"هي كمان دخلت غيبوبة؟؟"
"ايوة لمدة أسبوع عشان كان عندها إصابة في الدماغ بس مكانتش خطيرة الحمد لله، و مش بس كدة ده كمان سبب الحادثة هو و اخته عهد مقالتش حاجة بس انا حاسة انهم هما الاتنين السبب"
كان يشعر بالألم كلما تفوهت شقيقته بهذه الاخبار المريرة و الصادمة، هل تحملت عهد كل هذا بمفردها؟! رفع رأسه لينظر إلى ملك التي قالت بأبتسامة:
"بس الاهم من كل ده أن عهد متقبلتش وضعها و قررت تتحدى نفسها عشان ترجع زي الاول، أيوة خدت وقت طويل لكن المهم انها رجعت و اهلها كانوا معاها و بيدعموها على طول، بس هي في مرة راحت عند دكتور و قالها انه نسبة شفاء الشلل الآحادي قليلة جداً عشان كدة عهد بدأت تخرج من دماغها فكرة انها تشفى منه و تقبلت نفسها زي ما هي دلوقتي و اللي استحملته عهد كتير اوووي انا لو مكانها مكنتش اتحركت من بيتنا اصلا"
انهت حديثها بسخرية لاذعة ليبتسم إلياس مردفا:
"لا كنتي اتحركتي و بقيتي زي عهد انا عارفك مفيش حاجة تقدر تقف قصادك و الدليل انك هتروحي و تساعدي الحاج في شغله"
"ما هو انت لو مكنتش فتحت شركتك كنت اشتغلت معاه هنضحك على بعض ليه؟!"
"الحمد لله نجحت فيها و بشتغل كويس كمان"
"الحمد لله، بس يلا قولي بقى على اللي اتفقنا عليه"
"ماشي هقولك بس مش عايز حد يعرف سيرة عن الموضوع ده فاهمة"
"اعتبرتي من اللحظة دي خرسااااااء و مش هفتح بوقي ده لأي حد حتى عهد نفسها"
"تمام"
اومئ ليبدأ بأخبارها بكل ما كان يخفيه داخله و ملك كانت تُصدم مما تسمعه منه.
:-:-:-:-:-:-:-:-:-:-:-:-:-:-:-:-:-:-:-:-:-:-:-:-:-:
وضعت فلاشة امام رئيستها في العمل و هو وضع تقاريره و اخباره الحصرية بعد ترتيبها بشكل متناسق، امسكت هدى كلا الإثنين و تفحصتهما لتنظر بأعين لامعة إليهما:
"هو ده الشغل يا إما بلاش انا فعلا محظوظة بيكم"
"المقال هينزل؟!"
"طبعاً هينزل بكرة ان شاء الله"
"طيب تمام نروح احنا بقى نكمل شغلنا"
"ايه ده انا افتكرت انكم هتطلبوا إجازة باقي اليوم عشان سهرتوا امبارح!!"
YOU ARE READING
|| عهد إلياس ||™ 2023
General Fiction🍃 كنت على الثبات و هزتني 🍃 • هو أمضى و مازال يمضي وقته في العمل دون الأهتمام بأي شيء آخر • • هي رغم تعرضها لحادث أدى إلى إصابتها بالشلل لم تفقد الأمل في إكمال حياتها • • إلتقيا في حدث معين مما جعله يتعلق بها • • هذه الرواية تروي كفاحه نحوها و ليس...
Ω 3 Ω
Start from the beginning
