" ကျွန်တော့်ဖုန်းနံပါတ်လည်း မှတ်ထားလေ။ "
ကာရံညီညာက ဖုန်းလေးထုတ်ပြီး မှတ်ဖို့ပြင်သည်။ဒီစကားတက်ကို မနိုင်တာမို့ ပြိုင်မငြင်းတော့ဘူး။
" ပြော ... မင်းဖုန်းနံပါတ်"
" အဲ့လိုကြီး ဒဲ့ကြီးလာတောင်းတော့ မပေးချင်တော့ဘူး။ စဥ်းစားဦးမယ်။"
ရုပ်တည်ကြီးနဲ့ စိုင်းစွမ်းထက်ပိုင်က ဒူးနှဲ့လျက် ပြောလာတော့ ကာရံညီညာက အော်တော့သည်။
" မင်း ... အရူးကောင် ... သေနာကောင်။ "
" ဆဲတာတောင် ယဥ်ယဥ်ကျေးကျေးလေးနော်။ "
ကာရံညီညာက ဝုန်းခနဲ ထရပ်ပြီး လွယ်အိတ်ကောက်လွယ်သည်။ ရေသန့်ဗူးကို လက်ကပိုက်ပြီး ထွက်လာတော့ အနောက်ကနေ လွယ်အိတ်ကြိုးကို စိုင်းစွမ်းထက်ပိုင်က ဆွဲထားသည်။
" မင်း ... လွှတ်စမ်း ... "
ကာရံညီညာက အတင်းရုန်းနေသည်။ စိုင်းစွမ်းထက်ပိုင်က ပါးချိုင့်ရှည်ရှည်လေး ပေါ်လွင်လာအောင် ပြုံးလိုက်ပြီးမှ
" ကျွန်တော်က ဆွဲချင်လို့ဆွဲတာမဟုတ်ဘူး။ အန်တီက ပိုက်ဆံမရှင်းရသေးဘူးလို့ ပြောလို့။ "
ဒီတော့မှ ကိုယ်စားထားတာ ပိုက်ဆံမရှင်းရသေးမှန်း ကာရံညီညာလည်း သတိရသည်။ ရှက်ရှက်နဲ့ အကျီအိတ်ကပ်ထဲက ငါးရာတန်သုံးရွက်ကို စားပွဲပေါ် ဘန်းခနဲတင်ပြီး စိုင်းစွမ်းထက်ပိုင် လက်ထဲကနေ ရုန်းထွက်လာသည်။
" ရုပ်ရှင်တွေထဲက ဒေါသထွက်နေတဲ့ မင်းသားစတိုင်လ်နဲ့ ပိုက်ဆံရှင်းသွားသေးတာ။ကြည့်လိုက်တော့ ငါးရာတန်။ "
စိုင်းစွမ်းထက်ပိုင်၏ စကားကို ကြားတော့ ကာရံညီညာက တစ်ချက် စူးခနဲ လှည့်ကြည့်သည်။ ပြီးနောက် လက်သီးကို ခပ်တင်းတင်းဆုပ်ပြီး ပြန်သွားသည်။
" တအားမစပါနဲ့ သားရယ်။ "
ခေါက်ဆွဲဆိုင်က အန်တီကြီးက စိုင်းစွမ်းထက်ပိုင်ကို ပြောလာသည်။ပြီးခဲ့တဲ့ သုံး၊လေးလထဲက စိုင်းစွမ်းထက်ပိုင်က ကာရံညီညာ ခေါက်ဆွဲလာစားတိုင်း အနောက်မှ ပါလာနေကြ။ ကာရံညီညာက သေချာ သတိမထားမိလို့သာ။
YOU ARE READING
First Love , Perfect Love (Completed)
RandomMyanmar×OC အချစ်ဦး၊အချစ်ဆုံး၊လက်တွဲဖော်ဟာ တစ်ထပ်တည်းကျသောအခါဝယ် 8.2.2023 ___ 8.4.2023