ليّت اللِذي خَلق العُيون السُود ... خَلق القُلوب الخَافقات حَديد

البارت العاشر

الميلا ضربت راسها بخفه وقالت : يكرهي هااتي الكشاف
سحبته وصارت تكشف لهم وهم ياكلون بالظلام ..
" بعيد شوي عن العزبة "
دخلت الهنوف بيتهم وصرخت اول م مسكها غامد وقال : يحيوانهه من وويين جااايه !!
الهنوف بحدة دفته بحكم انها اخته الكبيرة وقالت : خيير يبووي نسييت من فينا الكبيير انقلع من وجههي !
دخلت الهنوف تحت قهر غامد اللي مشى وراها وشافها تدخل غرفتها وتسكر الباب مشى لغرفته وعند الهنوف كانت منسدحة وهي تضحك وقالت بنفسها ( يارب يشوفها عقيب ياااارب وم يسحب عليها ) غمضت عيونها وهي مجهزة خطة جهنمية لعقاب فالصباح بحكم انه يوم الجمعة والناس كلهم بيكونون موجودين ..
" في حايل "
ماهر دخل بيت اهله وقال : سلااام علييكم
ام ماهر فزت بفرحة وقالت بشوق : ياااهلاا باللي لووه الخاافق يهليي يهلاا بولددي
ماهر ابتسم بحب وقال : يهلا فيتس يميمتي
ام ماهر : وشلونك وعساك مبطين عندنا ؟
ماهر هز راسه بنعم وقال : بخيير بعد شوفتتس وايه معاد لي رجعتن بالديار خلاص خلوني بهاه
ام ماهر ضحكت وقالت : ازين ازيين
ماهر : وين غدوا خواتي وسابر ؟
ام ماهر : سابر نهج للسوق وشوي ويرجع وخواتك داخل وشنوحك ؟
ماهر انسدح بحضن امه وقال : مابني شيء
مسحت ع راسه بحنية وقالت : انت ابخص لكن بعرف وشنوحك ياليوم ي باتسر
ابتسم ماهر اول م مر طيف دانه وريحتها المميزة ع خياله وقال بدون تردد :
يالدانه زولتس عجزت اتناساه
‏وانا اليا طرا طيفك نهجت وخميته
عطرتس ازرت عيوني لا تشوف وتعدّاه
‏يادانتي ضلع خفوقي هذا مليته
بالله انا وشلون ابسلى وابنساه ؟
‏وانا على نحرتس غزيت ولقيته
-
ام ماهر ابتسمت بحنية وقالت : دانه ؟
ماهر دفن وجهه بحضن امه وقال : اييه يمه دانه
ام ماهر : تحبه ؟
ماهر بتعب من السفر قال بصوته الثقييل : اعشقه واهواه
ام ماهر : وهي تحبك ؟
ماهر هز راسه بنفي وقام ومسك يدين امه وقال : يمه م تحبن ولا تدري اني احبه م تدري واسلوبها معي ماهو بزين ولا ادري وش اسوي قمت نهجت بهاه
ام ماهر ابتسمت بحزن وقالت : م كلمته عن شيء ؟
ماهر قام وقال بصوت مهزوز : لا يمه خلاص انسي
ام ماهر لفت له وهو بيدخل البيت وقالت بصوت هامس : وشلون ابنسى شين لوه ذا !
ورفعت يدينها للسماء وكملت وهي تقول : يااارب انك كانت خيير لوه فأنك تقربه له يارب
قامت بتدخل ودق الباب ومشت وفتحت ودخل سابر وقال : هلا يمه وشنوح للحين صاحيه ؟
ام ماهر بحذر : اخوك نكس من الرياض وشوفه داخل منجضع لا تقرب لوه اتركوه
سابر قطب وقال : وش جاه ؟ وليه م اقربوه معليتس ازهليه
ام ماهر : ماعندوه خلاف اتركوه
دخل سابر ركض وشاف ماهر طالع من المطبخ وكاس مويته بيده فز له وقال : يامررحبباا
ماهر ابتسم وقال : هلا هلا والله
حضنوا بعضهم وسلموا ع خشوم بعض " سلام الرجال " وقال سابر : متى نكست ؟ [ رجعت ]
ماهر : توو قبل ساعة وشيء
سابر ضحك وقال : يالله انك تحييوووه
ماهر : اييه وانت وراو نهجت للسوق ؟
سابر : امي موصيتني بغريضات من السوق
ماهر هز راسه بمعنى " فهمت " ومشى وقال : لحد يزعجن أنود وبنخمد
دخل ماهر غرفته وحط راسه ع المخده معلن استسلامه للأحلام اللي هو عارف زين انها بأسم دانه ..
" فالعزبة "
ابو فهد ابتسم اول م امتلى بطنه وقال : الحمدلله الله يكثر خير من هو خيره ويجمله ويغنيه
عقاب رد وقال : بالعافيية
ابو فلاح عدل جلسته وقال : الله يجود عليكم يعقيب
عقاب ابتسم لعمه وقال : جعله بالعافية
ابو تركي : الله يكثر خيركم ويجود عليكم
عقاب : عافيية عليكم كلكم
قاموا العيال متجهين للتانكي الماء عشان يغسلون
اسر ابتسم بخبث وقال : فلييح شرايك اعفس ثوبك بالشحم ؟
فلاح رفع طرف ثوبه بدون م يحس اسر وقال : ويمين بالله اذا م عقلت
فجأة ركض اسر وطار فلاح يركض ووصلوا للتانكي وكانت تالين والميلا يغسلون وقالوا : يوولدد !
الميلا رفعت شيلتها ع راسها وقالت بهمس : تالين هم وراي ؟
تالين رفعت بنظرها لفلاح وقالت : فلييح انقلع هناك
فلاح ابتسم وقال : اتمنى بس المصيبة ان الجماعة جايين ورانا خذوا لكم ماء في سطل وادخلوا
تالين قامت وقالت : ميلو امشي
الميلا توسعت عيونها وقالت بصوت عالي : لاااا يشييخة ! يذلفوون مننا حنا جايين قبلهم !
اسر توسعت عيونه بصدمة وقال : خييير ان شاءالله صوتتس لا يرتتفع !!
الميلا تلثمت ولفت له وقالت بحدة : مالك دخل سامع مااالك دخل يخوي انقلع لا انت ابوي ولا انت اخوي وشدخلك !!
اسر ارتفع صوته عليها وهو يقول : ميييلاا سددي حلقتس لا امسكتسس !
الميلا ضحكت بسخرية وقالت : وش بتسوي مثلاً
وقربت شوي وهمست له وهي تقول : ولا ناسي اني جايبة راسك يالخروف ؟
اسر انفجر عصبية عليها وقال : بسس عاااد ادخلي داااخل ترركي تعاال امسك اختتك لا ادععسس وجهها !!
تركي كان يمشي مع ناصر وعجل خطواته وقال : وشسالفة !
الميلا ابتسمت وقالت : الحمار ذا يبيني ادخل وانا م بعد غسلت
اسر بحدة : ادخخليي دااااخل !!
تركي توسعت عيونه وقال : اسر خير ان شاءالله ؟ شرايك تصفقها كف بعد !
اسر : يدي ماهي بقصيرة لكن حشمة لعمي ولك
الميلا بعصبية : يبوي تخسي وربي لا اكسرها لك !
تركي بحدة : وانتي بعد ادخلي ولعاد تلاسنين اللي اكبر منك وخصوصًا انه ولد وين انوثتتس !
الميلا رفعت حاجبها وقالت : احلف ؟
تركي : خلصيني !
الميلا لفت بنظرتها الحادة لآسر وكانت تتميز الميلا بحواجبها الكثيفة ورموشها الظليلة السود وعيونها الوساع وشافته يبتسم وهو عاشق لعيونها وتقدمت له ومسحت يدينها في ثوبه تحت صدمة الكل من عيال عمانها واخوها وتالين وضحى والجود اللي توو جاوا من صوت الميلا واسر
اسر ابتسم وقال بهمس : فداتس الثوب وراعيه
الميلا ابتسمت بكلافة وقالت : دز بس
لفت بتمشي واستوقفها صوته وهو يقول : عسى م شر وين رايحة ؟
الميلا لفت له وقالت : غسلت وخلصت بدخل تبي شيء ؟
ابو تركي تقدم وقال : وشفيه ؟
اسر لف لعمه وقال : يرضيك ؟!
شاف عمه ثوب اسر الابيض كيف كان وسخ ومليان شحم ولحم وحبات رز وقطع من السلطة انصدم وقال : لا بالله م يرضيني !
اسر اشر بيده ع الميلا وقال : بنت اللي م تستحي هي اللي سوت ذا كله فيني
ابو تركي لف بصدمة للميلا وقال بحدة : مييلا !!
الميلا بخوف قالت : يبه اصبر شوي بفهمك
ابو تركي صرخ فيها وقال : اعنبوتس فشلتيينيي م تستحيين ع وجهتتس !! خذي ثوبه واسرري للبيت غسلييه !
الميلا توسعت عيونها وقالت : ايشش !!
ابو تركي تقدم وقال بهمس : م ابي اضربتس خلصيي !
الميلا بقلة حيلة قالت : سم يبه
تقدمت لآسر ومدت يدها له ابتسم بأنتصار وقال : بس عمي من اللي بيوديها للبيت ؟
ابو تركي بعصبية : تروح لحالها وترجع
اسر : ابشر
نزل ثوبه وعطاه للميلا وقرب لها وهمس وقال : اللحين اللي تقولين انتس جايبه راسه هو اللي يأمرتس تعرفين بما اني زوجتس المستقبلي لازم تتعودين
الميلا بحدة وهي تهمس : تعقب ابوي اللي موصيني وعلى الفعايل ذي كلها والله ان احرم عليك
اسر انفجر يضحك ومشت الميلا وارتفع صوته وهو يقول : صومي ثلاث ايام من الحين
مرت الميلا من عند الجود وضحى ومشوا معها وقالت الجود : ميلو وش السالفة ؟
ضحى ضحكت وقالت : عادي يبنت الحلال عطيني ياه اغسله وخلصنا
الميلا ابتسمت وقالت : لا يقلبي شدعوة تتعبين نفستس انا اغسله
الجود قطبت وقالت : تراني م فهمت شيء اشرحوا لي !
ضحى بضحك قالت : انتي والله مدري وش مسوي لتس عقيب من اليوم وانتي مختبصة
الميلا انفجرت تضحك وقالت : وربي انه مسويها وخلاص بنت وش صار بينكم ؟!
الجود بحدة : وجع لتس انتي وياها وش جاب موضوعنا لعقيب !
الميلا بخبث : سواها صح ؟
الجود طارت عيونها وقالت : خييير ميلو ووش سووا !!!
الميلا كملت بخبث وقالت : هي وحدة من الثنتين اللي بالي بالتس ولا باستس
الجود صرخت وقالت : وجعاااااه يميييلااا
ضحى انهارت تضحك وقالت : امشوا امشوا قربنا من البيت اصلاً
الميلا : وين قربنا اللي يصلحتس ؟
الجود : وانا جايه خوي معكم وانا عارفه عقاب وش بيسوي
ضحى : يووه صدق عودي عودي عليهم
الجود ضحكت وكملت معهم متجهين لبيت ابو فهد ..
" عند العيال "
تركي ابتسم وقال : الله يقطعك ي اسر ليه ع الميلا !
اسر ابتسم وهو يلبس قميص اسود وقال : تستاهل خلها
عقاب جاء بعد م دخل الصحون فالمطبخ وقال : ولد انت وياه وش العلم ؟
صقر تكى ع صندوق الونيت وقال : ابد اخوك تلاعن مع الميلا وارسلها تغسل ثوبه
عقاب قطب وهو م فهم ولا شيء وقال : شلون ؟
ناصر ضحك وقال : يوووه عقاب اذا امتلى بطنه يقفل مخه
طاحوا العيال يضحكون عليه وعقاب ساكت ويناظرهم بأستصغار وقال بحدة : بتنطقون ولا وش ؟
هيثم وهو يضحك قال : ابد اخوك عصب اول م رفضت الميلا تدخل وهي جايية تغسل قبله وبدؤا حرب كلام بعدها تدخل تركي وقالها تدخل والبنت عصبت وعفست ثوب اسر ولعبت بحسبته وتعزوى اسر بعمي راشد وقالها تغسله وراحت للبيت مع ضحى والجود للبيت
عقاب كان قاعد ع الجوال وم ركز كثير لكن شّد انتباهه اسمها ولف وقال : جود ؟ وشفيها
اسر انفجر يضحك وقال : ولللمهاااا جااابت راااس ولددنناا
ناصر : يوويييللل امهااا صدقق يعقاااب
عقاب بحدة : وجع وجع انت ويااه !!
تركي وهو يضحك قال : جودي م فيها شيء بس راحت مع ميلو وبنتكم للبيت
عقاب رفع حاجبة وقال : جودي ؟
صقر ابتسم وقال : عقيب لا تنسى ان تركي اخوها
عقاب : سر امها م قلنا شيء
مشى عقاب وشافهم بعيدين شوي حط اصبعين بمنطوقه وصفّر بأعلى صوت ولفوا البنات له وقال بصوت الرخّيم : ع وييين انتي ويااها ؟
الميلا برعب : من ذا ؟
ضحى : عقيب
الجود وزت نفسها ورا ضحى وقالت : وضوح انا في وجهتس
ضحى اشرت له يجي بحكم انها عارفته وانه اذا تكلمت بصوت عالي بيحترق ويحرقها وفعلاً مشى عقاب جاي لهم ضحى لفت للبنات وقالت : غطوا وجيهكم بسرعة !
الميلا نزلت برقعها عليها وقالت : ياليل مطولك صدق
الجود همست لها وقالت : انا زوجته ليه اتغطى ؟
ضحى ضحكت وقالت : ايه صح نسيت
الجود ابتسمت ورفعت عيونها وطاحت بعينه اللي كانت تناظر فيها وكأنها هي الوحيدة الواقفة وصل لهم وقال : عسى م شر وين سارين ؟
الميلا رفعت ثوب اسر وقالت : ليتك بدال المشوار ذا سألت اخوك
عقاب م رد عليها وقال : وضيحي تكلم !
ضحى : رايحين بأمر من السلطات العليا عمي راشد نغسل ثوب اسر ونرجع والصدق انه قاله للميلا بس تحتزم والله م اخليها تسري لحالها
عقاب بحدة : احلفي ؟ عندتس اربع اخوان م قدرتي تقولين لواحد منهم يوصلكم ؟ وبعدين انتي وش موديتس معهم !
الجود اشرت باصبعها ع صدرها وقالت : انا ؟
عقاب : لا انا ! اييه انتي
الجود : تعرف اختي م قويت اخليها تروح لحالها
الميلا حضنت اختها وقالت : يجعلني م اتبدل فييتس
الجود ابتسمت بحنية وقالت : ولا منتس
عقاب كان رافع حاجبة ويطالعهم بحرقة وقال : امشوا معي بس
ضحى بحماس : ع السيارة ؟
عقاب بسخرية قال : اجل ع ظهري ؟
ضحى : يوووه يشييينك يعقيب
الميلا ابتسمت وقالت : اي والله يشيينه
عقاب : اما انتي خليتس ساكته لا التفت لتس
الميلا : يمه خفت وش بتسوي ؟
الجود دقتها بخفه وقالت : بس خلاص
عقاب لف للجود وابتسم وتلطم وركب سيارته وقال : يالله الله يعينكم تتحاشرون
ضحى : انا جنبك من الحين
عقاب : تعالي طيب
ركبت ضحى جنب عقاب وبعدها الجود والميلا عند الباب وهم بغمارة وحدة شغل السيارة وجاء اسر وقال : يراسي والحشرة ! لي مكان ؟
عقاب ابتسم وقال : ان م اسعك المكان يبو عايض تاسعك العيون اركب
الميلا طارت عيونها وقالت بصدمة وبهمس : خيير وين بيجي ذا !
ضحى : فالصندوق يعني وين ؟
عقاب : منهو اللي فالصندوق ؟
ضحى لفت لعقاب وقالت : اسر ولا ؟
عقاب : لا بيركب عندكم
ضحى توسعت عيونها وقالت : هاااه !
الجود : خير ويين يجي !
عقاب بحدة : انزلوا وجود تجي جنبي وميلا جنبها وضحى واسر عند الباب
ضحى : وربي م يكفي تستهبل انت !
عقاب زفر بعصبية وقال : اعجلوا علي !
نزلوا البنات وهمست الجود وقالت : شرايكم انسحب واجلس ؟
الميلا ضربت راسها بخفه وقالت : حمارة انتي وانا وين اجي بين الاخوان ؟!
ضحى : اركبوا لا يفصل عقاب ماني ناقصة
ركبت الجود جنبه وكانت صغيييرة مقارنة بعقاب لفت له وقالت : عاجبك الحين !
عقاب ابتسم وقال بهمس : ايه حرام انه عاجبني
الجود توسعت عيونها وقالت : عقاب !
عقاب ضحك ولف بوجهه للشباك الميلا ركبت وضحى بعدها واسر بعدهم بس م قدر يركب وقال : يهووه وخروا شوي
الميلا بحدة : وييين نغدي ! نطمر ع عقاب اصلاً كل شيء من تحت راسك
اسر ضحك وقال : عقاب الصق فالباب
عقاب قرب من الباب وقربت الجود وكانت قريبة منه بشكل كبير وقربت الميلا وضحى ومع ذلك م كان لآسر مكان بسبب عرض جسمه ابتسم عقاب وحط يده ورا خصر الجود ورفعها ع فخذه وقال : اقربوا
الجود صرخت بأحراج وقالت : خللاااص بننززل
عقاب كتم ضحكته وقال بحدة : بننت صوتتس !
الجود فتحت باب عقاب وتقدمت من عند حضنه ومسكها وهمس بأذنها وقال : قربتي اكثر وحرام م تنزلين
الجود كانت حرفيًا جالسة بحضنه رفعت بسرعتها يدها ونطت ع التراب ورفعت طرف جلابيتها وركضت وفتحت باب المطبخ ودخلت وسكرت عليها بالقفل وطاحت تضحك وهي ترجف من المنظر وقالت : اه يعقاب
وعند عقاب ابتسم وقال : الميلا انقلعي ع الباب واسر جنبي ووضيحي بينكم
وفعلاً ترتبوا ومشى عقاب وهو يضحك ويتذكر الجود وحجمها بحضنه طلع راسه وثبت عصبته ع راسه ورفع عينه للقمر وقال :
ولي قلب واحد وانتي من جيتي محتله
‏معتس ذقت لذات الغلا وانتي ذايقها
تعديت مراحل خلن يموت في خله
‏انا ادمنتتس حتى العذاريب عاشقها
-
اسر ابتسم وقال : الله الله صح لسانك
ضحى بخبث : واكيييد ان الشعر للجود
اسر غمز لها وقال : وفييه غيرها ؟
ضحى ضحكت وقالت : لا طبعًا
لف اسر بعينه للميلا اللي كانت مطلعة راسها من الشباك وتتأمل القمر اللي منعكس ع مقلتيها ابتسم بحب ونزل عيونه لثوبه اللي كانت الميلا محتضنته فعليًا تقدم وسحب الثوب منها ولفت بصدمة وقالت : علااامك !
اسر ابتسم وقال : تحسبيني بخليتس تغسلينه ؟ سلامات ميلا م اني حقير للدرجة ذي
ضحى ضحكت وقالت : وهي احقر منك كانت ناوية تخليني اغسله بدالها
اسر توسعت عيونه وانفجر يضحك وقال : حيي والله عيينها
ضحى ضربته وقالت : يقليييل الخاتمة اختك انا اختك !
الميلا : طيب والمسرى ذا كله ع ايش ؟
عقاب ابتسم وقال : عشان نروح نشوف المرتجز والخوصاء
ضحى قطبت وقالت : وش ذول ؟
وجنبها صرخت الميلا بحماس وقالت : الخوصااااء يالبييييه
عقاب لف لها وقال بهمس لآسر : شكلها هي
اسر م قال لأحد ان الميلا هي اللي جات وان العقد لها ابتسم لعقاب وقال : مدري م اظن
دخل اسر يده بجيبه وهو من حرصه ع العقد كان كل شوي يدخل يديه يدور ويتأكد اذا العقد موجود وعطى الميلا الثوب والعقد فيه وكانت حيلة منه عشان ياخذ الثوب ويسترجع العقد منه وفعلاً حصل العقد وسحبه من ثوبه الوسخ ورجعه للميلا وقال : عشان م تكون جيتتس ع الفاضي
الميلا لفت له وهي شكت لكن اكتفت بكلمتين وهي : الله يشفيك
ضحى ضحكت وقالت : اميين وعقاب معه
عقاب لف لها بحدة وقال : تستهبلين ؟ اعقلي لا انزلتس
ضحى : واذا انا عن مليون رجال وانا اخت فهد
اسر شوش راسه وقال : وننعمم والله يوضييححيي
عقاب ابتسم وحط اصبعه ع شفايفه اللي تحت وقال : ونعم ونعم فيتس يبنت عايض
الميلا ابتسمت وقالت : يحلو علاقتكم الله يديمها
عقاب واسر وضحى قالوا مع بعضهم : اميييين
اسر ابتسم وكمل بدونهم وهو يقول : ويقرب اللي لها خفوقي يهليي
ضحى رفعت يدينها للسماء وقالت : اممييننن
عقاب وقف اول م وصلوا لبيتهم وقالت الميلا : وجع والاسطبل !
عقاب : انزلي بس صدقتي
ضحى ضحكت ع غبائها وقالت : اييييه اثرهم يقصدون الاسطبل
اسر : اييه يحمار انزلي
نزلوا ودخلت ضحى للحمام اللي في زاوية الحوش وشغلت الموية وقالت : يالله غسليه
الميلا توسعت عيونها وقالت : ويين الغسالة ؟
ضحى جلست ع البطحاء اللي قدام الحمام وقالت : اييه باقي م وصلنا التطور غسلي بيديتس
الميلا زفرت بعصبية وقالت : يارب انك تصبرني ع اسر ذا
نزلت اساورها وختّمها في حضن ضحى اللي ضحكت وقالت : حيي والله عينتس يبنت راشد الجود للحين م تدري لأن غسيلهم باقي م كثر خليها تلقم لأن بكرا الغسيل كله يتغسل وامي بتستقعد لها
ابتسمت الميلا وسكرت الموية وحطت مسحوق الغسيل وغطست ثوب اسر وصارت تفرك فيه وتنظفه خلصته وعصرته بكل قوتها وفتحته كامل وكان كبييير بالنسبة لها ضحكت وقالت : وضوح اخوانتس عمالقة !
ضحى وهي تلبس الخواتم وتجرب الاساور ردت بتسليك وقالت : اييه ايه
الميلا صارت تدقق بثوبه وقالت بهمس : يمه اعرض واطول من تركي خيير !
طلعت وقالت : وين الحبل ؟
ضحى اشرت لها عن مكانه ومشت الميلا وعلقته وحطت المشابيك عليه وقالت : بروح اجلد اسر
ركضت ووصلت للونيت وكان عقاب يدخن واسر مغطي عليه تقدمت وقالت بصراخ : ووش تسوون !
فزوا اثنينهم ومحد كان يعرف ان عقاب يدخن الا اسر وضحى والجود
اسر بفجعه قال : لعنه !! خرشتييننيي
عقاب بحدة : صوتتس خيير ان شاءالله ؟ وبعدين وشدخلتس وش نسوي
الميلا بصدمة : اوو ماااي قاااد م اصدق عقاب تدخن ؟ يع الله يقرفك مسوي بتجذبنا كذا ؟
عقاب ابتسم والدخان بين شفايفه وقال : شدخل ؟
اسر ابتسم وقال : شوفيني انا رجال م ادخل
وصعق اسر بألم من رفسة عقاب له وقال : وشقصدك يعني ماني برجال ؟
اسر بألم : الله يشلك لاا يحمااار
الميلا انفجرت تضحك وقالت : اححسسن تستاهل المهم خلصت الثوب باقي بترجعون ؟
اسر لف لها وقال : لا حبيبتي تحسبين خلصتي لازم اشوفه اذا نظيف ولا لا
الميلا توسعت عيونها وقالت : ي وجع صدق رح محد مسكك
مشى اسر وراح ورا عند ضحى يبي يشوف الثوب حقه ولفت الميلا لعقاب وقالت : اسمع انت
عقاب رفع عينه لها وقال : خير ؟
الميلا : ويمين بالله لاتسوي شيء يحزن قلب جودي اني لا انتفك من الارض
عقاب قرب وكان طويل وعريض ومرعب فالظلام وم كان فيه نور الا نور سيجارته وهي عند منطوقه وقال : لحظة انتي يالصغيرة تنتفيني ؟
الميلا بحزن ع الجود قالت : حرام علينا كيف عطيناك جوجو وربي اني احزن عليها وان شاءالله انك قد الهقوة
عقاب شك ان الجود تشتكي وهو قد حذرها م تقول شيء عن علاقتهم للملأ شّد ع قبضته ورمى سيجارته ودفنها برجله وقال : هي قايله لتس شيء ؟
الميلا طنشت عقاب ومشت لضحى اللي جاتها وقالت : وش قال اعجبه الثوب ؟
ضحى بكل صراحة فضحته وقالت : ايه الله يخلف علينا وطايح عنده يقول فيه ريحة عطرها
الميلا طارت عيونها وهي تذكرت انها بخت عطرها ع يدينها بعد م غسلت نية انها تبعد ريحة اللحم وقالت : هااه !
ضحى مدت اسواراتها وختّمها وقالت : امسكي بس
مشت وركبت فالصندوق وقالت : ميلو تخاويني
الميلا كانت واقفة بصدمة وتلبس اشيائها بهدوء ورفعت عينها له وهو جاي يضحك وقال : اعطيتس ملييون من عشرة
الميلا غمزت له بعفوية وهي م تدري وش خلفت داخل اسر وقالت : اعجبك اعجبببك وانا بنت راشد
اسر طارت عيونه ومسك قلبه وقال بنفسه ( ييويييل حاالك ي اسرر اششههد بالله ان عييونها مووتن حمرر يوييلي وتقول اعجبك اي والله انتس عاجبتني وخاطفتني من العالم كله ) لف لعقاب اللي يأشر له يجي تقدم وقال : اسلم ؟
عقاب : وراك تهوجس ؟ سرينا
ركب عقاب واسر جنبه والبنات فالصندوق بعد طلبات من ضحى لعقاب اللي وافق بعد شق الانفس
اسر طلع راسه من الشباك وقال بحدة وبتهديد : يمين بالله لاترتقع رؤوسكم لا اقطعها انتظروا لين نطلع من الديرة !
الميلا اشرت بيدها بمعنى " معليك " وقالت : ازهلنا
ضحى ضحكت وقالت : يحلوكم كأنكم عرسان حابتكم اكثر من الجود وعقاب
الميلا ضحكت بسخرية وقالت : لا حبيبي لازم م تدخلين بالعميق م بيني وبينه شيء ومستحيييل يكون بيننا شيء اصلاً
ضحى : معليه نشوف
صدت الميلا بقرف من الطاري ورفعت عيونها للقمر وكان عقاب طايير حرفيًا ..
" فالعزبة "
خلصت الجود الصحون مع البندري وهي تغني وتضحك كل م تذكرت عقاب اللي حرّم انها م تنزل ونزلت عناد فيه ابتسمت وقالت : فيه صوت ؟
البندري بملل : ايه صوت ابوي يقول اسري
الجود قربت ومسك خدود البندري وقالت : نوني فيتس شيء ؟
البندري ابتسمت وقالت : لا والله بس م ابي ارجع البيت طفش
غزيل دخلت وقالت بحزن : بنات تكفون مقدر انسى وفاة امي
الجود فزت لها وحضنتها وقالت : اني والله قد دريت مالتس حس من اليوم يعمري انتي الله يرحمها ويغمد روحها الجنة بس تكفين غزلي لاتكسرين بخاطرنا واكيد انتس م راح تنسين لكن وصية امتس لتس انتس تعيشين معززة مكرمة !
غزيل حاوطتها بضيق وقالت : الله يجبر كسري ويربط ع قلبي والله انها احسن حياة اذا انتوا فيها
قامت البندري وحضنتهم وقالت : يروحي
تالين دخلت وقالت : ماشاءالله حضن جماعي دخلوني معكم
غزيل فتحت يدينها لها وقالت : تعاليي
تحاضنوا الاربع بمنظر لطيف جدًا ودخلت دالين وقالت : ييع وش تسوون !!
غزيل ضحكت وقالت : وش نسوي مثلاً تبين نحضنتس ؟
دالين ابتسمت بخجل وقالت : م نقول لا
الجود ابتسمت وقالت : اخييييرًا !
حضنتهم دالين من طرف لكن سحبوها البنات داخل وهي تضحك وقالت البندري : اييه يتبن خليتس كذا
دالين : ايه ابشروا بس امي لا تدري
غزيل رفعت اكمامها وقالت : ابد خليها علي
انفجروا البنات يضحكون ع ردها وضحكت غزيل معهم وفزوا ع صوت بوري الونيت وشهقت الجود وقالت : عقيب !
البندري ضحكت وقالت : اي بالله عقيب
نطوا الميلا وضحى ومشوا للبنات وقالت الميلا : جودي فاتتس نص عمرتس !
الجود بحماس : وش وش ؟
ضحى : خررطي يبنت الحلال م فاتتس حاجة
الجود ضربت الميلا وقالت : خيير !
الميلا : اقصد الصندوق مع الهواء والقمرا
الجود : بس ؟
عقاب ارتفع صوته وهو يقول : سرييينا يوولدد
الجود كانت شيلتها ع كتوفها ورفعت يدينها عساس بتمسكها وبترفعها لكن طاحت شيلتها من كتفها ع الارض وارتفعت خصلات شعرها مع اتجاه الريح وطاحت عين عقاب بمنظرها وهي تبتسم للبنات ومدت لها البندري شيلتها وهي تضحك وقالت : امسكي احرقتي قلب ولدنا
الجود اخذت شيلتها وصارت تنظفها من الغبار وتقدم عقاب ودخلوا البنات للخيام ووقف قدامها ومد يدينه وغطى عليها وقال بحدة : خلصي !
الجود ابتسمت وقالت : م تشوف وسخة
سحبها عقاب من يدها ونفضها بكل قوته وقال : البسيها
لبستها وهي تضحك وقالت : غرت ؟
عقاب قرب منها وقال : عليتس ؟
الجود : اجل فيه احد ثاني ؟
عقاب : اوووه واجد بعد
الجود بغيرة وقالت تحاول تخفيها : ماشاءالله وش القلب اللي بنص ريال يغار ع كل من هب ودب !
عقاب ابتسم وقال : غرتي ؟
الجود قالت تقلده : عليك ؟
عقاب ابتسم وحضن راسها بين ذراعه وصدره وقال : يحلوتس حلواااه
الجود : اقول بنسري وانت تغزل فيني
عقاب تركها وقال بصدمة : انا اتغزل ؟ استغفر الله حاشا وكلا !
الجود ضحكت وقالت : ايه ايه يرجال مستحيل انت تسويها اقول امش بس
عقاب مشى وركب الونيت وركبت الجود معه وشافوا اهلهم ماشيين قدامهم ابتسم وقال : شرايتس نمسي عند الابل ؟
الجود برعب : عقاب امش الله يصلحك امش
عقاب مشى بالسيارة ولحق اهله معلنين نهاية طلعتهم ..
" بعيد كل البعد عن الديرة "
دانه كانت منسدحة ع سريرها وديم عندها تسولف لها بعزيمة صغيرة انتهى مطافها في غرفة دانه
ديم : المهم وراح ومستحيل يرجع وهذا اللي قاله هتان لي
دانه فزت وقالت : لحظة م كنت معتس عيدي ! من اللي راح وش قالتس هتان
ديم طارت عيونها بصدمة وقالت : يحقيييرة قاعدة اهدر ع راستس من اليوم واخرتها م تسمعين !!
دانه زفرت بملل وقالت : دييم خلصي !
ديم : دزي وربي م اقولتس
دانه ابتسمت وقالت : بطلب لتس بيتزا
ديم تقدمت وقالت : ماهر رجع لحايل ومعاد بيرجع
دانه شهقت بقوة وقالت : ااايششش !!!
ديم توسعت عيونها وقالت : وي بسم الله شفيها ذي ؟
دانه قامت وركض لجوالها وسحبته وقالت : رقم ماهر عندتس ؟
ديم هزت راسها بنفي وقالت : طلبته بس سحب نفسه وسحبت عليه
دانه دقت ع هتان علطول ووصلها صوته وهو يقول : ارحبي
دانه بعجلة قالت : البقى ومالك بالطويلة عطني رقم ماهر
لا هتان ولا ديم كانوا يدرون بمشاعر ماهر لدانه وقال : ليه !
دانه بقلة حيلة قالت : ابييه ضروري !
هتان طلع من المكالمة ودخل الواتس وارسله لها وكتبت له شكرًا سجلت الرقم ودقت علطول وهي تدعي يوصلها صوته..
" فالطرف الثاني في حايل "
صحى ماهر بتعب وسحب جواله وشافه رقم غريب استغفر وسكر وقفل جواله ورجع ينام بينما كان عند دانه انهيار عظيم وهي تبي تعتذر له من كل شيء قالته طاحت ع رجولها وقالت بصدمة وعيونها تغورقت بدموعها : قلت له معاد ابي اشوفك ونفذ كلامي !
ديم شهقت وقالت : سألتتس بالله !!
دانه رجعت تسحب جوالها وتدق عليه لكن كان مقفل نهائي بكت بحرقة وقالت : دييم انتي تعرفيني م احب اكسر احد وم عمري كسرت احد وان كاني زليت فأني اعتذر هذا شلون اجيه واعتذر له اااااه ي تأنيييب الضميير
ديم تقدمت وحضنتها وقالت : شدعوة دنو عادي م كنتي تقصدين !
دانه انهارت تبكي وقالت : وجودي مختفية بعد م سحب جوالها زوجها المختل ذا !!
ديم هزتها وقالت : خير وانا ؟ شوفيني موجودة ولا زوج ولا زفت بيبعدني منتس
دانه شّدت ع ديم وقالت : الله لا يحرمني منتس
رفعت دانه عيونها للسماء ودعت بكل حاجة وقالت بنفسها ( يالله يارب انه يرد علي يارب انه ماهو زعلان ولا بخاطره شيء علي اف يماهر وش سويت فيني ويوم بديت اتعود تروح ! ) ابتسمت بحزن وكملت وهي تقول ( صح اني كنت حقيرة وباردة وكلامي جلف لكن م تسويها وتروح نهائي ! ) قامت هي وديم اللي كانت تزن وتقول : يالله اطلبي لي الان
دانه ضحكت وقالت : منعيوني
طلبوا وجلسوا مع بعضهم يتابعون مسلسلاتهم ع نور القمرا ..
" بصباح يوم الجمعة تحديدًا الساعة تسع الصباح "
ابو فهد وهو يشرب حليب زنجبيل لف لآسر وقال : صبي !
اسر لف لأبوه وقال : لبيه يبه ؟
ابو فهد بحدة : وين عقاب صلى الفجر واختفى بنطلع للصلاة ذلحين !
اسر قام ومشى ورا البيت ووصل لغرفة عقاب والجود ودق الباب
عند عقاب كان يتأمل فالرسالة اللي حصلها بغرفتهم تحت الشباك امس وكان مضمونها :
عقاب شخبارك ؟ انا الهنوف وبقولك كم كلمة وبعدها اودعك اختفي من حياتك تعال بعد الصلاة في حوش بيتنا وبقولك كلامي والله م ابيك ترد علي حتى اسمعني ورح اهم شيء اطلع اللي بخاطري وانا اطالع عيونك لا تنسى ولا والله لا انشب لك واعفس حياتك انت وزوجتك !
سكرها وحطها بيجيبه وطلع عقاب يقرأها عند الباب وقال : لبيه ؟
اسر : لبيت حاج مشينا للصلاة
عقاب توسعت عيونه وقال : وش ؟ بدري يولد
اسر ابتسم وقال : اني عارف انه بدري لكن ابوي
عقاب مشى وسكر الباب وطلعوا للحوش وشافوا فهد وابوهم وثامر وناصر واقفين مشوا معهم وطلعوا عيال عايض وابوهم للمسجد عشان الصلاة وجلسوا فيه من صلاة تحية المسجد وادعية وشوي سوالف حتى الخطبة ثم كبروا وصلوا وطلعوا والسوق كان زحمة حتى اللي م شافوه من سنة كان موجود لف عقاب بعيونه وشاف الهنوف تأشر له يجي زفر بقرف وعصبية وقال : افتك منها يعقاب وشف وش عندها
تقدم وشافها تدخل لحقها وفتح الباب اللي تركته الهنوف مردود له ولف بعيونه وم شاف احد رجع يناظر براسه للسوق والجماعة والكل فعلاً شافوا عقاب متجهة لبيت ابو الهنوف اشر له اسر لكن م شافه عقاب ودخل وقال : بنت هنوف !
تعمق ودخل شوي وكانت الهنوف موزيه نفسها جنب الباب وتشوف قفى عقاب وهنا غدرت فيه وطلعت للسوق وم كان يسترها شيء وكانت تصارخ وتبكي وتقول : سااااععدووننيي عقااااب يحااااولل يلممسسننيي ااااه يااارربيي م خااااف رببه فيي زوجتته واهلله وفييننيي تكفووون اجررم فييننيي ييببهه غااممد حاامممدد ساعددوننيي !!!
عقاب سمع الصراخ وتوقفت الحياة عنده وكان يسمع صوته الداخلي يقول ( كيف لعبت علي وكيف استغفلتني مره ثانية !! )
ابو الهنوف شهق وقال : اممش اختتك !
غامد طار لها وغطاها وكانت ملابسها متمزقة وجروح بيدينها وصدرها وشعرها منفوش ودموعها تحفرت بخدودها كان شكلها مرعب وسبب صدمة لكل اهل الديرة واولهم عيال واحفاد مساعد
ابو فهد مسك عصاته بقوة وقال : هذ..هذي وش تقول ؟!!
اسر حس انه يدوخ وطاح ع الارض وقال : يبه يبه عق..عقاب م يسويها يب..
قاطعه صراخ عمه راشد وهو يقول : اايشش !! وباقي تداافع عنه كلنا شفناااه والله معاد تقعد بنتتي عندكم !!
ابو فلاح طار لأخوه وقال : لااا يراااشد استهد بالله
ابو تركي صرخ فيه وقال : ووخرر مننيي يسالم ترركي جب اختكك ومشييناا ماللي قعدة فيي مكان يهيين اهلي !
طلع عقاب وهو يشوف الارض مقلوبة فوق تحت وانلكم وجهه من غامد اللي طاح فيه ضرب وعقاب م كان يدافع عن نفسه وهذا اللي جلطهم واكد لهم شكوكهم فزوا اسر وناصر لأخوهم وقوموا غامد اللي كان يصارخ وكأن الهنوف متوفية ولا هي متعذبة وتحت التحرش كان شكل اخوانها مرعب وهم يصارخون وابوها ودعاويه ع ابو فهد واهله وكان كل شيء مرعب تحت فعلتها المقرفة
اسر بحدة : عققااب اننطقق وشفففيييك !
ناصر بكل رعب قال : تكفى يعقاب تكفى يخوي لاتكون الكلبة صادقة تكفى يعقييب !
عقاب م كان قادر يتكلم وهو كارهه نفسه وكارهه الساعة والدقيقة والثانية اللي مشت فيها رجوله لبيت ابو الهنوف طالعوا عيال ابو فهد بصدمة اول م شافوا ابوهم يطيح مغشي عليه بعد كل السب والكلام الثقيل ع ظهره وهو اللي لطالما كان الشامخ في ديرته ولحد شاف عليه زله لا هو ولا عياله وهنا تحرك عقاب وطار لأبوه لكن وقفته الحجرة اللي ارتطمت براسه وطاح عقاب مصاب بفتحة كبيرة براسه وكانوا اهل الديرة همج يضربون ويصارخون ولا رحموا اهل مساعد بن عبدالعزيز ال مقبل ..
" عند البنات في بيت ابو فهد "
كان الفطور يمشي بشكل جميل وبنات راشد وامهم موجودين وبنات سالم وامهم موجودين وبنات فهد بن عايض وبنات عايض وزوجته الكل كان حاضر
ام فهد وهي تسولف بفرحة قالت : وضوح شوفي انتهت الصلاة طلعي راستس شوفي بتشوفين اخوانتس وابوتس
قامت ضحى ومشت وفتحت طرف الباب وهنا كانت الصدمة حضرت ضحى كل شيء وطاحت وقالت : يممهه ابوووي يممهه
الجود طارت لها تركض وقال : وووش وشفييه !!
ضحى حضنت الجود وهمست لها علطول وهي تبكي وقالت : جوودي لا تصدقيين فعقاب تكفييين
الجود انفجعت من الكلمة وانصفقت اول م انفتح الباب وكان تركي وقال بصراخ : يييمهه ميييلا جوود امشوا
الجود برعب : وششفييه ييمه بسم الله
طاحت الجود وغطت اذنها وم كان يتردد فيها الا ترجي ضحى لها وشوي رفعت راسها والكل قايم والرجال داخلين البيت فتحت اذنها وسمعتهم يقولون : غدر فيكم اسود الوجه ، خان مرته بيوم الجمعة وبعد الصلاة ، سواها بالحرام فالهنوف بنت عبدالله .. الخ
نزلت دموعها بكل حرقة وانسحبت يدها من تركي اللي طلع امه وخواته بوصاية من ابوه اللي كان واقف عند راس اخوه الكبير وقال : عايض معاد بيني وبينك شيء الا اذا انكتب من نصيب اسود الوجه ذاك حظ وطلع ماله يد مع اني م اظن ودعناكم الله حرام فيكم العطايا والله وحرام فيكم بنتي الجود !
اسر كان يحترق وهو تأكد ان الميلا طارت من يدينه وكان يشوفهم رايحين للسيارة وفز اول م شاف عقاب يركض وهو م همه الدنيا ذي كلها وهمه ان الجود م تصدق فيه كلام وفعلاً شافته الجود وركضت له لكن انسحبت من تركي وركبها غصب وم قدرت الجود تسمع لعقاب ولا قدر عقاب يشرح للجود وراحت من يدينه وانتهى كل شيء وطاح عقاب ع رجوله وقال بحزن : والله م سويتها والله مالي دخل وقسم بالله اني مظلوم علموها تكفون لا تعيش بحزن وتعبس ملامحها عشاني تكفون يخواني قولوا لها اني مالي دخل !
اسر تقدم وحضنه وقال : بيطلع الحق امش لأبوي الحين
قام عقاب يترنح مكسور ع فراق الجود بعد م بدأ يتعلق فيها كان اليوم صادم له ولا توقع عقاب انه ممكن يصير لهم ذا كله دخل للبيت وتسكرت ابواب بيت " عايض بن مساعد ال مقبل " واصوات الحجارة ترتمي ع ابوابهم وشبابيكم مختلقة رعب بأرواح افراد بيته مشى عقاب وانضرب من ابوه بكل قوة وكسر وقال بحدة وبصوته المهزوز : سوودت وجهيي ي اسوود الوجهه عييننيي لعاااد تشووففك اطللع منن بيتتيي
اسر فز وقال : يبه لييه يبهه ماله دخل والله يبه انه مظللومم تكفى يبه الا عقاااب
لف اسر لأمه وكمل وهو يقول : ييمه شفيييكم عقاااب ماله دخل
كانوا خواته وامه يبكون بحرقة ونسوان اهل الديرة دخلوا عليهم قبل وعفسوا سفرتهم بالتراب والحجارة وكسروا صحونهم وهم كانوا يدورون الزله عليهم وحصلوها
ام فهد دخلت بدموعها وتركت عقاب ولدها وراها وخواته مشوا الا ضحى اللي تقدمت وحضنت عقاب وقال وهي تبكي : عقيب لا تبكي يخوي تكفى انت الوحيد اللي لا تنزل دمعته
عقاب نزلت دموعه حسرة وقهر فاللي صار له وقال :
وشلون م تطيح دمعتي ويبين انكساري
وانا شفت ابوي يطيح ولا بقى له ربع مثقال
وشلون وانا شفتها تروح بعيد لمكان ثاني
وصدقت كلام الناس فيني وشهدت ان ماني رجال !
كلام كثيير بداخلي بيوضح لهم صدق افعالي
لكن وش عاد يفيد والوقت مضى والوقت همّاال
-
انهار عقاب لكن م كان انهيار شهق وبكى كان بس كاتمها ودموعه تنزل بحضن اخته اللي كانت اسوء منه تبكي وتشاهق وتشّد عليه واسر يطالع فيهم ويرجف برعب من هول المنظر اللي شافه وسمعه كان ميت ولا يحس بشيء ..
::::::::::::::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم ❤️
( سلام عليكم يحباااااني وحشتوني جدًا ، رجعنا ببارت جديد مليااان احداث ادري زعلتكم القفلة لكن المشكى ع الله ، اشوفكم ع خير ببارت جديد لاتنسون النجمة عشان ينزل احبكم وعطوني رايكم بكل شيء 😢 )