"အဲ့လိုတော့လည်းမဟုတ်ဘူး သူတွဲတဲ့ လူတိုင်းက သူ့ စရိုက်နဲ့ မကိုက်တာ "
ရှယ်လီက ခဏစဉ်းစားနေ၏။
"သူက ဘယ်လိုပုံစံမျိုးကို ကြိုက်တာလဲ "
"ချောရမယ် ခေတ်ဆန်ရမယ် ပြီးတော့ စကားအရမ်းမများတဲ့ လူမျိုး "
"အဲ့ဒါဆို ငါနဲ့ ကွက်တိပဲဟဲ့ "
ဘယ်နားကများ ကွက်တိတာလဲ ဆိုတဲ့ အမေးကိုတော့ သုခေတ် စိတ်ထဲမှာပဲ သိမ်းထားလိုက်တော့သည်။
ရှယ်လီ သူ့ အလုပ်ခန်းကနေ မြူးတူးစွာထွက်သွားပြီးနောက်တော့ သုခေတ်မှာ လုပ်စရာထွေထွေထူးထူးမရှိတော့ပေ။
------သီချင်းမူကြမ်းတွေကို အချောသတ်ကာ နာရီကို ကြည့်လိုက်တာ့ နှစ်နာရီခွဲသာရှိသေးသည်။
ဒီနေ့လည်း အလုပ်စောဆင်းတဲ့ နေ့ပါပဲလား။
ရုံးခန်းထဲကထွက်ဖို့ တံခါးဖွင့်လိုက်စဉ်မှာပဲ မန်နေဂျာ မြပွင့်ချယ်က အပြေးအလွှားရောက်လာတယ်။
"ဘာဖြစ်လို့လဲ "
"သုခေတ် နင် ဟိုပုံမြင်ပြီးပြီလား "
"ဘယ်ပုံလဲ "
သူအရင်ဆုံးတွေးလိုက်မိတာ လျှန်းညီရဲ့ ကိစ္စကိုဖြစ်သည်။ ဒါပေမယ့် မန်နေဂျာ ဆက်ပြောလာတဲ့ စကားကြောင့် သူ့ ခေါင်းထဲမှာ ခေတ္တ ဗလာဖြစ်သွားတယ်။
"မြတ်မင်းခနဲ့ နင်နဲ့ မုန့်ဆိုင်ကပုံလေ "
မန်နေဂျာက ပြန့်နှံ့နေတဲ့ သတင်းတွေကို ဖတ်လက်စ သူ့ဖုန်းအား သုခေတ်လက်ထဲသို့ ထည့်ပေးလာတယ်။
ပုံမှာ မြတ်မင်းခ မျက်နှာကိုတောင် ဝါးမထားဘူး။ သုခေတ် အတော်လေး စိတ်ပူသွားတယ်။
"ကလေးကို သွားကြိုလိုက်ဦးမယ် "
"နေဦး ! "
မန်နေဂျာက တားသည်။
"MD က အခု ပြန်လာပြီတယ် ငါ့ကို S နိုင်ငံ လေဆိပ်ကနေ ဖုန်းဆက်တယ် ငါ ဒရိုက်ဘာ ဦးလေးကြီးကို ဖုန်းဆက်ပြီးပြီ မြတ်မင်းခကို နင်တို့ အိမ်ကို ပြန်ပို့ပေးဖို့ "
S နိုင်ငံ လေဆိပ်? အဖေပြောတော့ အမေက ဘန်ကောက်သွားတယ်လို့ ပြောခဲ့တာပါ။
![](https://img.wattpad.com/cover/331975493-288-k738340.jpg)
YOU ARE READING
အသိုက်ထဲက ဆည်းလည်းလေး [COMPLETED]
Romanceကလေးမယူဘဲ နှစ်ယောက်တည်း သီးသန့်ကမ္ဘာလေးမှာ အသားကျနေတဲ့ သူတို့။ သူတို့ ဘဝထဲကိုမှ ဆိုက်ဆိုက်မြိုက်မြိုက်ရောက်ရှိလာတဲ့ ထိုကလေးပေါက်စ။ ကေလးမယူဘဲ ႏွစ္ေယာက္တည္း သီးသန႔္ကမၻာေလးမွာ အသားက်ေနတဲ့ သူတို႔။ သူတို႔ ဘဝထဲကိုမွ ဆိုက္ဆိုက္ၿမိဳက္ၿမိဳက္ေရာက္ရွိလာတဲ့ ထို...