" ငါ့အိမ်လည်း သိနေတာပဲလား။ "
စိုင်းစွမ်းထက်ပိုင်က ပြုံးပြီးခေါင်းငြိမ့်ပြသည်။
" အစ်ကိုနဲ့ပတ်သတ်ရင် အစ်ကို့အိမ်မှာ အပ်ကျတာကစ သိတယ် ယုံ။"
ကာရံညီညာက ပါးစပ်ပြင်လိုက်ပြီးမှ စကားပြန်မဖြေတော့ဘဲ ဆိုင်ထဲ ဝင်လာသူကိုသာ ကြည့်နေသည်။
" ပိတောက်လမ်းထဲက မြောက်ဘက်လှည့် နှစ်ထပ်အိမ်၊ ခြံတံခါးမှာ ဆေးအပြာသုတ်ထားတဲ့အိမ်လေး ဟုတ်တယ်မလား။ အစ်ကို့အခန်းက ဒုတိယအထက်က တက်တက်ချင်း လှေကားဘေးက အခန်းလေး။ "
" စားလို့ပြီးပြီလား။ "
စိုင်းစွမ်းထက်ပိုင် , Crushကို ကြူးလို့ကောင်းနေတုန်း စျေးခြင်းတောင်း ဆွဲပြီး ဆိုင်ထဲဝင်လာတဲ့ အန်တီကြီးက ဘေးနား ရောက်ချလာပြီး မေးလာသည်။
" မပြီးသေးဘူး အန်တီ။ ကျွန်တော်တို့ ထိုင်ဦးမှာ။ ခုံမအားဘူး အန်တီ။"
ထိုင်ခုံနေရာတွေက ပြည့်နေတာမို့ လာမေးသည်ထင်။ စိုင်းစွမ်းထက်ပိုင်က ငြင်းလိုက်သည်။ ထိုအန်တီကြီးက စိုင်းစွမ်းထက်ပိုင်ကို နားမလည်သလို ကြည့်လာသည်။ပြီးမှ ကာရံညီညာ့ကို ပြန်ကြည့်သည်။
"စားလို့ ပြီးပြီ အမေ။ "
ကာရံညီညာ့ဆီက ထွက်လာတဲ့ အသံပင်။ ဒီတော့မှ စိုင်းစွမ်းထက်ပိုင်လည်းသိတော့သည်။ ဒေါ်ခင်ချိုကြီးဟ။ တော်သေးတယ်။ ကာရံညီညာ့ကို ဘယ်လိုကြွေကြောင်း တရစပ်လွှတ်မိတော့မလို့။တော်ကီတွေ ပြန်မြိုချထားလိုက်သည်။လက်မတင်လေးပဲ။
" စားလို့ ပြီးပါပြီ အန်တီခင်ဗျ။ အခုပဲ ပြီးတာပါ ခင်ဗျ။ "
ခုနက မှုန်ကုပ်ကုပ်နဲ့ စကားပြောနေတဲ့ စိုင်းစွမ်းထက်ပိုင်က ဒေါ်ခင်ချိုမှန်းသိမှ ရိုရိုသေသေ ဖြေလာတော့ ကာရံညီညာက ကြိတ်ရယ်လိုက်သည်။
" မင်းကို မေးတာမဟုတ်ပါဘူး။ အန်တီ့သားကို မေးတာပါ။ သား ...စားပြီးရင် သွားမယ်လေ။ "
" ဟုတ်ကဲ့... အမေ။ သူက ကျောင်းက သားသူငယ်ချင်းပါ။ ဆရာမဝေဝေရဲ့တူ။"
YOU ARE READING
First Love , Perfect Love (Completed)
RandomMyanmar×OC အချစ်ဦး၊အချစ်ဆုံး၊လက်တွဲဖော်ဟာ တစ်ထပ်တည်းကျသောအခါဝယ် 8.2.2023 ___ 8.4.2023
