အလွန်အကျွံဆင်းရဲဟန်ဆောင်နေသော သူေဋ္ဌးမလေး

Ch-4

Unicode
...
အပိုင်း(၄)-တွေ့ဆုံခြင်း
....

ရက်စက်သည့်မိုးက စဲမည့်ပုံလည်းမပေါ်ချေ။ ပို၍တောင် သည်းသည်းထန်ထန် ရွာလာသေး၏။ဝမ်းရွမ်အိမ်ပြန်ရောက်သည့်အခါ သူမ၏ပုခုံးတို့က ရွှဲရွှဲစိုနေပြီဖြစ်သည်။ ထီးပေါ်မှ ရေစက်တို့ကိုခါချလိုက်ပြီးနောက် သူမဧည့်ခန်းဘက်သို့ လှမ်းကြည့်လိုက်သည်။

ဝမ်းမိသားစု၏ သခင်နှင့်သခင်မကြီးတို့က အိမ်တွင်ရှိနေပါ၏။ဝမ်းရွမ်၏အဖေက ဒီနေ့လိုမျိုးအလုပ်စောစော ပြီးသည်မှာ ရှားလှသည်။

အခုတော့ ပါးပါးဝမ်းနှင့်မားမားဝမ်းတို့က ဆိုဖာပေါ်တွင် ထိုင်နေကြပြီး တစ်ဦးကိုတစ်ဦးဖက်ထားကြကာ 'အနောက်ကျဆုံးရှစ်နာရီ´ ဟူသောတီဗီအစီအစဉ်ကို အတူတကွကြည့်နေကြသည်။

“နောက်ဆုံးတော့ မင်းသားနဲ့မင်းသမီးတို့တွေ့ကြပြီပဲ။
အိုင်း…”

“ထိုက်တန်ပါတယ်။ မင်းသားက မင်းသမီးကို အရင်က ကောင်းကောင်းတန်ဖိုးမထားခဲ့သော မင်းသမီးအနေနဲ့လည်းလွယ်လွယ်လေး ခွင့်မလွှတ်တာဖြစ်သင့်တယ်”

“အိုင်း…သူက ကိုယ့်ဆီကနေသင်ယူပြီး ဇနီးကိုပိုချစ်ပေးရမှာ”

“ရှင်ကလဲ အသက်ကဖြင့်ကြီးနေပြီကို”

“…”

လေထုအခြေအနေကလည်းကောင်းတယ်။

အချိန်ကလည်း ကွက်တိပဲ။

သူမရဲ့မိဘတွေက စိတ်ကောင်းဝင်နေကြသည့်ပုံပင်။

ဝမ်းရွမ်က တွက်ဆကြည့်လိုက်ပြီးနောက် ဤအချိန်က လက်ထပ်ပွဲဖျက်သိမ်းရန် အကောင်းအဆုံးအခွင့်အရေးဖြစ်သည်ဟု သတ်မှတ်လိုက်သည်။

သူမထုံးစံအတိုင်း ရေမိုးချိုးပြီးနောက် ပီခါကျူးညအိပ်ဂါဝန်ကိုဝတ်ကာ ရေစိုနေသည့်ဆံပင်ကို တဘတ်ဖြင့်ပတ်ထားလိုက်၏။ ပါးပါးဝမ်းနှင့် ၃၅ကြိမ်မြောက်စိတ်ပါလက်ပါ စကားပြောရန် သူမဆုံးဖြတ်လိုက်သည်။

“မစ္စတာဝမ်းဖုန်းချန် ကျွန်မရဲ့စေ့စပ်ပွဲအကြောင်းနဲ့ ပတ်သက်ပြီး စကားပြောချင်လို့”

ပါးပါးဝမ်းကတော့ မကြားမိသလိုသာ နေလိုက်သည်။
“ဒီကလေးမလေးက တော်တော်လှတာပဲ”