سجى : لا مو بس امك اكو بنات اتصلن
جلال : ها خواتي .... لحظه ( اتصلت ع امي ضلت تبجي وترزل بيه واني اكوللها جنت اشرب ونمت عند صاحبي عصبت عليه وسدت الخط )
سجى : تشرب
جلال : ها
سجى : 🙁
جلال : ممكن ساعدين اكوم
سجى : اصيح للممرض ( قبل لا اطلع سحب ايدي وكام ) ميصير تلزمني
جلال : ليش
سجى : ( احجي وياه وهو متكا ع ايدي ) لان حرام
جلال : ومن شلتج مجان حرام
سجى : وين شلتني
جلال : من خدروج ذولاك وخلوج بسيارتهم شلتج واخذتج لشقتج
سجى : ماعرف شلون اشكرك .... نقذتني منهم
جلال : تكدرين تشكرين .... خليني يمج ليوم اذا شافتني امي هيج تنجلط
سجى : ماعندك اصدقاء تروح يمهم
جلال : بلي بس امي تندلهم
سجى : بس ليوم
جلال : ترا ساعدتج يعني اقل شي سويلي هذا
سجى : ( اخذته لشقتي كوه يمشي .... فرشتله بالصاله تمدد ونام ) تريد اجيبلك شي
جلال : شنو غداج
سجى : مركه بتيته
جلال : انتي وجهج الاصفر ...... روحي جيبي كبده الي والج
سجى : ها
جلال : اني انطيح فلوسها
سجى : مو عيب .... ضيفي انت بس شلون اعوفك واروح
جلال : دقايق لتخافين عليه ميصير بيه شي
سجى : اخاف يرجعون عليه حتى دوامي خايفه اروحله ( ضحك واتصل ع واحد كاله يجيب لبيتي .... دخل هذا الواحد سمعت اسمه حمزه وهذا الرجال اسمه جلال .... كعد يمه بالصاله سويتله الكبده وصبيتلهم الغده )
حمزه : اني معزوم ماكدر ابقى .... اكلوا انتم الف عافيه
جلال : اذا سالتك امي كوللها يمي
جمزه : تمام
جلال : ( طلع حمزه سدت الباب وراه وكعدت تاكل بالمطبخ ) وينج
سجى : نعم
جلال : تعاي اكلي وياي
سجى : اخي ميجوزلي انت شخص غريب عليه
جلال : هو اكل واني ناحب اكل وحدي
سجى : مشكلتك ( رحت للمطبخ اتغده وهو وخر الاكل مااكل اجيت اشوف الاكل شفته متمدد نايم ) ليش مااكلت
جلال : مااشتهي
سجى : ميصير انت نزفت هواي
جلال :بليل حمزه يجيبلي قميص واروح منا .... لو تاركج يمهم احسلي متستاهلين انقذج
YOU ARE READING
ذنب لا يغتفر
ChickLitمهما حاولت الهروب من هذا الذنب اذ به يظهر امامي ليوقعني في مشكله اكبر