' အင်း ... မြန်မြန်လေး ... '
' မြန်မြန်လာခဲ့မယ်။ ဖုန်းလွှဲပေးလိုက်နော်။ '
' အင်း '
စိုင်းစွမ်းထက်ပိုင်က ဖုန်းချပြီးသည်နှင့် စိုင်းရတုဟန်ကို အကျိုးအကြောင်းပြောကာ ကာရံညီညာ့ဆီ ထွက်လာခဲ့လိုက်သည်။
" ဆိုင်ကယ်သေချာ မောင်းတတ်တာလည်း မဟုတ်ဘဲ အသိမပေးဘဲ သွားရတယ်လို့။ "
ဂရုဏာဒေါသနဲ့သာ ပြောနေမိပေမယ့် လူတွေအများကြီးက အပြစ်ပြောကြတာပဲ ဆိုပြီး ပြောလာတဲ့ အသံလေးကို ပြန်တွေးမိတော့ စိတ်မကောင်းဖြစ်တာက ပိုပါသည်။
တစ်နာရီကျော်လောက်ကြာပြီးနောက် မတ္တရာ မြို့အဝင်ကို ရောက်လာသည်။ ကားပိုင်ရှင်နဲ့ ဖုန်းဆက်ရှင်းပြီးထားတာမို့ တိုက်မိတဲ့ကားကိုလည်း မြင်နေရသည်။ ကားနောက်ပိုင်း ဆေးပွန်းသွားရုံပါပဲ။ ကားက လမ်းဘက် ကန့်လန့်ကြီး ပိတ်ရပ်ထားသည်ကြောင့်လည်း တိုက်မိတာဖြစ်မည်။
စိုင်းစွမ်းထက်ပိုင်က ကားပေါ်ကဆင်းလာပြီးနောက် အနီးအနားက လမ်းဘေးဆိုင်တွေကို မျက်လုံးဝေ့ကာ ကြည့်သည်။လက်ဖက်ရည်ဆိုင်နဲ့တွဲလျက် ဖွင့်ထားသည့် အအေးဆိုင်လေးမှာ ကာရံညီညာက ပေါင်နှစ်ဖက်ကြား လက်လေးညှပ်ထားပြီး ကုပ်ကုပ်လေး ထိုင်နေသည်။ ဘေးကစားပွဲမှာ အအေးဘူး ချထားပေမယ့် ဘူးအဖုံးတောင် မဖွင့်ရသေးဘူး။
" လူကို ရင်နာရအောင် သိပ်လုပ်တာပဲ။ "
စိုင်းစွမ်းထက်ပိုင်က ကျောပိုးအိတ် အနက်လေးကကိုင်းကို တင်းနေအောင် ဆွဲလိုက်ပြီးမှ ကာရံညီညာ့ဆီ သွားသည်။
" အစ်ကို "
ခပ်တိုးတိုးခေါ်လိုက်တော့ ကာရံညီညာက ချက်ချင်းမော့ကြည့်သည်။ခုနကထိ တည်ငြိမ်နေတဲ့ ကာရံညီညာက စိုင်းစွမ်းထက်ပိုင်ကို မြင်လိုက်တော့အားကိုးရာရသွားသလို မျက်လုံးဝိုင်းဝိုင်းနဲ့ မျက်စံနက်နက်လေးတွေက မျက်ရည်တွေ ဝိုင်းလာသည်။လူကို စိတ်မကောင်း ဖြစ်ရလေအောင်။
JE LEEST
First Love , Perfect Love (Completed)
OverigMyanmar×OC အချစ်ဦး၊အချစ်ဆုံး၊လက်တွဲဖော်ဟာ တစ်ထပ်တည်းကျသောအခါဝယ် 8.2.2023 ___ 8.4.2023