انتهت مها من الفحص ثم رفعت عينيها له فقد اعجبت به قائلة بابتسامة ونبرة توددية : هي كويسه هي بس بتطلع سنان وشكلها اول مرة هكتبلها علي دواء دلوقتي وجل خاص بالاسنان هيريحها عشان متتوجعش منها وهي بتطلع يا استاذ......
آسر : آسر
الدكتوره مها بابتسامة : تشرفت يا أستاذ آسر
رفعت وعد حاجبيها مما تراه فهذه دكتوره الوقحه حرفيا تتودد لزوجها وتحت انظارها ومراقبتها الا تخجل مما تفعله ؟!!!
انتهت مها من تدوين اسماء الادوية ثم رفعت عينيها تجاه آسر فقد كانت متجاهله وعد تماما
تحدثت إليه بابتسامة قائلة : اتفضل يا أستاذ آسر دي روشته فيها اسماء العلاج والوقت اللي تاخد فيه العلاج دا ..
قبل ان يمد آسر يده لكي يأخذ الورقه خطفتها وعد وتحدثت بشراسه الي مها قائلة : متشكرين يا دكتوره وبعد كده ابقي لمي عينيك شوية
رفع آسر حاجبيه من مما قالته وعد فهل هي تغار عليه ؟!
الدكتوره مها وقد اصطنعت عدم الفهم : الم عيني ليه هو انا عملت لحضرتك حاجه ؟!!
وعد بحدة : معملتيش ليا بس عملتي لجوزي اللي قاعده تبصبصيله بعينك دي . ثم نظرت الي ذلك الذي اعجب بغيرتها عليه قائلة : يلا نمشي عشان نجيب العلاج
هز رأسه ثم حمل هنا وتوجه معها الي الخارج .. وتركت تلك الدكتوره في صدمتها منها وحرجها منهم أيضاً
-------------------------------------------
في السيارة
تحدث آسر الي وعد : مكنش لازم اللي عملتيه فوق دا مكنتش مستاهله
وعد بغضب :ايه اللي مش مستاهله دي واحده قليلة الادب عماله تبصبص ليك ايه هو معدش فيه ادب خالص الايام دي ؟!
آسر بمداعبة وضحك : ايه غيرتي عليا مثلا !!
نظرت اليه للحظات ثم حاولت تدارك نفسها لتقول بتوتر : وانا هغير عليك ليه انا ... انا بس عشان الدكتوره دي مكنتش عامله اي اعتبار ليا عماله تبصبص ليك ولا كأني موجوده قليلة الادب
قد علم انها تكذب فغيرتها واضحه عليها وضوح الشمس...
تغار ؟! ... نعم تغار وبجنون عليه !!! فمجرد نظرات من دكتوره لاول مره تراه وتراها اشعلت تلك الانثي التي سوف تحارب من اجل رجلها في اي وقت وفي اي زمان
توقف آسر عند اقرب صيدلية ليجلب لهنا الادوية الخاص بها ...
انتهي مش شراء تلك الادوية ثم عاد الي السيارة فقد كانت هي جالسة بهدوء وبصمت منذ كلامهم الاخير
-----------------------------------------
في المنيا
دخل عمران الي زوجته وتحدث لها : ايه يا حاجه هتفضلي قاعدة زعلانه كده كتير
نجاة بحزن : قلبي وجعني علي آسر .. انا بفهمه من نظرة .. اسر يا عين امه زعلان ومهموم
عمران بحزن هو الاخر : هيبقي كويس وانا متأكد انا كنت قاصد اخليه يتجوز وعد ... كنت عارف ان آسر لسه بيحبها لحد دلوقتي
نجاة بطيبة : وعد بنت طيبة وكويسه ومحترمة عمري ما شفت منها الا كل خير لولا اللي عمله فهد بس !!
عمران : آسر ووعد هيتجاوزوا المرحله دي وانهم يفضلوا لوحدهم في مكان معين دا هيقربهم من بعض انا نظرتي عمرها ما تخيب وعد هي كمان بتحب آسر .. شوية كده ونبقي نعزمهم هنا واهو نشوف اخبارهم ايه وبقوا عاملين ايه مع بعض
نجاة : اه ان شاء الله قريب نعزمهم هنا وقتها قلبي هيطمن لما اشوفهم
عمران : ان شاء الله
----------------------------------------
في منزل عادل اصلان
قد خلد هو ومنال الي النوم..... جاء ذلك السكير الذي كان لا يقدر علي صلب طوله الي المنزل ...
دخل الي غرفته وجد اسماء زوجته نائمة هي وطفليها علي السرير فهو بالعادة لا يأتي الا في ايام قليلة واذا جاء ينام بغرفة اخري
فقد كانت حياة اسماء معه حياة اشبه بالجحيم ...
لكز تلك النائمة بحده قائلا بعصبية مغرطه : قومي انجري شيلي عيالك دول وديهم اوضتهم دلوقتي مش طايق ابص في وشكم واخلصي عايز انام
تحركت اسماء مسرعه حامله طفلها الصغير علي يديها والاخر ايقظته ليسير علي قدميه
تركت له الغرفة لتذهب لغرفة اطفالها تجلس بجوارهم الي ان يناموا مرة اخري
YOU ARE READING
وعد الآسر🦋 زهرة الفردوس
Romanceعجباً لتلك البدايات التي لا يوجد أجمل منها .. كم نتمني أن تدوم الفرحة وتكون عارمة قلوبنا .. ولكن!! اتظل دائمًا تلك الفرحة مليئة لقلوبنا .. أم للقدر رأي آخر.. ام تكون نهاية حكايتنا بداية لحكاية جديدة تجمعنا فيها الحياة معا وتكون هذه البداية هي الاولي...
الفصل الثامن 🦋
Start from the beginning
