ရေချိုးရင်း ရေချိုး ဆပ်ပြာရည်နဲ့ လက်တွေတိုက်ရင်း မလိုအပ်ဘဲ အားသုံးနေမိတာကြောင့် ကာရံညီညာ့၏ လက်နှစ်ဖက်လုံး ရဲတောက်နေသည်။အဝတ်အစားအပြည့်အစုံပါ သေချာ ဝတ်ခဲ့ပြီးမှ အခန်းအပြင် ထွက်လာတော့ စိုင်းစွမ်းထက်ပိုင်က အကုန်အဆင်သင့် ဖြစ်နေပြီး ကုတင်ပေါ် ထိုင်စောင့်နေသည်။
အညိုရောင်ရှပ်အကျီလက်ရှည်နဲ့ဘောင်းဘီအနက်ရောင် ဝတ်ထားပြီး အနည်းငယ် ရှည်နေသော ဆံပင်တွေကို အရှေ့ရော၊ နားဘေးဘက်တွေပါ လှန်သိမ်းထားတာမို့ စိုင်းစွမ်းထက်ပိုင်က လူကြီးပုံစံပေါက်နေသည်။ ရှပ်အကျီလက်ရှည် ဝတ်တိုင်း အရှေ့တစ်ဝက်ကိုသာ ဘောင်းဘီထဲ ထည့်ထားပြီး အနောက်ဘက်ကို ချထားတာ ဘာစတိုင်လ်လဲ မသိပေမယ့် စိုင်းစွမ်းထက်ပိုင်နဲ့ တော်တော်လေး ကြည့်ကောင်းတာ။
" အောက်ထပ်သွားရအောင် အစ်ကို့ကို စောင့်နေတာ။ "
" အင်း "
စိုင်းစွမ်းထက်ပိုင်က ရှေ့ကထွက်သွားကာ ကာရံညီညာ့ကိုပါ စောင့်ပြီးမှ အခန်းတံခါးပိတ်လိုက်သည်။ လှေကားတစ်ဝက်လောက်ထိ ရောက်မှ ကာရံညီညာ့၏ လက်ကိုလာတွဲသည်။
" အမေတို့ရောရှိလို့ ။တစ်မျိုးထင်နေမှာဆိုးလို့။ "
" လုပ်ချင်တာ အကုန်လုပ်ပြီးမှ ယဥ်ကျေးပြနေစရာ မလိုဘူး။ "
အမြင်ကပ်ကပ်နဲ့ ပြောချလိုက်တော့ စိုင်းစွမ်းထက်ပိုင်က မျက်နှာပျက်သွားသည်။ မူလက ခပ်တင်းတင်းဆွဲထားသည့် လက်တစ်ဖက်က ခပ်ဖွဖွသာ လက်ချင်းတွဲထားတော့သည်။
" တောင်းပန်ပါတယ်ဗျာ။ "
ကာရံညီညာ လိုချင်တာ ဒါမှ မဟုတ်တာ။ စိုင်းစွမ်းထက်ပိုင် မှားခဲ့တာ မှန်ပေမယ့် အခုအချိန်မှာ နည်းနည်းမှ စိတ်မဆိုးတော့ဘူး။ ဒီလို ယဥ်ကျေးပြနေတာမျိုး မဟုတ်ဘဲ အရင်လို ပြန်ဖြစ်ချင်တာ။ အရင်လို အတူပြန်နေချင်တာ။ စည်းတွေ ခြားနေချင်တာ မဟုတ်ဘူး။ နှစ်တွေအများကြီး တွဲလာပြီး ချစ်လာတဲ့သူကို ခွင့်မလွှတ်နိုင်စရာ ရှိမနေဘူး။မူလထဲက စိတ်ဆိုးရုံလောက်ပဲမို့ ကိုယ့်မိသားစုအခြေအနေ၊ အဖေ့ကျန်းမာရေးပါ အဆင်ပြေသည်ဆိုတာ သိရတော့ စိတ်ဆိုးခြင်းလုံးဝ မရှိတော့ဘူး။ကာရံညီညာက စိုင်းစွမ်းထက်ပိုင်လက်ထဲက လက်ကို ရုန်းလိုက်သည်။
YOU ARE READING
First Love , Perfect Love (Completed)
RandomMyanmar×OC အချစ်ဦး၊အချစ်ဆုံး၊လက်တွဲဖော်ဟာ တစ်ထပ်တည်းကျသောအခါဝယ် 8.2.2023 ___ 8.4.2023