စိုင်းစွမ်းထက်ပိုင်က စိတ်လှုပ်ရှားနေဟန် ကာရံညီညာ၏ မျက်စံဝိုင်းဝိုင်းလေးတွေကို အသေးစိတ်ငေးကြည့်ရင်း အဖြေကို မျှော်လင့်စွာစောင့်နေသည်။
" အဲ့ဒါ ... "
ကာရံညီညာလည်း ဘယ်လို ဖြေရမလဲ မသိပါ။အမှန်တိုင်း ဝန်ခံရရင်ဖြင့် အမေဖြစ်သူကို ဖွင့်ပြောရဲပေမယ့် အဖေ့ကိုတော့ ကြောက်ပါသည်။ယောကျ်ားလေး တစ်ယောက်နဲ့ ချစ်ကြိုက်နေပါသည်ဆိုတာမျိုး ပြောပြဖို့ ခက်ခဲသည်။
" ကျွန်တော်တို့ အသက်ပြည့်ပြီးနေပြီလေ။ ဘာလို့ တွေဝေနေတာလဲ။ "
" တွေဝေတာ မဟုတ်ပါဘူး။ ငါ ဖွင့်ပြောမှာပါ။ အချိန်နည်းနည်းလောက် ပေးပါဦး။ "
" အင်းပါ ... အရမ်းမတွေးပါနဲ့။ကျွန်တော်က ဒီအတိုင်းပဲ ပြောလိုက်တာပါ။ "
ကာရံညီညာ့ကို စိတ်မရှုပ်စေချင်တာမို့ စိုင်းစွမ်းထက်ပိုင်က ပေါ့ပေါ့ပါးပါးသာ ပြောလိုက်သည်။ဘေးတိုက်မြင်နေရတဲ့ မျက်ခုံးတန်းတန်းလေးနဲ့ နှာခေါင်းချွန်ချွန်လေးရှိတဲ့ စိုင်းစွမ်းထက်ပိုင်ကို ကြည့်ကာ ကာရံညီညာက မေးလိုက်သည်။
" မင်းက လက်ထပ်ချင်နေပြီလား။ "
" မေးတတ်ပါ့။ လက်ထပ်ချင်ပြီပေါ့ဗျ။ ရည်းစားသက်တမ်းတောင် ငါးနှစ်ကျော် ခြောက်နှစ်ထဲရောက်နေပြီလေ။ "
" ငါက မင်းဘွဲ့ရပြီးမှ လက်ထပ်ဖို့ ကိစ္စ စီစဥ်ကြမလားလို့လေ။ "
" ဘုန်းကြီးဝတ်တုန်းက ပေးတဲ့ဘွဲ့ ဦးပညာနန္ဒတဲ့။ ဘွဲ့ရမှယူမယ်ဆို ယူလို့ရနေပြီ။ "
ကာရံညီညာက စိုင်းစွမ်းထက်ပိုင်၏ ခါးကို လိမ်ဆွဲလိုက်ရင်းမှ ပြောသည်။
" စလာပြီ။ စကားကောင်း ပြောနေရင် စလာပြီ။ "
ရှပ်အကျီအညိုလက်ရှည်နဲ့ Style pantအနက်ရောင် အပျော့သား ဝတ်ထားတာမို့ ကာရံညီညာ ဆွဲလိမ်တာ စိုင်းစွမ်းထက်ပိုင် တော်တော်လေး နာပါသည်။
" အာ့ ... နာတယ်ဗျ။ "
" နာအောင်လုပ်တာပဲ ... ခံပေါ့။ "
ВИ ЧИТАЄТЕ
First Love , Perfect Love (Completed)
РізнеMyanmar×OC အချစ်ဦး၊အချစ်ဆုံး၊လက်တွဲဖော်ဟာ တစ်ထပ်တည်းကျသောအခါဝယ် 8.2.2023 ___ 8.4.2023
