သုခေတ်က မျိုးသီဟနိုင်နဲ့ တွေ့ခဲ့တဲ့ ကိစ္စကို ဘယ်သူကိုမှ မပြောရသေးပေမယ့် သီဟမျိုးနိုင်ကတော့ အငြိမ်မနေဘဲ ရှင်လောင်း နတ်ပြသလို သူတို့ အဖွဲ့ထဲက လူတိုင်းကို ရည်ရွယ်ချက်ရှိရှိ လိုက်တွေ့နေဟန်တူသည်။
အရင်နေ့က သူ့ အဖေကြောင့် မျိုးသီဟနိုင်နဲ့ တွေ့လိုက်ရတဲ့ အကြောင်း သုခေတ်ပြောပြလိုက်တယ်။
"ဘာလဲဟ အဲ့ကောင်က ငါတို့ အကုန်လုံးကို လိုက်တွေ့နေတာလား "
"သူ့ ဆာဂျရီမျက်ခွက်ကြီးကို လိုက်ကြွားတာနေမှာပေါ့ "
ဇွဲခန့်ကိုက ခပ်ချေချေပြောရင်း ရီလေတယ်။လျှန်းညီက ဘာမှပြောဘဲ ငြိမ်နေတာကြောင့် သုခေတ်က မေးလိုက်တယ်။
"မင်းကိုရော ဆက်သွယ်သေးလား ""အင်း ပြန်ရောက်ကတည်းက စာပို့တယ် အပြင်မှာတော့ မတွေ့ဘူး "
"ဘာလို့ ငါကို မပြောတာလဲ အဲ့ကောင်ကရော ဘယ်လိုလုပ်ပြီး မင်း ဖုန်းနံပါတ်ကို သိသွားတာလဲ " အဂ္ဂါဦးက လျှန်းညီစကားကြောင့် ရှူးရှူးရှားရှားဖြစ်သွားတယ်။
မျိုးသီဟနိုင် ခြေတံလက်တံရှည်ပုံမျိုးနဲ့ ဒီနယ်ပယ်ထဲမှာ အလုပ်လုပ်နေတဲ့ ဘယ်သူ့ကို မဆို တီးခေါက်ကြည့်လိုက်ရင် လျှန်းညီရဲ့ ဖုန်းနံပါတ်ကိုရဖို့က မခက်။
"အဲ့ကောင် တစ်ခုခုပြဿနာရှာတာနဲ့ ငါတို့ကိုချက်ချင်း ပြောနော် "
သုခေတ် စကားကို လျှန်းညီက ခေါင်းညိမ့်တယ်။"မပူပါနဲ့ သူ ထပ်ပြီး မစရဲလောက်တော့ပါဘူး "
သုခေတ်ကတော့ မထင်ပါ။
လျှန်းညီက ဘာမှ မဖြစ်သလို အေးအေးလူလူနေနေပေမယ့် သူ့ နှုတ်ခမ်းမှာ piercing အသစ်တစ်ခု ထပ်ဖောက်လိုက်ပြန်ပြီ။
ဒီကောင်လေးကတော့...
သုခေတ်လိုပဲ ဇွဲခန့်ကိုကလည်း လျှန်းညီရဲ့ piercing အသစ်ကို မြင်သွားတယ်။
"ညီညီ မင်းဘယ်တုန်းက ဖောက်လိုက်တာလဲ lip piercing "
"သိပ်မကြာသေးဘူး ဒါက "
လျှန်းညီရဲ့ နှုတ်ခမ်းက ဒဏ်ရာကြောင့် ခပ်ဖူးဖူးလေးဖြစ်နေတယ်။
YOU ARE READING
အသိုက်ထဲက ဆည်းလည်းလေး [COMPLETED]
Romanceကလေးမယူဘဲ နှစ်ယောက်တည်း သီးသန့်ကမ္ဘာလေးမှာ အသားကျနေတဲ့ သူတို့။ သူတို့ ဘဝထဲကိုမှ ဆိုက်ဆိုက်မြိုက်မြိုက်ရောက်ရှိလာတဲ့ ထိုကလေးပေါက်စ။ ကေလးမယူဘဲ ႏွစ္ေယာက္တည္း သီးသန႔္ကမၻာေလးမွာ အသားက်ေနတဲ့ သူတို႔။ သူတို႔ ဘဝထဲကိုမွ ဆိုက္ဆိုက္ၿမိဳက္ၿမိဳက္ေရာက္ရွိလာတဲ့ ထို...