ငွေလသာက လက်ညှိုးလေးနှစ်ချောင်း ထောင်ပြသေးသည်။အသားအရည် ဖြူပေမယ့် အနည်းငယ် ခြောက်သွေ့ပြီး မလှမပနဲ့ ကောင်လေးက တခါတလေတော့လည်း ချစ်စရာကောင်းသည်ဟု စိုင်းရတုဟန် ထင်မိသည်။ငွေလသာ၏ မျက်လုံးလေးတွေက မှေးတဲ့ဘက်သွားကာ နှုတ်ခမ်းက အနည်းငယ်ထော်နေသေးသည်။ကျန်တဲ့ အစိတ်အပိုင်းတွေကလည်း ကြည့်ဖြစ်ရုံသာ။
" မင်းလည်း ငါ့ရည်းစားပဲလေ။ ခေါ်ချင်ခေါ်ပေါ့။ "
စိုင်းရတုဟန်က Open Relationshipရှိတဲ့သူမျိုး။ရည်းစားတွေများသလို အဲ့ဒါကို ဖုံးကွယ်ဖို့လည်း မကြိုးစားဘူး။အဆင်ပြေတဲ့သူနဲ့ တွဲတယ်။သူတို့လိုချင်တာ၊လိုအပ်တာတွေ ဝယ်ပေးတယ်။ စပွန်ဆာ ပေးထားတဲ့ သဘောမျိုး သက်ရောက်ပေမယ့် များသောအားဖြင့်က တစ်ဖက်က စိုင်းရတုဟန်၏ ရုပ်ရည်ကြောင့် တွဲကြတာမျိုး ဖြစ်သည်။
" ဟုတ်ကဲ့ ... ဒီတစ်ပတ်ကျောင်းပိတ်ရက်က အဖေပြန်လာမှာမို့ အစ်ကို့ဆီ လာမနေပေးနိုင်ဘူး။ အဲ့ဒါ ဒီနေ့ပဲ ဖြစ်ဖြစ် အစ်ကို သွားစရာမရှိရင် တစ်နေ့လုံး အတူတူနေလို့ ရမလား။ "
" မရဘူးကွ။ကိုယ် ညနေကျရင်ပွဲတစ်ခု သွားစရာရှိတယ်။ "
" အစ်မတေးသံသာ ခေါ်ထားလို့လား။ "
" အင်း "
" ဟုတ်ကဲ့ "
ငွေလသာက ခေါင်းလေးငုံ့သွားပြီး စိုင်းရတုဟန်၏ ခေါက်ဆွဲပန်းကန်ထဲက ခပ်နုပ်နုပ် ကြက်သွန်မြိတ်တွေကို တူနဲ့သေချာလေး ဖယ်ထုတ်ပေးနေသည်။ ဘေးမှာတော့ စိုင်းရတုဟန်က ခြေထောက်နှဲ့ကာ ထိုင်ရင်း ဖုန်းကြည့်နေသည်။
" မင်းက အလိုက်သိတယ်။ အဲ့ဒါကြောင့် ငါ့အနားမှာ အကြာဆုံး နေနိုင်တာ မင်းပဲ။ "
ငွေလသာက ခေါင်းငြိမ့်ပြသည်။
" ဒါပေမယ့် ငါ, မင်းကို ဘာနဲ့မှ ချည်နှောင်မထားပါဘူး။ မင်း စွန့်ခွာချင်ရင် အချိန်မရွေးပဲ။ အခြားသူတွေ ငါ့ကို စ,ဖြတ်ရင် ရိုက်သတ်ချင်လောက်အောင် ဒေါသထွက်မှာပေမယ့် မင်းကတော့ ချွင်းချက်ပဲ။ မင်းသဘော ... "
![](https://img.wattpad.com/cover/333989590-288-k539832.jpg)
YOU ARE READING
First Love , Perfect Love (Completed)
RandomMyanmar×OC အချစ်ဦး၊အချစ်ဆုံး၊လက်တွဲဖော်ဟာ တစ်ထပ်တည်းကျသောအခါဝယ် 8.2.2023 ___ 8.4.2023