အိုးမျက်နှာပြင်ပေါ်မှာ ဝေ့လာတဲ့ ဆီတွေကို စစ်ထုတ်လိုက်တော့ ကြက်စွပ်ပြုတ်က ပိုပြီး စားချင်စဖွယ်ဖြစ်လာတယ်။
ဒေါ်မာလာနှင်းရောက်လာပြီးနောက်ပိုင်း သူမကပဲ မိခင်ဖြစ်သူအတွက် ကိုယ်တိုင် စီမံချက်ပြုတ်သည်။
"အဘွားစားခါနီးကျရင် နွေးပြီး ငရုတ်ကောင်းနဲ့ ကြက်သွန်မြိတ်လေးဖြူးပြီး ယူလာခဲ့ အရည်တွေအများကြီး မခပ်နဲ့နော် "
အိမ်အကူတွေကို မှာစရာရှိတာမှာကာ ဧည့်ခန်းထဲသို့ထွက်လာတော့ တစ်ယောက်တည်း အရုပ်ဆက်နေတဲ့ သုခေတ်ရဲ့ သားလေးကို တွေ့လိုက်ရတယ်။
"ဧည့်ခန်းထဲမှာ အရုပ်တွေ မဖွရဘူးလေ... စုနွယ် ဘယ်မှာလဲ အရုပ်တွေရှင်းပြီး ကလေးကို သူ့ အခန်းထဲခေါ်သွားလိုက် "
မစုနွယ်က မြတ်မင်းခရဲ့ အရုပ် အပိုင်းအစတွေကို ကောက်သိမ်းမယ်လုပ်တော့ မြတ်မင်းခက လက်မခံ။
"ဟင့်အင်း သိမ်းလို့မရဘူးလေ သားက တစ်ခုချင်းစီ သေချာခွဲထားတာကို တီတီက ပြန်ရောလိုက်တော့ သားက ဘယ်လိုလုပ် မှတ်မိတော့မှာလဲ တီတီရဲ့ "
"အပေါ်ရောက်ရင် တီတီပြန်ခွဲပေးမယ် "
"မရပါဘူး သားက သားဟာသား ဆက်ထားတာဆိုပြီး ဖေကြီးကို ပြမလို့ တီတီ ကူလို့မရဘူး "
ဒေါ်မာလာနှင်းက နထင်ကို လက်နဲ့ ဖိလိုက်သည်။
"ပြောမရလည်း ထားလိုက်တော့ဟေ့ ငါ အပေါ်မှာရှိမယ် အမေ့ နားမှာနေမလို့ "
မြတ်မင်းခက သူ့ဘာသူ ဆော့နေဆဲ။
ဒေါ်မေသူနှင်း အပေါ်ထပ်ရောက်တော့ အဖွားသူဇာရဲ့ အခန်းတံခါးကပွင့်လာပြီး ဒေါ်မေသူနှင်းက အခန်းထဲကထွက်လာတယ်။
"အမေက တရေးအိပ်ဦးမလို့တဲ့ ""ဟယ် ငါက သူစားတော့မယ်ထင်လို့ လာမေးတာ "
"ညက တစ်ညလုံး အိပ်မပျော်လို့ထင်ပါရဲ့ "
"အဲ့ဒါဆို အတော်ပဲ ငါ နင့်ကို ပြောစရာရှိလို့ "
"ဘာပြောမလို့လဲ "
"ငါ့ အခန်းထဲမှာပြောမယ်..."
ဒေါ်မေသူနှင်းကလည်း ဒေါ်မာလာနှင်း နောက်ကလိုက်လာတယ်။
![](https://img.wattpad.com/cover/331975493-288-k738340.jpg)
YOU ARE READING
အသိုက်ထဲက ဆည်းလည်းလေး [COMPLETED]
Romanceကလေးမယူဘဲ နှစ်ယောက်တည်း သီးသန့်ကမ္ဘာလေးမှာ အသားကျနေတဲ့ သူတို့။ သူတို့ ဘဝထဲကိုမှ ဆိုက်ဆိုက်မြိုက်မြိုက်ရောက်ရှိလာတဲ့ ထိုကလေးပေါက်စ။ ကေလးမယူဘဲ ႏွစ္ေယာက္တည္း သီးသန႔္ကမၻာေလးမွာ အသားက်ေနတဲ့ သူတို႔။ သူတို႔ ဘဝထဲကိုမွ ဆိုက္ဆိုက္ၿမိဳက္ၿမိဳက္ေရာက္ရွိလာတဲ့ ထို...