ထိုဆိုင်သစ်ကိုမြင်သည်နှင့် Mrs.Fukumuraသည် နှာခေါင်းရှုံ့လိုက်ရင်း ပြောလာလေသည်။
"ဟမ့်... ဟိုဆိုင်စုတ်လေးကိုကြည့်စမ်းKeiko... ဒီလောက်ခမ်းနားတဲ့ စျေးဝယ်စင်တာကြီးမှာ အောက်တန်းကျလိုက်တာနော်။"
Keikoသည်လည်း Mrs.Fukumura၏လက်မောင်းကို တွဲချိတ်လိုက်ကာ ဆိုလာ၏။
"ဟုတ်ပနော်မာမီ။ မြေညီထပ်က သမီးရဲ့ ဖက်ရှင်ဆိုင်နဲ့များအရောင်အဆင်းချင်းတောင်ကွာသလားမမေးနဲ့။"
ပြောပြောဆိုဆိုနှင့် Keikoသည် ဆိုင်ထဲသို့ဝင်သွားလိုက်ကာ ဟိုပစ္စည်းကြည့်လိုက်ဒီပစ္စည်းကြည့်လိုက်လုပ်နေပြီးနောက် ဝန်ထမ်းမလေးကမေးလာတော့ မျက်နှာထားတင်းတင်းနှင့် ပြန်ဖြေသည်။
"ဒီဘူးကိုကြည့်လိုက်။ အရမ်းသေးလွန်းလို့ ငါ့မိတ်ကပ်ပစ္စည်းတွေတောင်ထည့်လို့မရဘူး။"
ဝန်ထမ်းမလေးက ရည်မွန်စွာပြန်ဖြေလာသည်။
"အဲဒါလေးက သေးပေမဲ့ ခိုင်ခံ့ပြီး အကြမ်းခံပါတယ်ရှင့်။ ဒါလေးတွေက ဆိုဒ်အသေးတွေပါရှင့်။ အလတ်နဲ့အကြီးဆိုဒ်လိုချင်ရင်တော့ ဒီဘက်တန်းမှာရှိပါတယ်ရှင့်။"
"ဟမ့်... သေးသေးလေးတွေ။ အကုန်လုံးက တိုတိုထွာထွာတွေချည်းပဲ။"
အမှန်တော့ ထိုဘူးလေးများသည် မိတ်ကပ်ပစ္စည်းထည့်ရန်မဟုတ်ပါချေ။ ဟင်းများကိုသိုလှောင်နိုင်သော ဘူးငယ်လေးများ ဖြစ်ပါ၏။ Keikoပြောသမျှကို ထိုမိန်းကလေးက စိတ်ရှည်လက်ရှည်ရှင်းပြနေသော်လည်း Keikoက မန်နေဂျာကို ခေါ်လိုသည်။
"ဟုတ်။ ကျွန်မက မန်နေဂျာပါပဲရှင့်။"
ထိုကောင်မလေးက ပြောလာချိန်တွင်တော့ Keikoအံ့အားသင့်သွားကာ တာဝန်ရှိသူကိုရှာခိုင်းပြန်သည်။ ထိုမိန်းကလေးက သူမကသာ ဆိုင်မှာတာဝန်ရှိသူဖြစ်မှန်းပြောလာပြန်သည်။
အမှန်တော့ Keikoစဝင်လာကတည်းက ထိုမိန်းကလေးက သူမကို သတိထားမိကာ အခြားအရောင်းစာရေးများကိုမကိုင်တွယ်စေဘဲ သူမကိုယ်တိုင်ဝန်ဆောင်မှုပေးတာဖြစ်လေသည်။ AIစက်ရုပ်များရှိနေသော်ငြား Shiro၏ဆိုင်က ထိုစျေးကြီးသောအရာများကို မတတ်နိုင်သေးတာကြောင့် AIစနစ်နှင့် မထားရှိရသေးတာဖြစ်လေသည်။
YOU ARE READING
အချစ်ဆုံးသို့
RomanceAkiraသည် ဝတ္ထုထဲမှ ဗီလိန်တစ်ဦးကို ချစ်မြတ်နိုးခဲ့သည်။ ထိုဗီလိန်သေဆုံးသွားချိန်တွင်တော့ သူနာကျင်ခံစားခဲ့ရသည်။ သူပြောချင်ခဲ့သည်။ သူသာဆိုလျှင် ထိုလူသားကို အပျော်ရွှင်ဆုံးသူဖြစ်အောင် ထားပေးနိုင်ပါသည်ဟူ၍။ တကယ်မတည်ရှိသော ထိုလူသားကိုချစ်မြတ်နိုးရင်း သူမခံ...
Part-10
Start from the beginning
