إن لم تفهم صمتي، فلن تفهم كلماتي!!
اضغطوا علي النجمة تحت يا حبايبي وشاركوني آرائكم بكومنت واعملوا فولو للبيدج بتاعتي هنا واتباد 🦋
الفصل الثالث🦋
بعد انتهاء عدة وعد ومرور فترة علي وفاة فهد .. قد جاء وقت زواج آسر ووعد فقد ابلغوا عمران بموافقتهم باليوم التالي من حديثهم معا حينما عرض عليها آسر الزواج...
اليوم ...هو يوم عقد قران آسر علي وعد وقد تحدثت وعد مع والدها والذي لم يمانع أبدا من زواجها من اخ زوجها طالما كان غنيا فكل ما يهمه هو المال وليس راحة ابنته ..
حضر والدها ووالدتها واخواتها الاثنان غرام وسما لكي يكونوا بجانبها في يوم زفافها
تقدمت غرام من وعد التي كانت جالسة في غرفتها بمفردها فقد اخذت نجاة هنا منها لكي تجهز نفسها للزفاف.
دخلت غرام بمرحها المعتاد الي وعد : عروستنا الحلوة اللي زي القمر خلصت ولا لسه العريس مستني تحت
ابتسمت وعد الي اختها ابتسامة بسيطه : اه خلصت يا غرام
غرام : مالك يا وعد فيه حاجه ضايقتك ولا ايه حد كلمك ولا قالك حاجه
وعد باستهزاء : لا أبدا بس كنت من فترة متجوزه واحد ودلوقتي هتجوز اخوه والمفروض اني ابقي طايرة من الفرح اهو عريس غني والسلام وخلاص اهم حاجه مرجعش بيت اهلي لان انا الحمل التقيل علي سعد بيه
غرام وهي تعلم حال اختها وكمية الطمع والشر التي يتصف بها والدها : معلش يا وعد حاولي تنسي علي الاقل انهارده اي حاجه تخصه فكري في حياتك الجاية .. فكري في بنتك .. بنتك اللي هتكون اكبر مستفادة من جوازك لانها هتتربي في وسط عيلة كبيرة أب وأم اهم حاجه بنتك يا وعد سيبك من كلام اي شخص يزعلك
وعد بتأكيد : فعلا انا بالنسبة ليا دلوقتي اهم حاجه هي بنتي وبس ومش هسمح لاي حد بعد كده انه يقرر عني او انه يأذيني بكلمة انا لازم ابقي ام قوية لنفسي عشان بنتي ..ظلت تردد كلامتها داخلها ..
غرام بمرح كي تخفف عنها : ايوه خليكي كده متتهزيش ويلا اضحكي بقا دا اسورة واقف مستني تحت وطالع زي القمر معندكيش واحد شكله يبت يا وعد
وعد بابتسامة : لا معنديش
دخلت عليهم سما لتسرع بمناداتهم فقد اتي الشيخ الذي سوف يعقد القران
سما بمرح : الله .. الله قاعدة انتي وهي يختي هنا وسايبيني انا تحت مع امك انتي وهي بتتكلموا في ايه من غيري يا هانم انتي وهي
ابتسمت وعد علي اختها بينما ردت غرام : بنتكلم في خصوصيات يا حبيبتي واسرار لينا احنا الاتنين بس
سما بفضول : اسرار ايه دي وبعدين من امتي وانتم بتخبوا عليا
غرام : من دلوقتي
سما بحزن مصطنع : اخص عليكم انتم الاتنين مش هسامحكم خالص خالص
ضحكت وعد وغرام علي اختهما ومرحها الذي يقلب المزاج ويعدله دائما
سما : يلا ننزل بدل ما نسمع لنا كلمتين من اي حد محناش ناقصين وبعدين يا وعد ايه القمر دا ..دا انتي مش هتخلي لآسر عقل خالص هتطيريه منه
ضحكت غرام عليها بينما شردت وعد بكلام اختها للحظات قبل ان يهموا هما الثلاثة لينزلوا ..
أنت تقرأ
وعد الآسر🦋 زهرة الفردوس
Romanceعجباً لتلك البدايات التي لا يوجد أجمل منها .. كم نتمني أن تدوم الفرحة وتكون عارمة قلوبنا .. ولكن!! اتظل دائمًا تلك الفرحة مليئة لقلوبنا .. أم للقدر رأي آخر.. ام تكون نهاية حكايتنا بداية لحكاية جديدة تجمعنا فيها الحياة معا وتكون هذه البداية هي الاولي...
