير الي قلت لك عنها اخذتيها
عذاري :لا
صقر:طيب وثقتي شي
عذاري وهي تفز:الجوال تكفى ياصقر
صقر:اي جوال
عذاري :الجوال موثق فيه كل شي صار اليوم صوت وصوره
صقر وهو يوقف :صادقه
عذاري :اقسم بالله
صقر :من وين لك الجوال
عذاري :بنت خالتي تكفى لاياخذون الجوال عمامي
صقر :وينه فيه الجوال
وصفت له عذاري وطلع مسرع لسعود
صقر:سعود سعود
سعود:لبيه
صقر:سعود الدلليل الوحيد بالبيت لازم احد يجيبه
سعود:دليل ايش
صقر:موكلتي صورت كل شي صار صوت وصوره
سعود:امانه
صقر:اي والله الحين تعلمني
سعود :كيف تكلمت معك  يا صقر
صقر:اتركنا الحين اهم شي الدليل
سعود:ويين مكانه
صقر قال له  المكان كلم صقر احد العسكر الي يثق فيهم
سعود:اياني واياك احد يشوفك
...:ابشر طال عمرك
سعود:تاخذه على طول تجيبه لي فاهم
...:ابشر
سعود :ابو فارس لازم احقق معها
صقر:لابد اخذ راحتك تفضل
دخل سعود وهو يحقق معها وقالت لهم كل شي بالحرف الواحد
واح العسكر اخذ الجوال وطلع بدون لااحد يدري عليه
وبعد التحقيق ووداء الدليل لسعود وسعود عطاه صقر
سعود:وش بتسوي ياابو فارس الحين
صقر:بننتظر المحكمه وكل شي واضح هو الي اعتدى عليها بتحريض من امه
سعود :المكشله ان مات
صقر:احسن يستاهل
سعود:طيب والضعيفه هذي وش بيصير فيها
صقر:هالبنيّه بوجهي من زعل الايام وجور الليالي وادمها بوجهي محد يقدر يزعلها وصقر يشم الهواء
خلونا ننهي البارت هذا هنا وش تتوقعون يصير بالبارت الجاي