" ရတု နေ့လယ်စာ စားမလား။ ဒေါ်လေး ပြင်ပေးမယ်။ "
" မစားတော့ဘူး။ သား ဝိတ်ချနေတာ။ ဒီကောင့် ပန်းကန်ထဲကပဲ ကပ်စားလိုက်တော့မယ်။ "
စိုင်းရတုဟန်က စိုင်းစွမ်းထက်ပိုင်၏ ကျောကို တတောင်နဲ့ တိုက်လိုက်သည်။ စားလေဆိုတဲ့ သဘော။ စိုင်းရတုဟန်က တစ်လှည့်စားလိုက်၊ စိုင်းစွမ်းထက်ပိုင်က တစ်လှည့်စားလိုက်နဲ့မို့ ခုနကထက်တော့ ထမင်းပိုစားဝင်လာသလိုပဲ။
" ဟေး ... ငါ့ကိုနှစ်သိမ့်စရာမလိုဘူးနော်။ ပြသနာကို ဘယ်လို ဖြေရှင်းရမလဲ တွေးနေရုံပဲ။ ရင်ကွဲနာကျနေတာ မဟုတ်ဘူး။ လူက အလတ်ကြီး ရှိသေးတာ။ "
" ခွေးစကားတွေပြောနေလိုက်တာ။ မိဘတွေ သဘောမတူရုံလေးတောင် ဒီလိုကြောင်တောင်တောင်ကြီး ဖြစ်နေတာ။ဟိုကသာ ပစ်သွားရင် ဒူးနဲ့မျက်ရည်သုတ်နေရလောက်တယ်။ "
" ပစ်သွားစရာ ဘာအကြောင်းမှရှိမနေဘူး။ "
" ဒါပေါ့ ... ပစ်သွားလည်း ကားတင်ပြေးပေါ့။ "
စိုင်းရတုဟန်ရောက်လာတော့ လေထုက အနည်းငယ် ပေါ့ပါးသွားသည်။စိုင်းစွမ်းထက်ပိုင်လည်း ခုနကထက်တော့ ပိုပြီး သက်တောင့်သက်သာ ရှိသွားသည်။
" ရောက်လာတာ ကျေးဇူးပဲ။ "
" ဒါပေါ့ ကျေးဇူးတင်သင့်တာပေါ့။ ငါက အိမ်ရဲ့ ဆည်းလည်းလေးလေ။ "
" ဘာဆည်းလည်းလဲ။အိမ်က ဆဲတဲ့သူတွေသာ လဲသွားမယ်။ပွေတဲ့ရှုပ်တဲ့ အကျင့်မပြင်တာလား။ "
စိုင်းစွမ်းထက်ပိုင်က စိုင်းရတုဟန်၏ ခေါင်းကို ရိုက်လိုက်ရင်း ပြောလာသည်။ အခုမှ ရယ်ရယ်မောမော ဖြစ်လာတာ အမှန်ပင်။
........................
" ကာရံညီညာ "
ကာရံညီညာ ကျောင်းမှာ စာသင်မသွားတာ နှစ်ရက်ရှိနေပြီ။ ဖုန်းလည်း ဦးမြတ်သာက သိမ်းသွားတယ်။ခင်မီဇော့်ဆီ ဖုန်းငှားဖို့ ခိုးထွက်လာတော့ အခန်းဝမှာတင် ဒေါ်ခင်ချိုက ခေါ်လာသည်။
" ဗျာ အမေ "
" အမေက သားကို ခက်ခဲအောင် မလုပ်ချင်တာမို့ သားကလည်း မိဘတွေကို စိတ်ဆင်းရဲအောင် မလုပ်ပါနဲ့လား။ အမေက သားကို တောင်းပန်နေတာပါ။ အမေတို့နဲ့ အသိလေ ... သူ့မှာသမီးမိန်းကလေးတွေရှိတယ်။ ယဥ်ယဥ်ကျေးကျေးလေးတွေပဲ။သား တွေ့ကြည့်ပါ့လား။ "
YOU ARE READING
First Love , Perfect Love (Completed)
RandomMyanmar×OC အချစ်ဦး၊အချစ်ဆုံး၊လက်တွဲဖော်ဟာ တစ်ထပ်တည်းကျသောအခါဝယ် 8.2.2023 ___ 8.4.2023