سجى : اني اسف لان حجيت وياج مساع هيج عذربنا كولنا متوترين
ام ياسر : قهرتني من كلتلي انتي بايكتهن
سجى : عذريها اميد ما قاصده بس جانت معصبه لو وحده منا بمكانج جانت كلتلي او لضحى نفس الحجي
ام ياسر : الله يسامحها نزلي تعشي اني اضل يمها
سجى : تسلمين ( نزلت لكيت ضحى تتعشى وحدها ) خلصوا
ضحى : ياسر يسبح هسه يجي يتعشه
سجى : ( سويتلي لفه واخذت اكلي وصعدت للغرفه )
ضحى : ( شوي واجى ياسر يمي يتعشى )
ياسر : ضحى ؟
ضحى : اي ضحى
ياسر : اختج تعشت ؟
ضحى : اي لتخاف عليها
ياسر : ما خايف عليها
ضحى : اي واضح
ياسر : جوزي من سوالفج بعدج صغيره
ضحى : اي بعدنا صغار ع الحبيات
ياسر : 😒
ضحى : ( هنيالها سجة والله محظوظه .... شحال لو حابني ياسر ..... جان موكعت بكل هلمشاكل .... كلشي صار بسببك ياسر ..... جان حتى رحيم مشفته ...... حسبي الله عليك لو حابني الي .... بهلاثناء دز رحيم رساله )
رحيم : بليل طلعيلي لا ادز لاهلج كلشي
ضحى : خليها لباجر فدوه
رحيم : لا ليوم
ضحى : ملحكت اجيب شي
رحيم : مشكلتج انتظرج لساعه ١
ضحى : ( ياربي شسوي .... استغليت اتشغال ياسر بااعشه ورحت لغرفته ادور بكنتوره لكيت هواي فلوس عنده اخذت ٢٠٠ منه .... هسه منين ادبر الذهب ..... اخذ تراجي سجى وبعدين منين ادبر قطعتين معقوله اخذ قطع امي ...... خل اغلس اسوي روحي تخربطت باجر اكله صار عندي هبوط ..... رحت للفراش ورحيم يدك يدك ويدز رشايل اقراهن من البرده يهدد ويتوعد واني مسويه روحي ميته .... كعدت الصبح ع رسالته الفيدوات راح توصل لابوج ماريد فلوسج خابرته ) هلو رحيم
رحيم : شتردين
ضحى : تعال ليوم البارحه كلش تعبت يمكن صار عندي هبوط
رحيم : ماريد بطلت خليهم الج
ضحى : شبيك وكعت البارحه مادري بالدنيا
رحيم : خوش
ضحى : رحيم فدوه لصير عنيد تعال ليوم مصار شي
رحيم : لا صار خزش وماريد فلوسج وراح احظرج ماريد اشوف وجهج
ضحى : شتريد تسوي ( سد الجهاز بوجهي ادك عليه يطلعلي حاظرني تخبلت ..... انوب اجى بابا وفرحانين بيه واني ميته خوف ياربي يذبحني بابا لو عرف يشنقني ...... والله يحركني .... كل شوي اصعد للحمام ابجي لمن اختنك واطلع اسوي روحي طبيعيه بس اني ميته ميته يداخلي اريد اخذ جهاز بابا بس بجيبه مخلي وحتى من يطب للحمام يدخل وياه يقرا بيه اخبار ..... فمكدرت احصل جهازه .... ورحيم كل شوي اتصل عليه مايرد حاظرني ..... اباوع لاهلي يسولفون ويضحكون ..... سجى مندمجه وياهم وطايره برجعه بابا .... شيصير لو تتبدل حياتي بحياتها .... حتى لو قتلها بابا هي معدها ذنوب مثلي حتى اللع راضي عليها اما اني عندي هواي ذنوب اخسر اخرتي مثل ماخسرت دنيتي ..... بهلاثناء بده الشيطان يلعب بعقلي ..... تذكرت ان جنان انطتني شريحه حتى احاجي رحيم بيها ....اذا راسلت بابا مراح يعرف اني ضحى ..... باوعت لسجى لفتره طويله وفكرت ..... هي ذكيه ؤاح تخلص نفسها اني عجزت اسوي شي )
الاب : سجى حبيبتي اخذي جهلزي شحني
ضحى : نطيني اياه اشحنه
الاب : شبي لونج منخطف .... صفره بويه
ضحى : هبوط صاير عندي لا تهتم اصير زينه ( اهلي مجابوا طاري ذهب امي لابوي حتى لا يضوجونه وهو ليوم جاي من السفر ...... اخذت جهاز بابا سجلت رقم رحيم وحظرته من كل البرامج بس مو حل هذا اكيد مايراسله من رقمه فتحت شريحه جنان وراسلت بابا ..... دزيتله الفيدوات وكتله ( هاي بتك سجى .... عندك اسبوع اذا ماتنطيني ١٠ ملايين انشر فيدوات بتك ) ..... ترددت ارسل تالي رسلتهن وطلعت الشريحه من الجهاز ضميتها .... ونزلت كاعده يمهم )
الام : ضحى صعدي ارتاحي شكله عندج هبوط
ضحى : مو مشتاقه لبابا
الاب : ضال اني اسبوع روحي حبيبتي .... سجى سوي شي لاختج تشربه .... عصير برتقال سويلها
سجى : صار ( سويتلها عصير برتقال و رمان واخذته الها ) شبيج ضحى ..... ضوجج رحيم ؟
ضحى : لا ..... سجى
سجى : ها
ضحى : تدرين اني شكد احبج
سجى : ههههه شبيج ضليتي تهذين ( شو هاي بجت .... كعدت ع طرف الفراش و حضنتها ) خبله غصبا عليج تحبيني غير اختج
ضحى : وانتي تحبيني ؟
سجى: طبعا احبج مع غبائج ومشاكلج الغبيه
ضحى : ودوم راح ضلين ساندتني
سجى : طبعا ( نامت ضحى بينما نزلت اني اسوي عشا وياسر يباوعلي بطرف عيونه كبريائه ميسمحله يعترف هو الغلطان خل يولي اهم شي عندي بابا رجع بالسلامه ..... خلصت عشه سويتلي لفه وشاي وصعدت اقرا .... شفت ضحى طابه تسبح ..... لزمت كتابي اقرا واتخيل احلامي ...... كانت دقايق بين الحلم والجحيم ..... دقايق وضج بيتنا بالصراخ .... ملحكت اسد كتابي حتى اقتحم بابا الغرفه ..... الاب الكان قبل ثواني يحضني ويبوس بيه هسه وجهه منكلب احمر ويعيط ويصرخ عليه مفهمت شي غير اجتي ضربات من بابا ع راسي ويشيل بيه ويضرب وامي تبعده وام ياسر تبعدني عنه .... من الضرب فقدت كل حواسي .... ماكدر انطق بحرف وام ياسر تكولي خزيتينا الله يخزيج دفعهم عني بابا ولزم راسي يضرب بيه .... جان يكولي ياريت ميت ولا شايفج هيج دخل ياسر مبعده عني واني بنص دمي يصوت ضعيف ) بابا حبيبي اني سجى
الاب : لتكولين بابا لتكولين مو ابوح اني .....
ياسر : اهدى عمي لتنحلط علينا
الاب : جيب سلاح جيب سجينه نعال خل اذبحها بيه
سجى : ( كلمات بابا دفعتني للخوف شمسويه اني ليش هيج معقوله ياسر مسوي شي ومجذب عليه ..... نشل لساني ماكدر احجي شي كل الي سويته باوعت لياسر بتوسل بينما هو نزل جاب سلاح لابوي .... وامي دك وتلطم تريد توصلي وام ياسر لازمتها ..... اني انسانه اخاف الزم المسدس بيدي شحال وهو مرفوع عليه جانت ادين بابا تتراجف وهو موجهه سلاحه ع راسي .... محد يلومه .... حقه يضعف .... وبيده سلاح موجه لطفلته ..... تربيتك اني بابا شلون شكيت بيه شلون صدكتهم ومسمعت مني ) ..... يتبع
YOU ARE READING
ذنب لا يغتفر
ChickLitمهما حاولت الهروب من هذا الذنب اذ به يظهر امامي ليوقعني في مشكله اكبر
