البارت الأول

164K 3.2K 364
                                    

بداية روايتنا تنطلق الاحداث من عزبة ابو فهد واللي تبعد عن الديرة بأميال
ابو فهد بحدة : ي عقااااب
عقاب فز وضرب راسه في شبك الابل وانخرق بجرح وصرخ بأعلى صوته : يالبييييه يببه
اسر طاح يضحك : قم قم والله لو انك منكسر م يخليك ابوي قم روح له قبل يحول علينا
ناصر ابتسم : عقاب قمم !
عقاب ناظرهم بحقد وقام وراح لأبوه يركض وراسه ينزف من تحت
ابو فهد بعصبية : اعنبوك انت وينك من اليوم ازهم !
عقاب بهدوء يعكس الغضب اللي اجتاحه نطق : كنت احلب الناقة ورا م ناديت اسر وناصر بدالي !
ابو فهد علطول رمى الفنجال على وجه عقاب وانكسر وانجرحت جبهته واحرقته القهوة وقال بحدة : انااا تررد عليي بكللاامك لوو ابييهم نادييتهم يالعااقب !
فز ابو فلاح لعقاب ومسكه وقال بخوف : الله يهدييك يعايض وشقومك ع الصبي !
ابو تركي بحدة : يستاهل ورا م يجي ابوه من اول مره
ابو فهد بعصبية : ولدي وانا اعرف له
عقاب مسح وجهه وقال : سم امرني
ابو فهد بغضب الارض نطق وقال : بزوجك !
توسعت عيونه وقال : اايشش !
ابو فهد : انا اعرف بمصلحتك مالك الا اللي يرضيك
عقاب بحدة : يبه الله يهديك ناصر اكبر مني ليه م تزوجه وليه انا وش م شكيت لك وقلت ابي اتزوج
ابو فهد بحدة : بس عااد ناصر معاد فيه طب يبي يصير دكتور فالمستشفيات المختلطة وعند الحريم والرجال والعرب الفاسقين معاد فيني حيله له وانت اقرب من ناصر وراح عليك عمرك وانت م اعرست
عقاب تلطم وقال بهدوء : م ابيه الزواج ذا ولعاد اسمعك يبه تجيب طاريه عندي
وراح وهو يسمع تحسب ودعاوي ابوه عليه
ابو فلاح : بس ي عايض بس خلاص والله اذا استمريت كذا بيتركونك عيالك وبتشوف
ابو تركي مسك ابو فلاح وقال بهمس : سالم مالك لزوم بينه وبين عياله
ابو فهد قال بحدة وهو يضرب يده ع الارض : انا اربيهم كذا محد له دخل بعيالي !!
" عند خيمة الحريم "
عقاب دخل الخيمة وشاف المراية الصغيرة وفتح وجهه وشاف الجرح كيف كان ينزف ووجهه احمر من حرارة القهوة
فزوا ضحى والبندري ركض له
ضحى بخوف : ييمهه تعااالي شوفيي وجه عقااب
البندري : ابوي صح ؟
عقاب بحدة : ضحى اقصري صوتتس !!
ضحى ضحكت بأستفزاز : حتى وانت بأسوء حالاتك تغار المهم عينك سالمة ؟
عقاب صد منها وقال : ابشرتس
ام فهد جات ركض ومسكت جرحه بقطعة قماش حطت فيها ملح ومويه وتكهرب جسم عقاب بس م كان واضح عليه
غالية جات وقالت : يالله الله يهديه ابوي وانت لعاد تعانده
عقاب : احلفي ؟
اسر وقف عند مدخل الخيمة وقال : يوولدد
ضحى : ادخل م فيه احد البنات داخل
اسر دخل وجلس وحضن ضحى وقال : م ابي البنات ابيتس انتي
ضحى بحب : واه ياليت عقاب يتعلم منك
عقاب ناظرها بنظرة مرعبة وقال : ضويحي م ودك تعقل !
ضحى واسر انفجروا يضحكون وقامت ضحى ودخلت للحريم  وقابلت الجود قدامها
الجود : بنت وشسالفة ؟
ضحى بملل : وش يعني ابوي ضرب واحد من اخواني
الجود بعتب : وعمي متى ناوي يعقل ؟
ضحى ضحكت : اذا حجت البقر على قرونها
الجود ضربتها بخفة : اص لا يسمعتس بيكمل عليتس
ضحى : اصلاً محد ماسكه الا اخواني ياكلون من الضرب م لا يشتهون عشان م ننطق انا وبندري
الجود : الله يعين يختي
ام فهد دخلت وقالت : بنات تخيلوا !
ام تركي لفت : وش ؟
ام تالين : شسالفة ؟
ام فهد بقلة حيلة : عايض يبي يزوج عقاب
ام تركي ابتسمت وهي تبي تفتك منهم وقال : طيب الله يجيب الخير
ام فهد : طيب عقاب رافض وخايفة يجبره
ام تالين ضحكت وقالت بصوت مرتفع : حشى والله لو انه حرمه عشان يجبره
عقاب سمعها وقال بحدة وعيونه تطلع شرار : بنتت الكلاااب ذيي اذا م سكتت دخللتت علييها !
فزوا الحريم كلهم برعب وقالت ام فهد : بس ي عقاب بس
اسر ضرب عقاب وسحبه برا الخيمة وقال : خييير عقااب وشفييك !
عقاب دف اسر بهدوء وقال : وخر مني انت بذات م ابي اوجعك
اسر بحدة : اعقب وانا الاسر والله م توجعني واني معك ي عقاب في خيرها وشرها
عقاب تلطم وراح وترك اسر وراه واتجهة للونيت وفتح الباب وجلس فيه يبي يبعد الافكار السيئة من راسه وماهي الا ثواني وحس بيد ع كتفه ولف وشاف فهد اخوه
فهد بحدة : وبعديين معك !
عقاب مسح وجهه وشنبه وقال : واللذي نفسي بيده اذا م ذلفت مني م يحصلك طيب !
فهد ضحك بسخرية وقال : اسمع بس علمن يوصلك ويتعداك عرس وبتعرس وم فيه كلمة تعلى ع كلمة ابو فهد !
عقاب كان ساكت عشان معزة فهد لأبوه ويعرف خبث فهد وكيف بيقلب كل شيء ع راسه ومشى وضرب كتفه العريض بكتف فهد النحيل وتركه وراه واتجهة للرجال
" عند الرجال "
فلاح : عقاب تلعب بلوت ؟
عقاب هز راسه بنفي وكمل يشتغل
فلاح بضيق : ياليل صدق الحين ناقصنا واحد
اسر : طيب تركي ؟
فلاح بهمس : لا تكفى ارحمنا منه
ناصر ناظرهم بحدة وقال : تركي تلعب ؟
تركي تقدم وجلس وقال : يالله
فلاح دق ركبة ناصر بقوة وقال بهمس : الله يشلك يحمار
طاح اسر يضحك وانصفق وجهه بعقال ابوه اللي رماه عليه وقال بحدة : وانت مغير تضحك قمم قام نقمك وساعد عقاب !
اسر فز لعقاب وقال : يشييينك انت بعد
عقاب ناظره بحدة وقال : خيير وشلي منها لزوم !
اسر بهمس : اص وعطني الدلة
عقاب مد الدلة لآسر واخذها وهي حااارة بس كانوا عيال عايض متعودين ع كل شيء
قام اسر وصب لعمانه وعيالهم واخوانه وقرب من ابوه اول م خلص وقال بهمس : يبه
لف له ابو فهد وقال : وش تبي ؟
اسر : بروح للخوصاء اشوفها واجيكم
ابو فهد هز راسه بموافقة وقال : لاتطول
اسر فز بفرحة وهو اول مره يوافق ابوه واشر لفلاح يلحقه وفز فلاح ركض معه
" قريب من الاسطبل اللي كان يبعد اميال عن العزبة "
فلاح بتعب : ولدد ويين راييح
اسر : للخوصاااء والاددهم
فلاح ابتسم وقال : اصبرر بناديه وبشوف بيجي ولا لا
اسر هز راسه بنعم واعتلى صوت فلاح فالاسطبل وهو يقول : يالادهههممم
الادهم طلع يركض ع صوت فلاح اللي يناديه وركض حتى وصل قدام فلاح اللي فز من الارض وركب عليه وصار يتراقص الادهم بفلاح
فلاح وهو يضحك : اسر دورك بالله نادها
اسر ابتسم وارتفع صوته الرخّيم وهو يقول : يالخووصصااء
فزت الخوصاء وركضت بالميلا اللي كانت متمسكة وتبي تركب وتحقق حلمها وفعلاً ركبت الا شوي لكن صدمها صوت م كانت تعرف منهو صاحبة لكن من فزة الخوصاء اكدت للميلا انه اسر
الميلا برعب : الخوصااء لااا يالخوصاااء
سحبت الميلا اللجام ووقفت الخوصاء من الحركة ودارت فيها ورجعتها داخل ونزلت منها بسرعة وانقطع سلسالها في حبال الخوصاء وركضت الميلا وطلعت ورا الاسطبل وانحشرت هناك مقدرت تطلع منه
فلاح بأستهزاء : ماش م جاتك
اسر احتدت نظرته وقال : فيه شيء مستحيل م تجيني
فلاح ركض بخيله ووصل للخوصاء وشافها تناظر الجهة الخلفية والباب الصغير مفتوح
فلاح بحدة : به احد هناا !
الميلا فزت وقالت بنفسها ( يارب م يجي يااارب )
اسر دخل الغرفة وركب ع الخوصاء وقال : علامك ؟
فلاح بجدية : الباب الصغير مفتوح وكانت الخوصاء لافة بوجهها عليه يعني فيه احد كان سابقنا للفرس !
اسر قطب وقال : مثل مين يعني ؟
فلاح طلع وهو يراقص الادهم وقال : مدري امش
اسر مسك الحبال بيدينه وطاح سلسال الميلا بحضنه ومسكه علطول قبل يطيح ورفعه وكان يتأمله وقال بنفسه ( هذا لمين !! ومين اللي تجرأت وقربت من الفرس حقي !! )
تجاهل اللي صار وطلع مع فلاح يتمشون واحد مع خيله والثاني مع الفرس حقته
ناظرت الميلا بهدوء وشافتهم طلعوا من الاسطبل كامل وقالت : واااه حمدلله يارب الحين كيف برجع للخيام !
طلعت للمضمار وناظرت وم شافتهم وركضت للخيمة ووصلت بعد دقيقتين من الركض
وناظرت يمين ويسار وم كان فيه احد يشوفها زفرت براحة ودخلت للخيمة
ام تركي : ميلاا خيير وينتس فيه ؟
الميلا برعب : يمه قريب رحت للخلا
الجود : ميلا تعالي
الميلا قربت وجلست جنبها : جود اذا بتزعجيني من الحين انطمي
الجود : لا بس بقولتس وش صار
الميلا قطبت : وش ؟
الجود حكت لها سالفة عقاب وعمهم وانصدمت الميلا وقالت : شلوون تشووه وجهه ؟؟
الجود : مدري ضحى م قالت شيء
الميلا بصوت مسموع : وضووح تعالي
ضحى ابتسمت وجات : عيوني
الميلا ابتسمت لها : تسلم لي عيونتس وش صار لعقاب ؟
ضحى : وش صار له ؟
الميلا : اقصد عمي ضربه ع وجهه وانكسر الفنجال عليه
ضحى : لا لا م صار له شيء خطير بس انجرح وجهه
الميلا : طيب وينه ؟
ضحى م فهمت ان الميلا تحب عقاب وتشوفه احسن رجال بين رجالهم كلهم وقالت لها : مدري عند الرجال ليه ؟
فزت الميلا ومسكتها الجود بقوة وطاحت الميلا جالسة مره ثانيه وقالت بحدة : خير ميلا وين رايحة !
الميلا ردت بهدوء : بشوف وجه عقاب
الجود توسعت عيونها وقالت : نععمم !
الميلا بعصبية : وشفيتس !
الجود بحدة : انتي اللي وشفيتس وش تبين بالرجال ؟؟
الجود انصدمت من اختها اللي مشت وطلعت وقالت بنفسها ( اه منها الغبية ذي تبي تذبحني ااه يارب صبرني ! )
" عند عقاب "
كان واقف عند الونيت بعد م صب موية للأبل وكان يغسل وجهه من الموية وشوي سمع همس صوتها الشجي ولف عقاب وانصاغ سمعه للصوت وقال بصوته الثقييل : من اللي هنا !؟
الميلا ضربت راسها بخفه عشان صوت عقاب العالي وقالت بهمس : انا الميلا !
عقاب توسعت عيونه وصد من صوتها وهو اول مره يسمع صوت ميلا بعد م كبرت ومشى يبي يرجع للرجال بس استوقفه صوت غير صوت الميلا وكانت الجود تهاوشها وتقول : وشش تسوويين ياااارب انهبلتتيي ؟
الميلا بحدة : ااف جوود انطمميي اختتس الكبييرة واعرف وش اسوي
الجود توسعت عيونها وقالت : انتي مريضة ولا ايش بعدين شكلتس نسيتي ان ذا عقاب اكيد م بيتألم وربي انه وحش وجثة م تحس ولا عندها قلب ولا اي شعور ؟
ابتسم عقاب بغضب وهو عرف ان جود هي اللي تكلمت ومشى للرجال وهو م حب يطول وهو يسمع سوالف حريم ومليون خط تحت حريم !
الميلا سدت منطوق الجود وقالت : جوود يغبيية يسمعتس !!!
الجود شهقت برعب وقالت : وييينه !!؟
لفت الميلا وم حصلت احد وزفرت براحة وقالت : لا لا راح
الجود مسكت يد اختها وسحبتها داخل الخيام..
" عند الحريم "
ام فهد : ايه وش خططكم ذا الاسبوع ؟
ام تالين زفرت بملل وقالت : انا فالبيت م بطلع
ام تركي : وانا وابو تركي قررنا ننقل
ام فهد وام تالين لفوا لها بقوة وقالوا بصوت واحد : وين ؟
ام تركي ضحكت وقالت : للرياض
ام فهد شهقت وقالت : يعني بتروحين ي صباح ؟
ام تركي مسكت كتفها بحنية وقالت : والله ي قمراء اني مضطرة اروح
ام تالين ضحكت بسخرية وقالت : شلون مضطرة كلنا عارفين انتس تبينها من الله وتبين تطلعين من الديرة
ام فهد مسحت دمعتها بهدوء وقالت : بشتاق للميلا والجود والله اني اعتبرهم مثل بناتي
تركي ضحك من برا وعرف انهم يتكلمون عن موضوع النقل وقال : وانا يعمة مالي نصيب من الشوق ؟
ام فهد فزت وقالت : الا والله يترروك انك مثل عيالي
ناصر ضرب تركي وقال : اجل بتروح وتاخذ حلمي معك !
تركي حضن ناصر وقال : تكفى ينويصر تكفى يخوي الكبير يويلك تتخلى عن حلمك !
اسر وفلاح بهمس : اخيييرًا
تركي لف لهم وقال : يملاعيين وش سويت لكم !
اسر تنحنح وقال : هاه وش ؟
فلاح ابتسم بفشلة وقال : تحسب اخيرًا عشانك بتروح ؟
تركي تكتف وقال : ايه برر موقفك انت وياه
فلاح فتح جواله وطلع اعلان خيول قديم عنده وكبر الشاشة يخفي التاريخ وقال : عشان فيه معرض خيول قريب ونبي نشارك فيه
وتقدم وحضن تركي وقبص اسر وراه وفز اسر وحضن تركي مع فلاح وقال بألم من القبصة : اييه اييه...وفلاح الزفت صادز
تركي ضحك وحاوطهم وقال : اجل موفقين يفرساننا
لف تركي راجع لخيمة الرجال وقال اسر من وراه : اخييرًا بنفتك منه هو وناصر
فلاح مسك طرف ثوبه وركض وهو يقول : لزوووم عليي ابششر عقييب
اسر ركض وراه وهو يضحك وقال : ايييه لزوووم ع قولتتك
بعد ساعات غربت الشمس والكل غادر العزبة م عدا عقاب اللي ينتظر يعشي الابل ويرجع ع سيارته وفعلاً انتهى عقاب من شغله ولف وركب سيارته وطفى انوار الخيام ومشى متجهة للديرة اللي كانت ١٥ كيلو تبعد عن العزبة ..
" فالديرة "
ابو فهد بضيق كان متلطم اثر الغبار قال : اجل بتروح بعد ٤٠ سنة وتخلي الديار وراك يراشد !
ابو تركي بضيق : والله حدتني الظروف وشغل تركي وام تركي واهلها
ابو فهد : الله يستر علييك يخوي ولا تقطعنا كل يومين انزل وسير علينا والله انها بتظلم الديار من بعدك
ابو فلاح كح وخرب عليهم جو الحزن وهو يقول : بس عاد وش الدراما ذي رجال وبيشوف حياته وابد يراشد ان اعجبتك العيشة هناك مني نصيحة وانا اخوك الكبير لعاد تعود
ابو فهد ضربه بخفه وقال : وبعدييين يسويلم !
ام تركي بهمس : في امان الله يأبو فهد وابو فلاح
ابو فهد لف راجع لبيته وقال : مسرى الخير
ابو فلاح ابتسم وقال : في حفظه تمسوا ع خير يالربع
مشى ابو فلاح ولف ابو تركي لأم تركي وقال : وين البنيات ؟
ام تركي ضحكت وقالت : والله يراشد جود طايرة من الفرحة وميلا شوي وتحرقنا
ابو تركي ضحك وقال : اعرفها الميلا اعرفها زيييين م تحب مكان غير الديار مثل ابوها
دخل ابو تركي يشيل اخر الاغراض واخذ نظرة اخيرة لبيت عمره اللي كان الاثاث متغطي بالشراشف البيضاء والبيت يجيب الضيقة واختفت روح الحياة فيه سكر البيبان وطلع وركب سيارته ومشى متجهة لرحلة وحياة جديدة تحت عنوان " مدينة الرياض " ولف وقال : ميمي زعلتي ؟
الميلا بحزن وهي تمسح دموعها بقوة وقالت : اه يبه وشلون م ازعل وانا م ودعت وضوح !
ابو تركي ابتسم وقال : معليه يبنيتي سهالات وان شاءالله تعدي السنين ويتزوج اخوتس ويعيش فيها ونرجع
اما الميلا فطرت ببالها فكرة زواجها من احد عيال عمانها وقالت : ولا انا اتزوج واعيش فالديرة واموت فالديرة
ام تركي بحدة : ميلا خيير ؟ زواج وبتتزوجين من ولد خالتتس هزاع !
الميلا صرخت بكتمة ولفت ع الجود اللي تضحك وقال بهمس : بلا سنون ان شاءالله علامتس تضحكيين !
الجود ابتسمت وقالت : افا ي ميلو حرام اضحك ؟
الميلا استحقرتها ولفت لأمها وقالت : وهزييع الزفت ذاك وربي م اعرس به !
ام تركي ضحكت وقالت : هيين بنشوف
ابو تركي مسك يد ام تركي وقال : بس يمره خلاص
الجود لفت وناظرت الشارع الطويل المستقيم للرياض ابتسمت وقالت بنفسها ( حمدلله طلعنا من الديرة حمدلله بحقق احلامي واصير مهندسة بعيييد عن جهل عمي عايض وعياله وعساني م اشوفهم طول عمري ! )
غمضت عيونها مرتاحة البال مع تركي اخوها وصباح امها اللي كانوا مبسوطين مثلها والعكس كانت الضيقة مرتسمة بوجه راشد وفرقى اخوانه وجماعته والميلا وفراق وضحى والخوصاء..
" في بيت ابو فهد "
دخل مع البوابة وسكرها بأحكام ولف وشاف العيال يركضون وضحى معهم وصرخ وقال : يالعاقبيييين شاييفين الساعة كم والله لا اسمع نفس النوووم !
( عند عيال ابو فهد )
كانوا سامرين ومكملين قعدتهم فالحوش وضحك وسوالف
اسر ابتسم وقال : عقاب بغت عينه تودع اليوم
عقاب رفع البيالة وقال : وشكلك تبي خشمك يودع
ضحى ضحكت وقالت : بس خلاص انت وياه ترا والله معاد اقعد معكم
عقاب ابتسم ع جنب وقال : يعمري يوضيح ومن كذب عليتس وقالتس اني متشفق ع القعدة معتس ؟
ضحى فزت واعتلت صدر عقاب العملاق وقالت : مو عشانك كبير وضحم تحسب م بقدر علييك الا عقبت وانا اخت فهد !
عقاب اول م سمع اسم فهد قال : والتبن فيتس وفي فهد
اسر بحدة : بس انت وياها ابوي لا يجي امشوا اخلصوا شلوا الاغراض معي
فجأة انفتحت البوابة وفز عقاب وشال ضحى بين يدينه وتلطم وقال : النحشششة
اسر صرخ وفز وقال : يوييلييييي ويلااااه
ابو فهد بحدة : والله فييكم وبعدين عقاب تعال ابي اكلمك ونزل وضيحه والله فيها
ضحى ضحكت وقالت : م تقدر علي يبه
ابو فهد : اييه اوريتس يالكلبة
عقاب نزلها بسرعة وطاحت ضحى ع الباب وصرخت بألم وقالت : وعلة يعقاب م تعرف تنزل ليه تشيل !!
عقاب ابتسم وقال : لا بس شفتتس دخلتي الجو وقلت اخرب عليتس
ضحى ضربته وقالت : يشيينك الا شكل ابوي بيكلمك عن العرس
عقاب زفر بملل وقال : والله مع نفسه عرس م بعرس الله اكبر حول علي يوم م قدر ع ناصر !
ضحى : طيب انت متوظف وناصر لا عشان كذا استهدفك علطول
عقاب : انا عقيد يعني ناصر بيصير دكتور وبيصير احسن مني
ضحى ضحكت اول م سمعت صراخ ابوها ينادي عقاب وقالت : بيعصب منك وبيحول ع اسر
اسر ضربها من وراها وقال : شوفيني شليت الصحون والاغراض غسليها قبل تصحى امي الفجرية وتغسلها وبعدين وشفيني ؟
عقاب صد ومشى رايح لأبوه فالمجلس وكملت ضحى تقول : اقول لعقاب ابوي بيكلمه عن الزواج
اسر توسعت عيونه وقال بحدة : وشو !! زواج ؟
ضحى ضربت راسها بخفه وقالت : وانت م تدري ! ابوي يبي يزوج عقاب
اسر بصدمة قال : بمن ؟
ضحى ضحكت وقالت : لا هذا فالحلقة الجاية نعرفه
اسر ضربها وقال : دزي يلعن ثقل الدم اللي عندتس
مشت ضحى وهي تضحك ودخلت لغرفتها هي والبندري وطلع اسر يتنصت ع كلام ابوه وعقاب
" عند عقاب "
دخل المجلس وكان ابوه جالس وواضحة الضيقة عليه جلس قدامه وقال : افا يبو عقاب وش مزعلك ؟
ابو فهد تكلم بحزن وقال : راشد راح
عقاب قطب وقال : وين ؟
ابو فهد : للرياض المخيسة ذيك !
عقاب ابتسم اول م تذكر كلام الجود والميلا عنه اليوم وقال : وش مزعلك بروحته ؟
ابو فهد : ماهو مزعلني كثر زعلي عليك
عقاب مسح وجهه وشنبه وقال : يبه جعلني قبلك انت تدري ان كل شيء عندي رضاك اولى منه لكن العرس وانا..
قاطعه ابوه وهو يقول بحدة : وانت وش ؟ وظيفة ؟ ومتوظف ومرجلة ؟ ورجال وش ناقصك !
عقاب بهدوء يعكس العواصف داخله قال : بس عرس الحين م ودي يابه ولا تحدني عليه تكفى انا طالبك
ابو فهد بدأ وجهه يحمر وعيونه تطلع شرار وقال بصراخ : وممنن انتتت عشاااان تقوول كللمة فووق كلمتيي وعررس وبتعرررسس ولاا والله اننيي معااد ارضى عليييك سااامع !
عقاب غمض عيونه بقوة وقال بهدوء : ومنهي اللي بتزوجها !
ابو فهد بحدة : وحدة من بنات عمك راشد
عقاب توسعت عيونه وقال بحدة : نعمم ؟! يخسسون م ابييهم
ابو فهد : والله مالك الا هم ولا تبي ع اخر عمري ازوجك وحدة من بنات السلقة خديجة !
عقاب : يبه هل اذانيك تسمع الكلام اللي يقوله فمك ! بنات عمي راشد وراعين صغااار علي
ابو فهد ابتسم وقال : احلف ؟ وحدة كبر وضيح ووحدة كبر بندوري ولا تحسبني غافل عنهم !
عقاب عدل جلسته وقال : طيب وكم بيني وبين ضحى !
ابو فهد : خمس سنين لعاد تزود من عندك كلام
عقاب زفر بعصبية وقال : طيب خلاص بس بعد م يرجعون كلهم بالسلامة نروح نتقدم لها
ابو فهد ضحك وقال : ايييه ذا ولدي نفداه
عقاب تقدم وباس راس ابوه وقال : مجار من الفدى
ابو فهد : بس ترانا بنأخذ الميلا
عقاب قام وقال : ع خيير ان شاءالله
طلع وصدم بآسر اللي كان يتنصت وقال : ماشاءالله وش عندك ؟
اسر بصدمة : بتعرس !! واتفاقاتنا وخططنا !
عقاب قفل فم اسر وقال بحدة وهو يهمس : سسسد حلقققك ابوي لا يسمعنا امش المقلط
مشى عقاب واسر وراه ودخلوا وسكروا الباب وراهم وانسدحوا جنب ناصر اللي سبقهم من ليل وغطاه النوم وشوي وفزوا ع ضربة الباب بعصا ابوهم وهو يقول : النووم يعقاب واسر النووم
م ردوا وفز اسر وشاف ابوه يدخل ويسكر باب البيت وراه ولف لعقاب وقال : اسمعك
عقاب جلس وقال : ابد والله تذكر ابوي يوم دعاني الظهر اليوم وضرب راسي فالشبك ؟
اسر هز راسه بنعم وكمل عقاب يقول : قالي انه يبي يزوجني
اسر زفر بعصبية وقال : بميلا ؟
عقاب : هذا اللي بيصير
اسر : طيب بقولك اللي صار اليوم
عقاب ابتسم وهو يحب سوالف اسر وقال : اسلم ينظر عيني
اسر ابتسم وقال : اليوم لقيت ذا
وسحب سلسال الميلا من جيبه وقال عقاب : اعقب من وين جبته ذا ؟
اسر ضحك وقال : لقيته بحبال الخوصاء اليوم
عقاب : ايه بس حق بنت هو
اسر ضربه وقال : حمار انت اجل رجال يلبس ذهب !
عقاب توسعت عيونه وقال : اييه طيب بس حق من !
اسر : والله علمي علمك
عقاب تذكر اللي صار وقال : واليوم بعد بنات عمي راشد يحكون فيني ووحدة منهم كأنها جايه تشوفني
اسر تحمس وقال : من من احك زين وعلمني
عقاب انسدح وهو يضحك وقال : الممسى يآسر الممسى
اسر رفسه برجله وقال : حيوان !
انسدح جنبه ورفع السلسال فوقه وكان يتأمله وقال بنفسه ( اذا ذا السلسال بالجمال ذا من صاحبته ؟ ) رجعه بجيبه ونام علطول لاحق عقاب اللي غط بنومته وهم ناوينها نومة ساعة ونص قبل اذان الفجر ..
::::::::::::::::::::::::::::::::::::::::
انتهى البارت ادعموني بنجمة وكومنت عشان اتحفز اكملكم ❤️
( ارحبوا يحباااااني رجعنا بروايييية جديييدة مليييانة احداااث حلوه ، البارت الاول خفيييف ويحمسكم للجاي اشوفكم ع خير ببارت جديد 😢 )

ليّت اللِذي خَلق العُيون السُود ... خَلق القُلوب الخَافقات حَديد حيث تعيش القصص. اكتشف الآن