/لطفاً لايك قبل القراءه لجهودي وشكراً ♡/
.
.
.
.
.
.
.
.
.
.
.
قام الجد: انا استأذنكم.
استغرب ابو ساري: على وين يبه تونا واصلين.
الجد: معليه ابي اريح تعال ودني المزرعه.
ابو ساري: ابشر.
وفعلاً قام ابو ساري وطلع مع الجد من الغرفه..
وتوهم ماشين وقفهم صوت ابو فهد: يابو ساري.
ناضره: هلا.
ابو فهد الي م يدري كيف يفتح الموضوع ويعتذر منه: اسمع م ادري وش اقول بصراحه.
استغرب ابو ساري: تقول ايش.؟
ابو فهد: م عندي عذر.
ابو ساري: تقصد.....
ابو فهد: اي.
ابو ساري ابتسم: وكيف دريت.؟
ابو فهد: علمني فهد.
ابو ساري: وفهد مين علمه.؟
ابو فهد: رياض.
ابو ساري: هممم..
ابو فهد: اسمع ادري م عندي عذر عندك بس....
ابو ساري ابتسم: معليه اهم شي عرفت الحقيقه ترا مو انا الي لازم تعتذر لي..وراك احد تعب من تصرفك معه وانت ادرى منو..سلام ولا تشيل بقلبك ترا والله مو شايل عليك شي.
تركه وراح مع الجد.
ابو فهد تنهد: اي والله وراي شخص تعب حييل من انفعالي.!
ورجع الغرفه.
.
"باالسياره"
.
طول الوقت الهدوء مسيطر ع الوضع.
الجد: ماجد.
ناضره: سمّ.
الجد: خلك حذر.
استغرب: ليه.؟
الجد: م ادري احس بشي غريب..وفعلاً شي كبير.
ابو ساري انفجع: وش تقصد..صلي ع النبي ي يبه وش هاالكلام بس.
الجد: ترا م امزح نصيحتي وعطيتك ياها..
ابو ساري تملكه شوي خوف.
الجد: مرده ساري بيكتشف كل شي فخلك مستعد.
ابو ساري تنهد: يبه تكفى تراك خوفتني.
الجد: لازم تخاف..شي طبيعي.
ابو ساري: لا لا انشاء الله م يصير إلا كل خير..وساري مراح يعرف شي.
الجد: تدري براشد وخباثته لولا الي صار م كنت تزوجت اصايل اساساً.
ابو ساري: يبه بلحضة غضب تزوجتها.
الجد: اسمع اصايل هذي بعمري م ارتحت لها باالبيت..هي واخوها م ينبلعو وتدري وش اقصد بكلامي عن اخوها هذا.
ابو ساري تنهد: يبه تكفى خلاص انسى الموضوع انا ي دوب نسيته.
الجد: المفروض م تنساه هذا يكون درس لك عشان م تصاحب اصحاب سوء.
ابو ساري: اخذت الدرس ي يبه اخذته خلاص لاتعاتب يكفي الي فيني.
الجد: براحتك.
بعد دقايق وصلو البيت ودخل الجد..
____________••____________
بهاالوقت باالذات.
وصلها للمستشفى ودخلوها لغرفة الاستعجالات بسرعه لحالتها الطارئه.
"بجهه ثانيه"
قاعدين يسولفون ويضحكون.
ايمن الي يحط الابره لراكان ويقيس ضغطه.
قطع كلامهم دخول الممرضه مفجوعه وتصارخ: دكتووور دكتووور الحققققق..
قام مفزوع: خير شصار.!
الممرضه: بنت انصابت بطلق نار.
ركض ايمن برا الغرفه والكل كان مخروع من الي صار..استغفرو ربهم وكملو كلامهم.
بعد دقايق قام رعد: يبه انا رايح.
ابو رعد: علامك مستعجل.؟
رعد ناضر ساعته: لا خلاص انا لازم اروح..عندي شغل كثير.
ابو رعد: زين انتبه لنفسك.
رعد: طيب.
YOU ARE READING
" تطري علي واشتاق لك واتخيلك..وانسُى منامي والتهي في خيالك 💛🍃"
Mystery / Thriller"للكاتبه: اسيرة الصمــت ♡•♡" الرواية تحكي عن اشخاص اختلفت اقدارهم..وتنوعت فيها الحزن وفيها الحب وفيها الحماس وفيها المزح وفيها الضحك. -بنت معروفه بغرورها وقوة شخصيتها وم ننسى مشاكلها الي دايم وين م راحت تكون اول الحضور..وش مخبي لها القدر ومن الشخص ا...
