" تطري علي واشتاق لك واتخيلك..وانسُى منامي والتهي في خيالك 💛🍃"

"...15..."

/لطفاً لايك قبل القراءة o(╥﹏╥)o /
.
.
.
.
.
.
.
.
.

" بيت ابو رعد "

بصراخ: امممجججججدددددد.!
واستمر الصراخ لين وصل رعد: سلامات يبه وش فيك خيير.؟!
ابو رعد بعصبيه: اقول ي رعد وين اخوك صاير له مده ماني شايفه ولا حاس انه معانا باالبيت اساساً..
رعد: يبه هدي تكفى الموضوع م يستحق كل هذا..تعال اعلمك.

قعدو ع الكنب: اسمع ي يبه..
ابو رعد: وش صاير.؟
رعد تنهد: امجد...انهدّ حيله..!!
ابو رعد استغرب: وش.!
رعد: تعرف..اسيل.!!!
ابو رعد: اي اعرفها وش فيها.!!!
رعد: زين تدري ان امجد يحبها حييل.!
ابو رعد: اي ادري انجز وش صار.!
رعد كل م تذكر حالة اخوه يحزن: تزوجت.!!!!
ابو رعد انصدم: وش.!!!
رعد: اي..وامجد متأثر من هاالشي.!! تدري انه يحبها ويغليها..
ابو رعد: عشان كذا صاير متغير.!!!
رعد: اي.
ابو رعد قام: ومخبين عني هاالشي ي حييف بس.

وتوجه لغرفة امجد.
وصل وفتح..
شافه قاعد ع الكنب والغرفه مبعثره ي زين لو تلاقي بس مكان تحط رجلك عليه.
ابو رعد: امجد.
ناضره بكسره.
ابو رعد الي انقهر انه عرف متأخر وش صاير مع ولده: تعال ودي اكلمك.
امجد: يبه تكفى م عندي مزاج اتكلم مع احد خلوني بحالي.
ابو رعد: امجد اقول اهجد بنات الناس كثار م وقفت عليها يعني.!!!
امجد ضحك بمسخره: اي ي يبه كثار بس الي يدخل القلب يبقى فيه وانت اكثر من يحس فيني على تجربتك مع امي.
ابو رعد حنّ قلبه وتنهد بحزن لطاري حرمته دخل لعنده وقعد جنبه وبحنانه المعتاد: اقول مجود..
م رد بس دموع عيونه تشرح كل شي.

ابو رعد مسح دموع ولده: اسمع خل عنك هاالحب والخرابيط انت لسى م كونت نفسك اساساً لابيت لاسياره لاوضيفه وشلون تبي تفتح بيت..المهم معلينا اسمع..ابعطيك وحده من الشركات وبتنشغل فيها وبتنسى كل شي..اسمع مني الحين قوم توضي وصلي ركعتين ادعي فيها ربك يسهل عليك..وارتاح شوي..رتب افكارك زين ومتى م حسيت نفسك خلاص تعال لعندي وانا والله م اقصر معك لا بشغل اذا تبي ولا حتى بزواج بس اعرف رتب امورك وحياتك ي ولدي.

ابتسم امجد وهو يسمع مؤاساة ابوه الي جد جت بوقتها.
حضنه: الله يخليلي ياك ي يبه وم يحرمني منك.
ابتسم ابو رعد: ولا منك ي رب والحين مثل م قلت لك يله قوم خل عنك هموم الدنياء وصلي ركعتين ادعي فيها ربك...واشغل نفسك بشي ينسيك هاالهمّ.
امجد: ابشر.
ابتسم ابو رعد: زين لاتفشل وجهي تراك ولد آل سعود م ينهدو بذي السهوله.
امجد: ابشر وم يصير خاطرك إلا طيب.
ابو رعد: اي هذا امجد الي اعرفه قوم يله..انا رايح غرفتي تبي شي.؟ علمني.
ابتسم: تسلم يبه م قصرت.

بادله الابتسامه وراح..

قعد جنبه رعد: افاا ي امجد وانا طايف اسبوع اراضيك م رضيت.
امجد: تصدق ي رعد..كلام ابوي بمكانه بس تدري وش الي م اقدر انساه.؟
رعد: وش.؟
امجد: احبها..احبها ي رعد..مو بس كذا وربي اعشق التراب الي تمشي عليه..كيف بنساها انا وتدري قبل ل ادخل الجامعه كنت اضحك عليك واقول ياخي خل عنك هاالحب والخرابيط كانت كلمة "حب" بكبرها مبزره عندي..م كنت اعطيها اي اهميه..بس بعد م تعرفت عليها والله ي رعد اني حسيت نفسي خلاص ملكت هاالدنياء..وازيدك من الشعر بيت..تراني راسم كل مستقبلي معاها..راسم كل شي براسي..وشوف وش صار.!
رعد تنهد ومسح على كتفه: الله كريم ياخوي انت اعمل بالاسباب وانشاءالله تكون اجمل مما يكون..
امجد: انشاء الله.
رعد: يله قوم صلي.
قام امجد: ابشر.
وفعلاً دخل الحمام توضى وطلع..فرش سجادته وصلى ركعتين حس انه شال كل همومه فيها..
سلم ورفع ايديه يدعي ودموعه تخاويه: اللهم اني اسألك في صلاتي ودعائي..بركةً تطهر بها قلبي..وتكشف بها كربي..وتغفر بها ذنبي..وتصلح بها امري..وتُغني بها فقري..وتُذهب بها شري..وتشفي بها همي وغمي..وتشفي بها سقمي..وتقضي بها ديني..وتجلو بها حزني..وتجمع بها شملي..وتبيض بها وجهي ي ارحم الراحمين..ي اكرم الاكرمين..اللهم اني اسألك ان تشرح صدري وان تريح بالي..وان تمحو حزني..وتزيل تعبي..ي رحمن ي رحيم..