" تطري علي واشتاق لك واتخيلك..وانسُى منامي والتهي في خيالك 💛🍃"

"... 27..."

/لطفاً لايك قبل القراءه لجهودي وشكراً ♡•♡/
.
.
.
.
.
.
.
.
.
.

_الساعه 9 ونص_

وصل للبيت الي خصه من هاالديره كلها.

ونزل وفهد وراه.
قطع كلامهم وانشغالهم بهالموضوع سياره وقفت عندهم ورا سيارة ابو فهد.
استغرب فهد..اما ابو فهد يدري بكل شي.

وقف السياره ونزل..وفهد استغرابه كل ماله يزيد: زياد.!!!
زياد ابتسم: اي زياد.
فهد الحين فهم السالفه وناضر ابوه: اجل تقول فكرت باالموضوع وهذا زياد مهكر لك الارقام ههههههه كفوو ولد العم..نسيت انا وش اختصاصك.
زياد: هههه وازيدك من الشعر بيت ترا جوال راكان اخر اتصال جاء من بيت قديم ولما شفته م لقيت احد وكان عنده شرطه ولاف شريط الشرطه عليه وعرفت ان له دخل بموضوع راكان فرجعت طلبت رقم ولد ابو بدر من ساري وم قصر جابه لي واخترقت حسابه وطلعت لك كل المعلومات المهمه والغير مهمه.
فهد: ههههههه كفو يلبطل.
ابو فهد: تعالو..واسمعو لاتخلو احد يحس بشي بس بنشيك ع المكان ونشوف كيف.
فهد: زين.

توجهو لورا البيت يشوفو اذا في احد فيه..وفعلاً شافو رجال يحرسو من كل الجوانب..ابو فهد تأكد وتيقن ان راكان داخله.
رجعو لعند السياره الي تعمد يفرق مكان كبير عشان م احد يلاحظ عليها وعلى موقفها باالمكان.
ابو فهد: اسمع.
فهد: اامر.
ابو فهد: دق على ابو ساري الحين وعلمه بمكانا.
فهد: ي نعم.!!! ابو ساري.!!
ابو فهد ناضره: ادري انك م تبلعه بس دق عليه بسرعه..
فهد بضيق: زين.

وفعلاً اخذ جواله واتصل.

رد: هلا فهد.
فهد: ابرسل لك موقع راكان حنا الحين بمكان احتجازه وابيك تطلب الشرطه وتجي معاهم.

ابو ساري هنا فزّ من مكانه وخرع كل الاهل معه: ابشرر الحين جاااي وينكم.!!!!
فهد: حنا بمنطقة ال...... بيت الشيخ لو تعرفه.
ابو ساري: يله جاي.

طفى الجوال بسرعه وناضر رياض وايمن وفيصل: اطلبوو الشرطهه فوراً فهد لقى مكان راكان.

طلع بسرعه من البيت ورياض طلب الشرطه وبعد ابو ساري ومعه فيصل وايمن.

طلع جواله واتصل عليه.

__________••___________

دق جواله.
استغرب اخذه ورد.: هلا عمي.
رياض: اسمع لقينا مكان راكان تعال بسرعه.
فزّ من مكانه: وينن!!!!
رياض: تعال لمطقة ال.... لبيت الشيخ الكبير بسرعه لاتتأخر.
ساري: ابشر ابشر جاي.

وفعلاً ترك راشد الي لسى م علمه بشي وطلب موعد ثاني منه وتركه وراح..الموضوع م كان بيتأجل لكن راكان م عليه كلام اول اولياته.
وفعلاً توجه لنفس المكان الي علمه عليه.

_____________••___________

_داخل البيت_

قاعد ع الكرسي م يدري وين الله حاطه..دايخ وكل شبر من جسمه ينهش فيه باالوجع.
وضاري م كان مقصر يضرب ويحرق بقلب بارد كن الي قدامه مو بشر...ماخذه كيس ملاكمه وحرق وضرب ورفس..