رواية صحوة قلب ميت.

الفصل الثاني والعشرون

الرواية حصري ممنوع منعا باتا نشر الرواية في اي جروب او موقع…
اللهم أرحم أبي وأغفر له وأسكنه فسيح جناتك.
اللهم اجعل قبر ابي روضة من رياض الجنة.

                الفصل الثاني والعشرون

يقود سيارته بشرود لا يدري أين يذهب فوالده تركه وذهب ولا مأوي له وتركته زوجته  بمفرده بدل أن تبقي معه تهون معه تخلت عنه لينتبه لصوت هاتفه لينظر في الهاتف بشرود ليجد عشرون مكالمة من رحمة ليحسم أمره متجهاً لها فهي من تبقت له لعلها تكون الملجأ ليصل بعد فترة ويفتح باب الشقة ويدخل ويغلق الباب خلفه ويستند عليه بجزعه ليجدها تنفض من جوار باب الشقة وتتحدث بلهفة:أيه يا يحيي مش بترد لتقطع كلامها عندها تري حالته المذرية وتردد بصدمة:أيه إلي حصل يا يحيي مالك أنت كويس عمي كويس.
لا يدري ما يقول غير أن يرتمي بأحضانها ويردد بأسي بابا مات………

لتجحظ عيناها وتردد بعدم تصديق:مات أزاي ده مكلمني امبارح بالليل !

ليبتلع غصة بفمه ويشدد من ضمها كأنه يستمد منها العون ويردد بحزن:مات بعدها.

لتتحدث بحزن وهي تمسد علي ظهره بحنان:إنا لله وانا اليه راجعون.

لتبتعد عنه وتتحدث بحنان:إهدي يا يحيي إلي بتعمله ده أكيد هيزعله لتتحدث بتساؤل:أنت كلت ؟

ليحرك رأسه بنفي ويردد بحزن:مليش نفس.

رحمة بعتاب:هو أيه إلي مليش نفس ؟ أنت كده بتعاقب نفسك ؟ طيب بتعاقب نفسك ليه ؟دي اردة ربنا أدخل خد حمام دافي وأناهجهزلك حاجة خفيفة.

يحيي بإعتراض:مليش نفس أنا كل عايزة أني أنام وبس.

رحمة بحنان:طيب خد حمام هجبلك سندوتش بس تسند طولك عشان خاطر عمي .

يحيي بحزن:حاضر……..

………

بعد فترة يخرج من الحمام  ويصلي العشاء وبعدها يجلس علي الفراش ويسنتد بجزعه علي الفراش بشرود تام حتي أنه لم ينتبه لطرق الباب ولا دخول رحمة.

لتنظر له بأسي وتضع صينية الطعام علي الكوميدينو وتتجه له وتضع يدها علي ذراعه لينتبه لها ويتحدث بشرود:تعالي يا رحمة.

لتجلس جواره وتتحدث بتساؤل: أحسن دلوقتي ؟

يحيي بوهن : الحمد لله.

رحمة براحة: الحمد لله ممكن تاكل سندوتش واحد بس علي الأقل وتشرب اللبن ده ؟

يحيي برفض:مليش نفس والله يا رحمة.

رحمة بإصرار:لا لازم تاكل .

يحيي بضيق:يارحمة أنا مش قادر بجد.

رحمة بحزن:طيب عشان خاطر عمي حتي.

ليغمض عيونه بألم ويردد بقلة حيلة:حاضر يا ستي.
لتنهض بلهفة وتناوله السندوتش وكأس الحليب ليأخذهم منهم ويبدأ بتناول السندوتش دون شهية ويشرب كأس الحليب ليفرغ منهم بعد فترة لتنهض رحمة وتتحدث بإبتسامة:الف هنا لتحمل الصينية للخارج وتعود بعد فترة وتتحدث بحنان:ممكن تنام بقي عشان ترتاح ؟