ALTERNATE UNIVERSE ONE SHOTS

Rewrite The Stars

Noong naisuot ko na ay humarap ako sa kanya.

"Ayan okay na po ba, boss?" Sarcastic kong tanong sa kanya.

"Perfect na perfect." Tawa niya at bigla nalang ginulo yung buhok ko.

"Yawa ka! Tigilan mo yang buhok ko!" Paghampas ko sa mga kamay niya.

"Ang arte ah, eh wig mo lang yan."

"Ang ingay mo, Ezekiel Jameson!" Hampas ko sa balikat niya.

"Pag may nakarinig sayo, sinasabi ko talaga, makakatikim ka sakin." Pagbabanta ko sa kanya.

"At ano naman ang gagawin mo sa akin?" Paghahamon niyang sagot sa akin.

"Pag ikaw bigla kong hinalikan sa kaingayan ng bibig mo, walang sisihin." Wala sa pagiisip kong sagot sa hamon niya.

Bigla naman niyang kinuha ang braso ko at hinala iyon dahilan para halos magdikit ang mga mukha namin.

"Kung matapang ka, sige gawin mo." Pangaasar niya sa akin habang nakatingin sa mata ko.

"Kung talagang matapang ka, Raven Madeline, gawin mo na ang isa na nasa bucket list mo."

Hinawakan niya muna ang baba ko bago siya nagsalita ulit.

"Halikan mo nga ako."

Sasagot na sana ako ng may biglang nagsalita.

"Putangina!" Tili ni Nathalie sa amin.

"Wag naman kayong gumawa ng kahalayan sa veranda!"

Kaagad ko namang tinulak si EJ palayo dahil sa gulat.

"Thalie!" Sigaw ko rin sa kanya. "Ano ba yang naiisip mo?!"

"Kung hindi pako dumating malamang naghalikan na kayo dito."

"Hindi ah." Sabay naming tanggi ni EJ sa kanya.

Kahit na iyon talaga ang ugat kung bakit halos magkadikit na ang mga mukha namin.

Ikaw naman kasi Raven, hindi mo pinagiisipan ang mga binibitawan mong salita. Ikaw pa naghamon na manghahalik, eh hindi ka pa nga nahahalikan ng kahit na sino. Pagsermon ko sa sarili ko.

"Sabay pa nga." Asar niya sa aming dalawa.

"Sige sabi niyo eh." Dagdag pa niya bago umalis.

"Halika pumasok na rin tayo." Aya ko kay EJ.

"Mabuti pa nga." Sagot naman niya at sabay kaming pumasok sa loob.

Pagpasok ko sa kwarto kung saan kaming natutulog na lima ay kaagad na bumungad sa akin ang mapangasar na ngiti nung apat.

May pakpak nga talaga ang balita.

"Ravkiel is sailing mga marse!" Hiyaw ni Nathalie habang may pinapakita na larawan.

Picture namin ni EJ habang nasa veranda at nakayakap si EJ sa akin. Likod lang ni EJ ang halos kita sa litrato.