" မပေးဘူး။ "
" အန်တီဝေ့ ဖုန်းထဲတစ်ချက်ကလိလိုက်ရင် ရတယ်နော်။ ဒီမှာ နားလည်မှု ရှိရှိနဲ့ ရိုးရိုးသားသားလေး လူလိမ္မာလေးလုပ်ပြီး တောင်းနေတာကို ကြမ်းအောင်မလုပ်စမ်းပါနဲ့။ "
ကာရံညီညာက ခေါက်ဆွဲကို ပါးတစ်ဖက်မှာ ငုံထားရင်း စိုင်းစွမ်းထက်ပိုင်ကို မော့ကြည့်သည်။မျက်တောင်ကော့ကော့လေးနဲ့ မျက်စံနက်နက်လေးက ထင်းထင်းလေး။ ငြင်းနေလည်း သူပြောသလို ဆရာမဝေဝေ၏ ဖုန်းထဲက ရနိုင်တာမို့ ကာရံလည်း မငြင်းတော့ပါ။
" 09 978 ..... "
" သြော် ...sim_ cardက နှစ်ထောင်တန်ကြီးနော်။ "
" မင်း ... "
ကာရံညီညာ့မှာ ခေါက်ဆွဲတောင်သီးသွားသည်။ ကိုယ့်ကို ပိုးနေတယ်ဆိုတဲ့သူက ဒီလိုဒေါက်ဖြုတ်မယ်လို့မှ ထင်မထားတာ။ဒေါသကြောင့် နှာခေါင်းထိပ်လေးကိုရဲလို့။
" စတာ ...စတာ ... ချစ်လို့စတာ။ ဆက်စား ... ဆက်စား။ "
ကာရံက ဒီကောင်လေးနဲ့ စကားယှဥ်ပြောလည်း မနိုင်တာမို့ ကိုယ့်အစားအသောက်ဆီမှာပဲ အာရုံပြန်ထည့်ထားသည်။
" Contactလေး ဘယ်လိုမှတ်လိုက်ရမလဲ။ "
" မှတ်ချင်သလိုမှတ် "
" ဂရုမစိုက်သလိုလိုနဲ့ အထာပေးတယ်နော် အဟင်း!!!။ ကြိုက်သလိုမှတ်တဲ့။"
ကာရံက ခေါက်ဆွဲကိုပဲ မြန်မြန်ပြီးအောင် စားလိုက်တော့သည်။မဟုတ်ရင် ဒီအရူးလိုက်ရှုပ်နေတာနဲ့ ဒေါသထွက်လို့ အသက်တိုမှာ။
"မောင့်လူကြီးလေး "
စိုင်းစွမ်းထက်ပိုင်က သူ့ဖုန်းလေးကို ကာရံညီညာမျက်နှာရှေ့ပြသည်။
" ပြန်ဖြတ်စမ်း ဟေ့ကောင်။ "
" မဖြတ်မှန်းသိမှ ဟန်ကို့ပြီး ငြင်းပြပါပြီ။ မာယာတွေ ... မာယာတွေ။"
ရယ်ကြဲကြဲနဲ့ ပြောနေတဲ့ စိုင်းစွမ်းထက်ပိုင်ကြောင့် ကာရံညီညာလည်း တော်တော်ဒေါသထွက်နေပြီ။ သို့ပေမယ့် ရန်ဖြစ်တက်တဲ့သူလည်း မဟုတ်တာမို့ ဒေါသကို ပြန်မြိုချနေရသည်။
YOU ARE READING
First Love , Perfect Love (Completed)
RandomMyanmar×OC အချစ်ဦး၊အချစ်ဆုံး၊လက်တွဲဖော်ဟာ တစ်ထပ်တည်းကျသောအခါဝယ် 8.2.2023 ___ 8.4.2023