" تطري علي واشتاق لك واتخيلك..وانسُى منامي والتهي في خيالك 💛🍃"

"...19..."

/لطفاً لايك قبل القراءه لجهودي وشكراً ♡•♡/
.
.
.
.
.
.
.
.
.
.
.

ابشتكيلك دامك اعز الاصحاب..
شكوى جريح يبتسم في ونينه.. شكواي قلب بالهوى ماتاب..
كل مايصدمه وقت رجعه حنينه..
مطعون ياخوك كل مافتحت باب.. القى الغدر طبع العشق من حينه..
وان جبت طاري يغتبون ماغاب..
وينهشون بلحم بعض بحيله..

____________••____________

_صباح 🌤 يوم جديد_
_الساعه 8_

الكل قاعد ع الطاوله..عدا مازن الي م يبي يواجه جده او احد افراد هاالعايله..

"وبجهه ثانيه"

طاولة الحريم م غير مي الي قاعده بغرفتها.
قامت جوري: يمه اباخذ فطور ل مي.
ام فيصل: زين.
حطت الاكل واخذتهم جوري.
وصلت وطقت الباب.
وصلها الرد ودخلت.
شافتها قاعده ع السرير وتفكر.
توجهت لعندها وحطت الاكل طرف السرير: مي قومي افطري.
مي: مابي.
جوري: مي تكفين.
مي: جوري خذيه مراح اكل شي ترا والله نفسي منسده.
جوري: لاتفكري باللي صار خلاص.
مي: م اقدر.
جوري: خلاص كلي وبيصير خير بعدين.

وفعلاً حطت الاكل وراحت.

____________••____________

"بجناح مازن "

قاعد يفكر: وش اسوي انا الحين..ومن هذي الي يبي يزوجني ياها..اساساً وش اقول ل منار.! اوفففف وش هاالورطه.!! الله يبلاك ي جدي..

قطع كلامه طق الباب.
مازن: ادخل.
وفعلاً دخل وحط الاكل ع السرير: وش فيك انت م تنزل..
مازن: ياخي خلني افكر بمصيبة جدي الي م ادري وش سويت عشان الله بلاني فيها.
استغرب: افاا وش هاالمصيبه.؟
مازن: صباح الضهر باقي شوي ويستقبلوني ب اخبار الجزيره وانت م تدري.
قعد جنبه: لا والله م ادري وش صار خير انشاءالله.؟
مازن: ووين الخير ي ايمن..تدري وش بيني وبين منار صح.
ايمن: اي ادري وتراني قلت لك من قبل ابعد عنها..ترا البنت مصلحيه تحبك لفلوس ابوك بس غبي م تسمع.
مازن: حسبي الله..قلت لك م اقدر احبها.
ايمن: ي مازن ي حبيبي..ترا والله انت م تحبها..انت بس تبادلها مشاعر الاعجاب لسى ياخي م وصلت لمرحلة الحب افهمني.
مازن: م اقدر ي ايمن.
ايمن: اسمع..لو كان بيدي كان اثبت لك من زمان وش تبي منك باالضبط..وتعرف ابوها وعداوته مع جدي وعماني من ضمنهم ابوك..يعني السالفه منتهيه ي مازن لا تعلق قلبك ب اشياء وهميه تتحسف عليها بعدين..تراني احبك وابي مصلحتك هالبنت ابد ماهي مناسبه لك.
مازن: زين ومصيبة جدي.! حلها ي شاطر ولا فالح تزنّ على راسي بموضوع منار.؟
ايمن: هههههههههههههههه ابشر هات وش عندك.؟
مازن: م ادري لاتسئلني..رح اسئل جدي ياخي هذا الجد خرف ويبينا نخرف معه.
ايمن: يليل وبدينا شتم واخذ ذنوب...ياخي انت اذا م مر يوم وم اخذت ذنوب احد مدري وش بيصير فيك.
مازن: ايمن ترا راسي مصدع وهرمون الضغط عندي مرتفع ف احسن تروح ل اجلدك جلد الحين.
ايمن: ههههههههه هدي هدي واسمعني..علمني بالاول وش صار.؟
مازن: جدي يبيني اتزوج.
ايمن نط: الساااعة المباااركهه.!!!
ايمن فصخ الجزمه وحطها وسط راسه: اجل مباركه..جعلك تحس باللي احس فيه.
ايمن ايده على راسه: هههههههههههه خلاص عاد هدي م قصدت.
مازن: ساعه مباركه قال..قم قم انقلع من غرفتي ل امردغك الحين تستهبل على راسي من صباح الصبح..عشان كذا م اشتكي لك ربع همومي ادري مراح تقصر وتهبل وتستهبل بعد.
ايمن: هههه خلاص مزون توبه وربك مراح اعيدها.
مازن: حلّ عني بس خلني اشوف حل لهاالمصيبه.
ايمن: اسمع لو من وجهة نضري..الاحسن لك تتزوج وتنسى هذي منار.
مازن قام: ماني بناسيها ياخي حس فيني.