جلسا مقابل بعضهما البعض على المقاعد الموجودة في حديقة البيت و كانت ملك قد وضعت مسبقاً بعض الوجبات الخفيفة حتى تسلي نفسها في هذا الطقس الخريفي الجميل، لكنها قررت الاستمتاع بهم فيما بعد حتى تركز مع شقيقها الجالس أمامها ماذا يريد أن يعرف رغم انه لم يمضي على عودتها سوا ساعة و نصف فقط.
اراحت ظهرها على المقعد و عقدت ذراعيها اسفل صدرها محدقة به لتسأله:
"مالك؟ مش من عادتك تبقى بالحالة دي ولا يكون شكلك كدة اول ما تشوفني!!"
"ملك"
همهمت بتسأل بعد منادته لها لـ يطلب منها بصوت هادئ مع ملامح جادة تراها لأول مرة معه:
"ممكن اعرف منك ايه اللي حصل لـ صاحبتك عهد؟"
لم تتوقع طلبه هذا ابدا لتردد أسمها بخفوت و أستغراب:
"عهد؟"
اومئ مؤكداً:
"أيوة عهد، عايز اعرف ايه اللي حصلها مش هي اتجوزت من سنتين تقريباً ؟!"
"طيب انا هقولك بس عايزة اعرف سببك الأول"
"لا انتي قوليلي اللي حصل عشان اعرف افهمك الحوار من الأول خالص و ده وعد مني انك القعدة دي هتتخلد في التاريخ"
نظرت له بصدمة لترتجف كتفاها بشكل ملحوظ مردفة:
"طالما قولت الكلمتين دول يبقى فعلا الموضوع مهم"
"ايوة و مهم جداً كمان"
عادت إلى وضعها السابق لتخبره:
"الكلام اللي انت قولته صح، المفروض انها من سنتين كانت اتجوزت خطيبها بس محصلش كدة عشان عملت حادثة قبل الفرح بأسبوعين و اكيد انت شوفتها و هي ماسكة عكازها"
"ايوة شوفتها فعلاً"
" بتستخدمها عشان رجلها مصابة بالشلل الآحادي و خدت فترة إعادة تأهيل جسدي و نفسي لمدة نص سنة بعدها بدأت تعمل جلسات طبيعية و تتعلم ترجع لحياتها زي الاول عشان الشغل بردو و الحمد لله مدام هدى صاحبة دار الصحافة ساعدتها ترجع لشغلها و مخلتهاش تسيب الشغل عشان حالتها، ده غير انها مش لوحدها هيثم دايما معاها"
تنهدت بخفة ليسألها:
"طيب و خطيبها؟"
"خطيبها ده واحد سافل و حيوان معندوش دم أصلا، بعد ما عرف حالتها فركش الخطوبة و وقتها عهد مكانتش لسا فاقت من الغيبوبة أصلا"
YOU ARE READING
|| عهد إلياس ||™ 2023
General Fiction🍃 كنت على الثبات و هزتني 🍃 • هو أمضى و مازال يمضي وقته في العمل دون الأهتمام بأي شيء آخر • • هي رغم تعرضها لحادث أدى إلى إصابتها بالشلل لم تفقد الأمل في إكمال حياتها • • إلتقيا في حدث معين مما جعله يتعلق بها • • هذه الرواية تروي كفاحه نحوها و ليس...
