သုခေတ်ရဲ့ သီချင်းAlbmအသစ်ထွက်သည့်နေ့အထိ ဒေါ်မေသူနှင်း company သို့ မလာခဲ့။ ဤမျှရှည်လျားသော အချိန်ကာလက သူမ၏ စံချိန်တင် ပျက်ကွက်မှုဖြစ်သည်။
ကိုယ့်ဘာသာကိုယ် တသီးတသန့်နေပြီး သုခေတ် မိဘတွေအကြောင်း ဝင်မစွက်ဖက်သည့် ဘုန်းမြတ်ဖြိုးပင်လျှင် ယောက္ခမ၏ အခြေအနေကို အာရုံမစိုက်ဘဲ မနေနိုင်တော့ပေ။
ဘုန်းမြတ်ဖြိုးက သုခေတ်ကို ပြောလာ၏။
"အန်တီ ဒီတိုင်းနေနေတာ မကောင်းလောက်ဘူး ကြာရင် စိတ်ဓာတ်ကျသွားမှာ စိုးရတယ် "
"အင်း ငါလည်း သွားတွေ့တာပဲ
အမေ့ကို ချော့ဖို့လုပ်ပေမယ့် သူက အမြဲ အကြောင်းတစ်ခုခုပြပြီး နှင်လွှတ်တာ "သုခေတ်က သက်ပြင်းချသည်။
သူ့ အမေသည် အရင်တုန်းက လုပ်ဒဏ်တွေကြောင့် စိတ်ပြေလက်ပျောက် အနားယူချင်လို့ အိမ်မှာပဲ နေနေတယ်လို့ တွေးပြီး မနှောင့်ယှက်ဖို့ လုပ်ထားသော်လည်း ဒီ အခြေအနေက စိတ်ချစရာ အနေအထားမျိုးမဟုတ်တော့ပေ။"ပိတ်ရက်ကျရင် တစ်ခေါက်တူတူသွားရအောင် ကိုယ်ပါ လိုက်ခဲ့ပေးမယ်လေ သားကလည်း အဲ့ဘက်အိမ်ကို လွမ်းနေတဲ့ပုံပဲ "
"ကောင်းပြီလေ အဲ့လိုလုပ်ကြည့်ကြတာပေါ့ "
"ဖေကြီး... သားတို့ ဘယ်ထပ်သွားကြမလို့လဲ "
လှေကားပေါ်က ဆင်းလာတဲ့ မြတ်မင်းခက ဖခင်နှစ်ဦးရဲ့ စကားကို အပြည့်အဝမကြားလိုက်တာကြောင့် အသံစာစာဖြင့် အော်မေးသည်။"ဖွားဖွားတို့ အိမ်ကိုသွားမလို့လေ သားကျောင်းပိတ်တဲ့ရက်ကျရင် "
"ဟို တစ်ခေါက်ကလို အဝေးကြီး မသွားတော့ဘူးလား "
ခရီးတစ်ခေါက်ထွက်လိုက်တာနဲ့ မြတ်ခင်းခက နောက်တစ်ကြိမ် ဘယ်တော့လဲဆိုတာသာ တွေးနေတော့သည်။
"ဘာလဲ သားက ဖွားဖွားတို့အိမ် မသွားချင်ဘူးလား အခု ဖွားဖွားကြီးရော ဖွားဖွားရော နေမကောင်းဖြစ်နေတာလေရော "
"သွားမှာ သားသား သွားမှာ "
ကလေးကို ခေါ်သွားလို့ အဆင်ပြေပါ့မလား မသိပေမယ့် အရင်တစ်ခါလိုမျိုး အမေက မြတ်မင်းခကို လျစ်လျူရှုမှာကိုလည်း သုခေတ်စိုးရိမ်သည်။
![](https://img.wattpad.com/cover/331975493-288-k738340.jpg)
YOU ARE READING
အသိုက်ထဲက ဆည်းလည်းလေး [COMPLETED]
Romanceကလေးမယူဘဲ နှစ်ယောက်တည်း သီးသန့်ကမ္ဘာလေးမှာ အသားကျနေတဲ့ သူတို့။ သူတို့ ဘဝထဲကိုမှ ဆိုက်ဆိုက်မြိုက်မြိုက်ရောက်ရှိလာတဲ့ ထိုကလေးပေါက်စ။ ကေလးမယူဘဲ ႏွစ္ေယာက္တည္း သီးသန႔္ကမၻာေလးမွာ အသားက်ေနတဲ့ သူတို႔။ သူတို႔ ဘဝထဲကိုမွ ဆိုက္ဆိုက္ၿမိဳက္ၿမိဳက္ေရာက္ရွိလာတဲ့ ထို...