ကာရံညီညာ စာမေးပွဲဖြေတဲ့ရက်တွေမှာ စိုင်းစွမ်းထက်ပိုင်က ကာရံညီညာ့၏ ခြံတံခါးမှာ မနက်တိုင်း နံနက်စာလေးတွေ လာထားပေးသည်။ လူကိုယ်တိုင်တော့ ထွက်မပြဘဲ နံနက်စာလေးတွေ ထားပြီး ပြန်သွားသည်။ခပ်စောစော စာထကြည့်တဲ့ ကာရံညီညာတောင် ဒီကောင်လေး ဘယ်အချိန်မှာ ဘယ်လိုရောက်လာမှန်း မသိလိုက်ဘူး။
' ဒီနေ့အတွက် ကြိုးစားလိုက်ပါဦးဗျ။
အသားပေါက်ဆီနဲ့နှပ်ကော်ဖီ ဝယ်ထားပေးခဲ့တယ်။
ကောင်းကောင်းမွန်မွန် ဖြေနိုင်ပါစေနော်။ '' ဒုတိယနေ့ရောက်ခဲ့ပြီနော်။
အကောင်းဆုံး ကြိုးစားခဲ့တာ သိတာမို့ နောက်ထပ်ကျန်တဲ့ ဘာသာတွေအတွက်ပဲ အာရုံစိုက်ထားနော်။
ဒုတိယနေ့အတွက် Menuက ကြက်ဆီထမင်းနဲ့Coca Colaဗျ။ တွဲစားကြည့်ရင် အရမ်းမိုက်တယ်။အစ်ကိုနဲ့ကျွန်တော့်လိုပဲဗျ။ '' စာမေးပွဲ တစ်ဝက်တောင်ကျိုးသွားပြီနော်။
ဒီနေ့အတွက်လည်း တာဝန်ကျေလိုက်ပါဦးဗျ။
သင်္ချာဖြေတဲ့နေ့မို့ ခေါင်းကြည်ပြီး စာတွက်လို့ အဆင်ပြေအောင် အိမ်လုပ် လက်ဖက်ထမင်းချဥ်စပ်နဲ့ ကြက်ရင်အုပ်ကြော် ဗျ။ ကျွန်တော့်ရင်အုပ်လို Six Packsတွေနဲ့ မိုက်မနေပေမယ့်လည်း အသားများလို့ စားကောင်းမှာပါဗျ။ '' လေးဘာသာမြောက် ရောက်သွားပြီနော်။
ရှေ့ရက်တွေလိုပဲ ဖြေနိုင်ပါစေဗျ။
Stawberry CupCakeလေးတွေကို နံနက်စာMenuအဖြစ် ပို့ပေးလိုက်တာဗျ။ ဒီအချိန်မှာ ပေါ်တဲ့ Stawberryတွေက ချဥ်နေပြီမို့ ချိုနေအောင် ကျွန်တော့်အချစ်တွေ ထည့်ပေးလိုက်တယ်ဗျ။ ကောင်းကောင်းသုံးဆောင်ပါ။'' လူကြီးလေး ကြောက်တဲ့ဘာသာ ဖြေရမယ့်နေ့နော်။
သေချာအာရုံစိုက်ပြီး အကောင်းဆုံးဖြေပါဗျ။ စိတ်တွေမညစ်ညူးစေချင်လို့ သားသတ်လွတ် ဂျုံခေါက်ဆွဲနဲ့လိမ္မော်ရည် ပြင်ဆင်ပေးထားတယ်ဗျ။ စာရဲ့နောက်ကျောမှာ Vitaminအပြည့်ပါတဲ့ ချိုသာတဲ့ အပြုံးလေးနဲ့ ကျွန်တော့်ပုံလေး ထည့်ပေးလိုက်တယ်ဗျ။ အမောပြေဖို့။ '
'Congratulations!!! နောက်ဆုံးဘာသာ ရောက်ခဲ့ပြီ။ပုံဆွဲရင် ခဲဖျတ်ကို ခပ်ဖွဖွပဲ သုံးဗျ။ စာရွက်မှာ အရာထင်သွားပြီး မသပ်မရပ် ဖြစ်မှာဆိုးလို့ သုံးလို့ကောင်းတဲ့ ခဲဖျတ်လေး ထည့်ပေးလိုက်တယ်ဗျ။ဒီနေ့အတွက်ကတော့ ဝက်သားအစုံထမင်းပေါင်းနဲ့ ကီဝီသီးဖျော်ရည်ဗျ။ စာမေးပွဲဖြေပြီးရင် အိပ်လို့ရပြီမို့ စားလို့ကောင်းတာလေး စီစဥ်ပေးလိုက်တယ်ဗျ။ကျွန်တော် စီမံခန့်ခွဲတာ တော်တယ်မလားဗျ။ အားကိုးချင်စရာလေးမို့ ရဲရဲကြီးသာ အားကိုးလိုက်ပါဗျ။ စာမေးပွဲဖြေပြီးရင် ကောင်းကောင်း အနားယူပါဗျ။ '
YOU ARE READING
First Love , Perfect Love (Completed)
RandomMyanmar×OC အချစ်ဦး၊အချစ်ဆုံး၊လက်တွဲဖော်ဟာ တစ်ထပ်တည်းကျသောအခါဝယ် 8.2.2023 ___ 8.4.2023