Don't be Stubborn ! Baby

Part-23

*အိပ်မက်ဆိုတာ မက်ပြီးရင် ခုလို နိုးလာရတာပဲ မဟုတ်လား၊၊ ကျောင်းမနောက်ကျချင်ရင် အိပ်မက်ထဲက နိုးထ ပြီး ရေသွားချိုးတော့ *

Apo သူ့စကားနှင့်သူ ဒီလူကြီးဆီမှာ ထပ်ခံလိုက်ရတာမို့ မကျေနပ်စွာပင် သူ့နဖူးပေါ်က လက်အား ပုတ်ထုတ်ကာ ဆူပုတ်နေသည့် မျက်နှာနှင့် စောင်များအား ကန်ချကာ ရေချိုးခန်းဆီသို့ သွားရတော့သည်၊၊ ပိတ်ရက်တွေမှာ နားပြီး ပြီမို့ ဒီနေ့မှာတော့ သူ ကျောင်းတက်ရတော့မှာ ဖြစ်ပေသည်၊၊
ပိတ်ရက်အတွက် roll call ကတော့ P'Mile ပြန်တောင်းပေးမှာ ဖြစ်သော်လည်း ကျန်တဲ့ရက်တွေမှာ roll call အပြည့်ရမှ ဖြစ်မှာမို့ သူမကြိုးစားချင်သော်လည်း ကြိုးစားနေရမှာ ဖြစ်ပေသည်၊၊

Apo ရေချိုးခန်းသို့ ဝင်သွားလိုက်တော့ အဆင်သင့် ပြင်ပေးထားသည့် သွားပွတ်တံ မီးခိုးရောင်လေးအား ယူကာ ပျင်းရိစွာနှင့်ပင် တိုက်နေလိုက်လေသည်၊၊ ထို့နောက် ဘာရယ်မဟုတ် ရေချိုးခန်း ပတ်ဝန်းကျင်အား မျက်စိ လျှောက်ကစား ကြည့်တော့ တစ်ရိပ်ရိပ် ပြန်ပေါ်လာသည့် သူတို့ နှစ်ယောက်၏ ပုံရိပ်များကြောင့် မနက်ခင်း သူ့ညီလေး ပြန်တက်ကြွလာမည် စိုးသဖြင့် နောက်ဆုံး ရေချိုးခြင်းအား အမြန်ပင် လုပ်ဆောင်ကာ ရေချိုးခန်းထဲက ထွက်လာခဲ့လိုက်တော့သည်၊၊

ထို့နောက် ခေါင်းက ရေစက်လက်အား လက်တစ်ဖက်နှင့် သုတ်ရင်းပင် ခြောက်ကန့်လောက်ရှိသော နံရံကပ် ဘီဒီုကြီးအား ဖွင့်ကာ သူ၏ ကျောင်းဝတ်စုံအား ထုတ်ယူလိုက်လေသည်၊၊ အခုဆိုလျှင် သူတောင် သတိမထားလိုက်မိခင်မှာပင် သူ၏ အသုံးအဆောင် အဝတ်အစား အများစုဟာ P'Mile ၏ အခန်းထဲ၌ နေရာယူနေပြီ ဖြစ်လေသည်၊၊ သူ့အဖေသာ
သူ၏ အသက် 21 နှစ်အရွယ် သားလိမ္မာလေးဟာ ကျောင်းက အားကစားနည်းပြနဲ့ အတူနေသည်ကို သိလျှင် အတော်လေး shock ရသွားနိုင်လောက်ပေသည်၊၊

သူ့အဖေ၏ shock ရနေသော မျက်နှာအား တွေးကြည့်လိုက်ပြန်တော့လဲ ရယ်ရတာမို့ Apo တစ်ချက်ပြုံးကာ ဆံပင်ကိုသာ ခြောက်အောင် dryer မှုတ်လိုက်လေသည်၊၊ ထို့နောက် ရိုးရှင်းစွာပင် suncream လောက်ကိုသာ မျက်နှာထပ်၌ တင်ကာ လွယ်အိတ်ကို ပုခုံးပေါ်တင်ရင်း ထွက်လာခဲ့လိုက်တော့သည်၊၊