/لطفاً لايك قبل القراءه لجهودي وشكراً ♡•♡/
.
.
.
.
.
.
.
.
.
.
.
.
"أميل للعزله وابعد عن الناس..
مابي عيون الناس تنظر لحالي..
قلبي من الحزن تايه ومنحاس..
وعيني تهل الدمع ياعزتالي..
جو السعاده تبدل فيها بالأنفاس..
من يوم ماجابتك لي هالليالي..
اذرف دموع الحزن واقول لاباس..
ومن القهر تصفق يميني شمالي.. ♡•♡"
»«»»»««»«»«»«
سكر الباب بقوه وقعد ع الكنب معصب.
م احد استرجى يكلمه بعد الي شافوه..خلاص الي يبي يموت بس يتكلم.
كل واحد يناضر الثاني بمعنى قول شي.
بس التردد ماخذ دوره بهالموقف.
لين كسر هاالسكوت صوت الجد: ريحت اعصابك.؟!
الكل ناضرو ببرود الجد وهو يكلم ابو ساري.
الجد: قلت لك..قلت ان ساري مرده يعرف كل شي..لو كنت قلت له انت بعضمة لسانك يمكن م كنا وصلنا لهاالحاله.
ابو ساري الي غمض عيونه بعصبيه: يبه خلاص عتاب الي فيني مكفيني.
تنهد الجد: الموت حق يابو ساري..خلاص لاتحرقوه بقبره وتحرقو حالكم..اذكر الله وأدع له باالرحمه والمغفره وتثبيته عند السؤال..
راكان الي شاف كل الي صار: الحين..خالتي لها اصبع..بموت ساري.!
ابو ساري قام وطلع من البيت..ضايق خلقه م يبي يسمع اي شي.
وراكان كاره حاله الف مره.
الجد: يكفي خلاص..الحياه مراح توقف على احد..كلنا بنموت..الموت حق ومافي اي اعتراض..
.
.
.
_ومرت الايام والاسابيع والشهور_
.
.
.
_وبعد خمسه اشهر تقريبا_
.
.
.
قاعد بغرفته وقدامه اوراق تبع شغله.
قطع تفكيره صوت الباب يطق.
ابو ساري: تفضل.
وفعلاً فتح الباب: يبه ابيك بشغله اذا م عليك امر.
ابو ساري حط الي بيده: لا معليه تعال.
وفعلاً دخل راكان وقعد جنبه: يبه.
ابو ساري: ها شعندك.؟
راكان: ابخطب.
ابو ساري ابتسم: هاالساعه المباركه..على منو.؟
راكان تنهد: على رغد.
ابو ساري: لسى كلام ساري براسك م نسيته.
راكان: تدري.!
ابو ساري: اي ادري سمعته زي م انت سمعته.
راكان: اهاا..وش قلت.؟
ابو ساري: نعلّم ابو رعد ونشوف.
راكان قام: زين بروح الشركه انا..تبي شي.؟
ابو ساري: اقعد ابي اكلمك.
قعد: هممم.
ابو ساري: شوضع ام فهد وابو فهد.؟
راكان تنهد: والله ي يبه كنت مخطط اصلح الي بينهم بس بعد م شفت وش يصير لما يلتقو شلت ام الفكره من راسي..هذول زي التماس الكهرباء.
ابو ساري: شيصير.؟
راكان: ياخي يتناقرو على اتفه الاسباب..كرهوني بحياتي.
ابو ساري: ههه زين ابقولك شي.
راكان: تفضل.
ابو ساري: تدري ان ابوك عنده موهبه.؟
استغرب: موهبة وش.؟
ابو ساري ابتسم: زي موهبتك ي زفت ومخبي علينا شِعرك.
راكان: تدري.!
ابو ساري: اي ادري.
راكان: وانت وش عرفك باابو فهد.؟!
ابو ساري: والله لما سوينا شراكه تصادقنا وعرفت اشياء كثيره عليه.
راكان: اهاا..
ابو ساري: شرايك لو.............
أنت تقرأ
" تطري علي واشتاق لك واتخيلك..وانسُى منامي والتهي في خيالك 💛🍃"
غموض / الإثارة"للكاتبه: اسيرة الصمــت ♡•♡" الرواية تحكي عن اشخاص اختلفت اقدارهم..وتنوعت فيها الحزن وفيها الحب وفيها الحماس وفيها المزح وفيها الضحك. -بنت معروفه بغرورها وقوة شخصيتها وم ننسى مشاكلها الي دايم وين م راحت تكون اول الحضور..وش مخبي لها القدر ومن الشخص ا...
