" تطري علي واشتاق لك واتخيلك..وانسُى منامي والتهي في خيالك 💛🍃"

"...16..."

/لطفاً لايك قبل القراءة لجهودي وشكراً 🍃💛/
.
.
.
.
.
.
.
.
.

مي م تدري وين تنحاش بوجها من الاحراج: ي هوه ي بنات خلاص ترا والله زلت لساني.
رغد غمزت: و..الله على زله.
مي: اوففف منكم.
روعه: هههههههههه مازن تراه م يعرف ينضف شوفو اكواب العصير زي وجهه.
رغد: ههههههههههه يختي الاولاد م يعرفو يسوو شي اصلاً وقفت عليه يعني اااه لو تشوفي اخواني عاد بتنضفي وراهم سنه لقدام.
روعه: الاولاد كذا اصلاً.

قطع كلامهم صوت جوال مازن يدق.
اخذه وابتسم..
توجه للباب وسكره.

البنات الي تخبو اول م شافوه جاي ب اتجاهم واستغربو لما قفل الباب.
رغد: خير وش عنده ذا خايف نسحب كلامه ولا وش.
روعه بطبعها عناديه: تعالو نشوف.

جوري: بس عيب نتجسس على مكالماته ترا كل واحد وعنده خصوصياته.
روعه: تبون تجون حياكم م تبون باالطقاق والله ل اشوف وش وراه هذا.
وفعلاً توجهت للباب تسمع ومعاها البنات الي م شافو حل غير انهم يلحقوها.

وفعلاً بدو يسمعو و ليتهم م سمعو........

_____________••______________

• باالحديقه •

الجد: اقول طلال.
طلال: اامر.
الجد: ورا م تصب ل ابو فهد وفهد قهوه.
طلال: ابشر.
وقام بيصب لولا فهد: تسلم مابي انا.
الجد ابتسم بسخريه: إلا اسئلك ي فهد..كم عمرك.؟
استغرب: خير انشاء الله وش تبي بعمري.؟
الجد: اتوقع انك اكبر من ساري بسنه..يعني 29 سنه..صح.؟
فهد انصدم هذا جايب علومه: وانت وش عرفك.؟
الجد: ممكن تقول عندي مصادري الخاصه..
فهد: اخلص وش تبي بعمري.؟
الجد: ي فهد..ترا عمرك 29 سنه داخل ب الثلاينيات منت ببزر عشان نعلمك شلون تتكلم مع الي اكبر منك وانا بكبر ابوك مرتين وقت اقول كلمه تتنفذ.!
فهد ضحك: زين هاالنضام ماشي على قرايبك انا شكو منه.
الجد: الواضح ان تربيتك ناقصه.
فهد: اي ناقصه وترا م يهمني وش قاعد او كيف تشوفني.
ابو ساري عصب وهو يشوف فهد يتجاوز حدوده مع ابوه: فهههددد.!!! ثمن كلامك احسن م اثمنه انا.
فهد ابتسم: اي انت اصلاً مراح ترتاح لين تدمر بيتنا بكبره بعدين بتقعد تحط رجل على رجل.
ابو ساري كان بيقوم بس وقفه مسكت ابوه على ايده يهديه.

ابو فهد انهى النقاش: فهد..خلاص.
فهد سكت وكان ناوي على مشاكل ينفس فيها عن غضبه وعصبيته.

الجد الي اشر ل ابو ساري وكل الموجودين باالسفره عنده يروحو وكنه يبي ابو فهد وفهد بموضوع شخصي.!
استغرب ابو ساري ورجع راح مع اخوانه.

بقي الجد وابو فهد وفهد الي م سلمو من الشك فيه.

ابو فهد: اخلص ي ابو راشد وش تبي تراك اشغلتنا.
الجد: وراك مستعجل كذا ترا عندنا الليل بطوله وبعدين هاالكلام الي عندي لاتستعجل تجيب راسه لانك لو سمعته بتجيب راسك انت.!
فهد استغرب: وش تقصد وضح.!
الجد: الموضوع متعلق ب ام فهد.!!!!!