رواية صحوة قلب ميت.

الفصل الآول

الرواية حصري.

اللهم أرحم أبي وأغفر له وأسكنه فسيح جناتك.

                    الفصل الأول 

في شقة راقية يجلس رجل كبير يظهر عليه الوقار في مكتبه وتتساقط دموعه وينظر لبرواز بين يديه ويردد بأسي: سامحني يا أخويا ربنا خدلك حقك مني.

ليستمع لصوت طرق علي باب مكتبه لينتفض بشدة ويضع الصورة في درج مكتبه ويتحدث بخفوت:أدخل .

ليدخل شاب بطوله الفارهة وإبتسامته الجذابة ويردد بمرح:سلام عليكم يا حج شريف.

شريف بحب:وعليكم السلام تعالي يا يحيي أقعد عايزك شوية.

يحيي بطاعة:أمرك يا بابا ليجلس أمامه ويردد بفضول خير يا بابا ؟

شريف بتردد:خير يا حبيبي شغلك انت عامل أيه ودراستك ؟

يحيي بحماس:خلاص يا بابا هناقش الدكتوراة وتبقي أبو الدكتور يحيى شريف الشافعي علي سن ورمح.

شريف بفخر الحمد لله ليردد بتوتر يحيي أنت إبني البكري وعارف غلاوتك عندي أد أيه هطلب منك طلب وأتمني توافق عليه.

يحيي بحيرة: خير يا بابا ؟

شريف بتردد:أنا عايزك تتجوز رحمة بنت عمك ؟

لينتفض يحي بصدمة ويردد بعدم تصديق:رحمة مين إلي اتجوزها وبعدين هي مش اتجوزت ؟

شريف بحزن: أيوة يا أبني كانت أتجوزت واحد بلطجي وشمام وأتسجن بس هي أطلقت منه.

يحيي بتهكم:ما شاء الله بلطجي وشمام الله ينور وتقريبا هي كمان متعلمتش يعني بنت عم طلعت فجأة وقولنا ماشي وأتجوزت وخلاص موضوعها أنتهي أنت بقي عايز تجوزني أنا الدكتور يحيى الشافعي لواحدة زي دي أنت حضرتك شكلك ناسي أنا خاطب مين وأهلها مين أنا خطيبتي خريجة هندسة وأبوها دكتور وأمها دكتورة عايزني أسيب النسب إلي يشرف ده وأتجوز واحدة تربية حواري؟

شريف بأسي:بس بنت عمك لحمك ودمك يا أبني هتسيبها في الظروف دي لوحدها !

يحيي ببرود:ميخصنيش يا بابا عندك ياسين أخويا جوزهاله أنا لا  لينهض يحيي ببرود بعد إذنك يا بابا.

شريف برجاء:يحيي وافق يا أبني لو ليا خاطر عندك ؟

يحيي بعدم تصديق: أوافق علي أيه أني أدمر مستقبلي عشان واحدة ولا ليها أصل ولا فصل ما يمكن مش بنت اخوك فعلا والناس دي بتضحك عليك .

شريف بنفي: لا بنت اخويا وافق يا أبني عشان خاطري خلينا أقابل رب كريم وأنا مستريح أنا أيامي في الدنيا معدودة.

يحي بعدم فهم:قصدك أيه يا بابا فهمني ؟

شريف بأسي:بقالي فترة عندي صداع مستمر ودوار شديد بيجيني روحت كشفت وعملت تحاليل طلع عندي كانسر في المخ في مرحلة متأخرة صعب فيها العملية مجرد جلسات كيماوي عشان تثبت حجمه.