" ပြောစမ်းပါအုံး"
ဧကရာဇ်ကျင်းလိက အေးအေးလူလူပင်လက်ဖက်ရည်စုပ်သောက်လိုက်သည်။ဒါပေမဲ့ လျန်ကွေ့ဖေးကတော့သက်သောင့်သက်သာရှိမှုကိုလုံးလုံးမခံစားရဘူး။ သူမခေါင်းထဲကဘီးလုံးတွေစတင်လည်ပတ်လာသည်။
ရှန်....ရှန်ဖေး?
ရှန်ဖေးကအားလုံးဝန်ခံလိုက်တာလား?
ဘာကြောင့်လဲ?
ဘာကြောင့်ရှန်ဖေးကသူမကိုသစ္စာဖောက်ရတာလဲ?
သူမကရှန်ဖေးကိုလုံလောက်အောင်မကောင်းခဲ့လို့လား?
မဟုတ်ဘူး!
မဖြစ်နိုင်ဘူး!
ရှန်ဖေးကသူမကိုသစ္စာဖောက်မှာမဟုတ်ဘူး။
ဒီမနက်ကတင် ရှန်ဖေးကလျောင်ချင်းချင်းကိုနင်းခြေပစ်ချင်နေတဲ့ပုံလေ။ သူမကညနေမှာ ရပ်တည်ချက်ပြောင်းသွားတာက မဖြစ်နိုင်ဘူး။အဲ့ဒါကဧကရာဇ်ကျင်းလိပဲ!
သူကသူမကိုလှည့်စားနေတာ!
ဧကရာဇ်ကျင်းလိရဲ့ များပြားလှတဲ့လှည့်ကွက်တွေကအမြဲတမ်း မတူညီကြဘူး။ မဟုတ်ရင် သူကအမတ်တွေကိုအရေးမပါအရာမရောက်ဖြစ်အောင်လုပ်နိုင်ခဲ့မှာမဟုတ်ဘူး!
ထိုအတွေးဖြင့် သူမတည်ငြိမ်သွားတော့သည်။ သူမရဲ့တောင့်တင်းနေတဲ့မျက်နှာဟာ သဘာဝကျမှုကိုဖြေးညှင်းစွာပြန်လည်ရရှိလာပြီး မျက်မှာပေါ်မှာအပြုံးတစ်ပွင့်ပေါ်လာသည်။ ထို့နောက် သူမကညင်သာစွာမေးလိုက်သည်။
" ညီမလေးရှန်ဖေးကအရှင်မင်းကြီးကိုဘာပြောလိုက်လဲဆိုတာ ချန်ချဲ့သိချင်မိတယ်"
" မင်းမသိဘူးပေါ့?"
ဧကရာဇ်ကျင်းလိ လက်ဖက်ရည်ခွက်ကိုညင်သာစွာချလိုက်သည်။ သူ့မျက်လုံးတွေကဖြေးညင်းစွာမော့လာပြီး လျန်ကွေ့ဖေးကိုအကြည့်စူးစူးတစ်ချက်ပစ်လွှတ်လိုက်သည်။
လျန်ကွေ့ဖေးဟာစိတ်ပိုင်းဆိုင်ရာပြင်ဆင်ထားခဲ့တယ်ဆိုသော်ငြား ဧကရာဇ်ကျင်းလိဆီကထိုကဲ့သို့အကြည့်ကိုရင်ဆိုင်ရတဲ့အခါ သူမနှလုံးသားဟာအလိုအလျောက်တုန်ယင်သွားခဲ့သည်။ သူမကိုယ်သူမတည်ငြိမ်အောင်ဖိအားပေးလိုက်ပြီး ခေါင်းငုံ့ကာပြန်ဖြေလိုက်သည်။
VOUS LISEZ
အရှင်မင်းကြီးနေမကောင်းဘူး [ Completed]
Roman HistoriqueDescription လျောင်ချင်းချင်းနိုးလာတဲ့အခါနှစ်သက်ခြင်းမခံရတဲ့ဇနီးငယ်လေးအဖြစ်ကူးပြောင်းသွားတယ်။ အင်ပါယာနန်းတော်ထဲဝင်ပြီးနောက် မနှစ်သက်ခံရတဲ့လျန်ရိတစ်ယောက်ဖြစ်လာသည်။ ' ငြိမ်ငြိမ်နေပြီးဘာမှမလုပ်ဘူး'ဆိုတဲ့ဆောင်ပုဒ်နဲ့အတူသူမဘဝကိုသက်တမ်းစေ့နေထိုင်ချင်သည်။...