အချစ်ဆုံးသို့

Part-22

Akikoလည်းပြန်ရောက်နေကာ Ayato၏မိသားစုလည်းရှိနေမည်ဖြစ်တာကြောင့် Shiroတို့နှင့်လိုက်သွားပါက သူ့မိခင်​က ရေဆုံးမြေဆုံး လိုက်သတ်မှာ သူကြောက်ရပါသည်။

"ရပါတယ်ဗျာ။ နောက်တစ်ခါပေါ့။"

Hanaရော Gin ပါ သူ့ကိုဆက်သွယ်ရမည့် IDယူသွားကြကာ Shiroနှင့်အတူထွက်သွားကြလေသည်။ ဤခေတ်တွင် သေးငယ်သော ကုဗတုံးလေးမှ အလင်းထုတ်လွှတ်သော မှန်သားပြင်ကိုဖန်တီးနိုင်ပြီး ထိုအရာကိုဖုန်းဟုခေါ်သည်။ ထိုသေးငယ်သောအရာလေးသည် အလှဆင်ပစ္စည်းများနှင့်လည်း တွဲဖက်နိုင်ရာ အချို့က လက်ကောက်၊ ရင်ထိုး၊ ဆွဲကြိုးစသဖြင့် ဝတ်ဆင်ကာ အသုံးပြုကြသည်။ ထိုဖုန်းသည် ဘက်စုံသုံးနိုင်ပြီး ဖုန်း၊ ကွန်ပြူတာစသော ပစ္စည်းများ၏ လုပ်ဆောင်ချက်အားလုံးကို လုပ်ဆောင်နိုင်ကာ ဂိမ်းဆော့ကစားခြင်းမှအပ ကျန်လုပ်ဆောင်ချက်အားလုံးကိုလုပ်ဆောင်နိုင်သည်။

ထို့ပြင် ဖုန်းနံပါတ်အစား IDကိုသာ သုံးစွဲကြတော့သည်။ IDသည် ဆိုရှယ်မီဒီယာ ပလပ်ဖောင်းအားလုံးကိုအသုံးပြုနိုင်ကာ အကောင့်များစွာဖွင့်လို့ရနိုင်သည်။ သို့သော် ID passwordမသိလျှင် ထိုIDကို တုပသုံးစွဲလို့မရနိုင်ပေ။ IDသည် တရားဝင်အကောင့်ပုံစံဖြစ်ကာ Fake အကောင့်ဖွင့်လိုလျှင်တော့ ID မသုံးဘဲဖွင့်နိုင်သည်။ သို့သော် ထိုနည်းအားဖြင့် တရားဝင်အကောင့်နှင့် Fake အကောင့်သည် ခွဲခြားထားခြင်းခံရကာ လုံခြုံရေးတိုးမြှင့်ပြီးသားလည်းဖြစ်သွားသည်။

Shiroတို့ ထွက်သွားခါနီးတွင်တော့ တစ်ဖက်မှရန်ပွဲတစ်ပွဲကို နားစွန်နားဖျားကြားလိုက်ရလေသည်။

"အဲဒီလိုမလောက်လေးမလောက်စားကောင်တွေကို သွားအဖက်လုပ်စရာမလိုဘူး။ ပါပါးမပြောထားဘူးလား။ အောက်ခြေကကောင်တွေကို စကားမပြောနဲ့လို့။"

ကြည့်ရသည်မှာ အဖေဖြစ်သူက သမီးကိုဆူပူနေပုံရသည်။ လေ့လာရေးအားကောင်းသော Hanaက ခပ်တိုးတိုးပြောပြလာသည်။

"ခုဏက အဲဒီကောင်မလေးက Shiroဆီကို လက်ကိုင်ပုဝါလာပေးချင်နေတာ။ သူ့အဖေကဆွဲထားလို့။"

ထိုကောင်မလေးကို Shiroအကဲခတ်လိုက်မိသည်။ ထိုကောင်မလေးသည် မျက်နှာချိုသည့်ပုံစံလေးဖြစ်ကာ အသားအနည်းငယ်ညိုသည်။ ကြည့်ရသည်မှာ အရှေ့အလယ်ပိုင်းဒေသမှ လူမျိုးဖြစ်ဟန်ရ၏။ မျက်နှာက အတော်လေးလှကာ Dubaမြို့မှလာသည့်ပုံပင်။ ထိုမြို့သည် အတိတ်က သယံဇာတများစွာထွက်သောမြို့ဖြစ်ကာ ချမ်းသာခဲ့သည်။ သို့သော် ယခု မော်လီကျူးများကို တည်ဆောက်လာနိုင်ချိန်မှာတော့ သိပ္ပံပညာက အားသာသွားကာ သယံဇာတများကို ထုတ်ယူမှုနည်းသွားခဲ့သည်။